ຄາດວ່າຜູ້ຕ້ອງສົງໄສນັກຄ້າອາ
ວຸດຊາວຣັດເຊຍ ນາຍ Viktor
Bout ຈະໄປປາກົດໂຕ ຕໍ່ໜ້າ
ສານເປັນເທື່ອທໍາອິດໃນວັນພຸດ
ມື້ນີ້ບໍ່ຮອດນຶ່ງມື້ ຫລັງຈາກທີ່ໄດ້
ຖືກນໍາໂຕມາຍັງສະຫະລັດຈາກ
ປະເທດໄທເພື່ອປະເຊີນກັບຂໍ້ຫາ
ກໍ່ການຮ້າຍ.
ເຈົ້າໜ້າທີ່ເວົ້າວ່າ ນາຍ Bout ຊຶ່ງໄດ້ເດີນທາງມາຮອດສະຫະລັດ ໃນຕອນແລງວັນອັງຄານ
ວານນີ້ ຈະໄປປາກົດໂຕຢູ່ສານແຫ່ງນຶ່ງຂອງນະຄອນນິວຢອກໃນມື້ນີ້.
ເຈົ້າໜ້າທີ່ກະຊວງຍຸດຕິທໍາແລະຄະນະໄອຍະການຂອງສະຫະລັດມີກໍານົດຈະຈັດກອງປະຊຸມ
ນັກຂ່າວ ເພື່ອຖະແຫລງກ່ຽວກັບຂໍ້ກ່າວຫາຂອງພວກເຂົາເຈົ້າຕໍ່ນາຍ Boot ທີ່ຈະຖືກດຳເນີນ ຄະດີໃນຂໍ້ຫາສົມຮູ້ຮ່ວມຄິດເພື່ອສັງຫານຊາວອະເມຣິກັນແລະໃຫ້ການສະໜັບສະໜຸນອົງການ
ກໍ່ການຮ້າຍ.
ລັດຖະມົນຕີກະຊວງຍຸດຕິທຳຂອງສະຫະລັດທ່ານ Eric Holder ກ່າວວ່າກິດຈະກໍາຄ້າອາ
ວຸດແລະການສະໜັບສະໜຸນຂອງນາຍ Boot ຕໍ່ການຂັດແຍ້ງກັນດ້ວຍກຳລັງອາວຸດຢູ່ທີ່ອາ
ຟຣິກາ ຕາມຂໍ້ກ່າວຫານັ້ນ ແມ່ນເປັນສາເຫດທີ່ພາໃຫ້ມີຄວາມວິຕົກກັງວົນຢູ່ໃນທົ່ວໂລກ.
ເຈົ້າໜ້າທີ່ໄທໄດ້ຕັດສິນໃຈອະນຸຍາດໃຫ້ຈັດສົ່ງນາຍ Boot ມາຍັງສະຫະລັດເຖິງແມ່ນມີການ
ຄັດຄ້ານຈາກຣັດເຊຍ ໂດຍໄດ້ມອບໂຕຜູ້ກ່ຽວໃຫ້ສະຫະລັດ ໃນຕອນບ່າຍວັນອັງຄານວານນີ້
ຈາກຄຸກແຫ່ງນຶ່ງໃນບາງກອກ.
