ລິ້ງ ສຳຫລັບເຂົ້າຫາ

ວັນຈັນ, ໒໒ ກໍລະກົດ ໒໐໒໔

ເຈົ້າໜ້າທີ່ຈັບ ຜູ້ຕ້ອງສົງໄສ ວາງແຜນໂຈມຕີ ທຳນຽບຫ້າແຈ


ເຮືອບິນບັນທຸກດິນລະເບີດປລາສຕິກທີ່ຄວບຄຸມຈາກໄລຍະໄກ ທີ່ຜູ້ກໍ່ການຮ້າຍວາງແຜນຈະໃຊ້ໂຈມຕີທຳນຽບຫ້າ ແຈແລະຫໍລັດຖະສະພາສະຫະລັດ (29 ກັນຍາ 2011)
ເຮືອບິນບັນທຸກດິນລະເບີດປລາສຕິກທີ່ຄວບຄຸມຈາກໄລຍະໄກ ທີ່ຜູ້ກໍ່ການຮ້າຍວາງແຜນຈະໃຊ້ໂຈມຕີທຳນຽບຫ້າ ແຈແລະຫໍລັດຖະສະພາສະຫະລັດ (29 ກັນຍາ 2011)

ຜູ້ຊາຍອາຍຸ 26 ປີຄົນນຶ່ງໄດ້ຖືກຈັບທີ່ນະຄອນບອສຕັນລັດ Massachusetts ທາງພາກ
ຕາເວັນອອກສຽງເໜືອຂອງສະຫະລັດ ໃນຂໍ້ຫາວາງແຜນ ເພື່ອສ້າງຄວາມເສຍຫາຍ ຫຼືທຳ
ລາຍທຳນຽບຫ້າແຈແລະຕຶກຫໍລັດຖະສະພາສະຫະລັດໂດຍເຮືອບິນຂະໜາດໃຫຍ່ທີ່ຄວບຄຸມ ຈາກໄລຍະໄກບັນທຸກດິນລະເບີດປລາສຕິກ.

ກະຊວງຍຸຕິທຳຂອງສະຫະລັດກ່າວໃນມື້ວັນພຸດວານນີ້ວ່ານາຍ Rezwan Ferdaus ຊຶ່ງ
ເປັນພົນລະເມືອງອະເມຣິກັນຍັງໄດ້ຖືກຂໍ້ຫາພະຍາຍາມຈະໃຫ້ການສະໜັບສະໜຸນທາງດ້ານ ວັດຖຸແລະຊັບພະຍາກອນແກ່ອົງການກໍ່ການຮ້າຍຕ່າງປະເທດໂດຍສະເພາະແລ້ວແມ່ນກຸ່ມກໍ່
ການຮ້າຍອາລກາຍດາ ເພື່ອຈະໂຈມຕີກຳລັງທະຫານອະເມຣິກັນ ຢູ່ໃນຕ່າງປະເທດ. ນາຍ
Ferdaus ໄດ້ຖືກຈັບລຸນຫຼັງການປະຕິບັດງານແບບລັບໆຂອງເຈົ້າໜ້າທີ່ສະຫະລັດ.

ເຈົ້າໜ້າທີ່ເວົ້າວ່າ ນາຍ Ferdaus ເລີ່ມວາງແຜນເຮັດສົງຄາມສັກສິດຫຼືຈີຮາດຕໍ່ຕ້ານສະຫະ
ລັດ ໃນຕົ້ນປີ 2010. ເຈົ້າໜ້າທີ່ສືບສວນເວົ້າວ່າ ພວກຜູ້ຄົນບໍ່ໄດ້ຕົກຢູ່ໃນອັນຕະລາຍໃດໆ
ຈາກອຸບປະກອນລະເບີດເຫຼົ່າທີ່ຄວບຄຸມໂດຍເຈົ້າໜ້າທີ່ສືບລັບເອັຟບີອາຍທີ່ປອມໂຕນັ້ນ.

XS
SM
MD
LG