ຜູ້ຊ່ອຍວຽກທ່ານທັກສິນ ຊິນນະວັດທ່ານນຶ່ງກ່າວວ່າ ອະດີດນາຍົກລັດຖະມົນຕີ ຂອງໄທ ຈະເດີນທາງມາຍັງກຸງວໍຊິງຕັນໃນສັບປະດາໜ້າ ເພື່ອໄປໃຫ້ການກ່ຽວກັບສະຖານະການດ້ານການເມືອງແລະສິດທິມະນຸດໃນໄທ.
ທ່ານນົບພະດົນ ປັດທະມະ ຜູ້ຕາງໜ້າດ້ານກົດໝາຍຂອງ
ທ່ານທັກສິນ ກ່າວໃນວັນຈັນມື້ນີ້ວ່າ ຄະນະກໍາມາທິການວ່າ
ດ້ວຍຄວາມໝັ້ນຄົງແລະການຮ່ວມມືໃນຢູໂຣບ ໄດ້ເຊື້ອເຊີນ
ທ່ານທັກສິນໄປໃຫ້ການ ທີ່ນະຄອນຫລວງຂອງສະຫະລັດ ໃນວັນທີ 16 ເດືອນທັນວານີ້.
ທ່ານນົບພະດົນ ກ່າວຕື່ມວ່າ ການໄປໃຫ້ການໃນຄັ້ງນີ້ ຈະ
ເພ່ງເລັງໃສ່ເລື່ອງການລະເມີດສິດທິມະນຸດໃນລະຫວ່າງການ
ລຸກຮືຂຶ້ນທາງດ້ານການເມືອງໃນໄທໃນເດືອນເມສາແລະພຶດ
ສະພາປີນີ້ ທີ່ໄດ້ຍັງຜົນໃຫ້ປະຊາຊົນເສຍຊີວິດໄປຫລາຍກວ່າ
90 ຄົນແລະບາດເຈັບຕື່ມອີກເປັນຈໍານວນຫລາຍຕະຫລອດທັງມີການປະກາດໃຊ້ກົດໝາຍ ດ້ານຄວາມປອດໄພຢ່າງເຂັ້ມງວດໃນສ່ວນໃຫຍ່ຂອງປະເທດໄທນັ້ນ.
ການປະທ້ວງດັ່ງກ່າວ ແມ່ນຈັດຂຶ້ນໂດຍພວກເສື້ອແດງ ທີ່ສະໜັບສະໜຸນທ່ານທັກສິນ ທີ່ໄດ້ຫລົບໜີໄປລີ້ໄພຢູ່ຕ່າງປະເທດ ຫລັງຈາກທີ່ສານສູງສຸດຂອງໄທຕັດສິນວ່າ ທ່ານມີຄວາມຜິດໃນຂໍ້ຫາສໍ້ລາດບັງຫລວງ ໃນເດືອນຕຸລາ 2006. ລັດຖະບານໄທໄດ້ຈັດທ່ານທັກສິນເຂົ້າໃນບັນຊີພວກຫລົບໜີກົດໝາຍ.
