ລິ້ງ ສຳຫລັບເຂົ້າຫາ

ມີລາຍງານຂ່າວວ່າ ທຳນຽບຂາວໄດ້ຕັດສິນໃຈ ຈະບໍ່ຂາຍເຮືອບິນລົບອາຍພົ່ນ F-16
ຮຸ່ນໃໝ່ໃຫ້ແກ່ໄຕ້ຫວັນ.

ໜັງສືພິມ Washington Post ແລະອົງການຂ່າວອື່ນໆລາຍງານວ່າ ລັດຖະບານທ່ານ
ໂອບາມາໄດ້ສະເໜີທີ່ຈະສ້ອມແປງ ແລະປັບປຸງຝູງເຮືອບິນລົບ F-16 ທີ່ມີອາຍຸເກົ່າແກ່
ຂອງໄຕ້ຫວັນ ໃຫ້ທັນສະໄໝ ໃນໂຄງການຂາຍອາວຸດໃຫ້ແກ່ໄຕ້ຫວັນທີ່ບໍ່ມີເຮືອບິນລົບ
ຊະນິດໃໝ່ໃດໆຮວມຢູ່ນຳນັ້ນ.

ພວກເຈົ້າໜ້າທີ່ຂອງລັດຖະບານສະຫະລັດໄດ້ແຈ້ງ ໃຫ້ຄະນະເຮັດວຽກຂອງລັດຖະສະ
ພາສະຫະລັດຊາບ ກ່ຽວກັບບັນຫາດັ່ງກ່າວ ໃນມື້ວັນສຸກວານນີ້ແຕ່ຍັງບໍ່ທັນ ມີການປະ
ກາດຢ່າງ ເປັນທາງການກ່ຽວກັບເລື່ອງນີ້ເທື່ອ.

ສະມາຊິກສະພາສູງຂອງພັກຣີພັບບລີກັນຈາກລັດເທັກຊັສ ທ່ານ John Cornyn ໄດ້
ອອກຖະແຫຼງຂ່າວສະບັບນຶ່ງໃນມື້ວັນສຸກວານນີ້ເວົ້າວ່າ ຖ້າລາຍງານຂ່າວເຫຼົ່ານີ້ຫາກເປັນ
ຄວາມຈິງແລ້ວ ການຕັດສິນໃຈທີ່ວ່ານີ້ແມ່ນການຍອມຈຳນົນ ໃຫ້ແກ່ພວກຄອມມູນິສຈີນ
ແລະເປັນການຕົບໜ້າພັນທະມິດທີ່ເຂັ້ມແຂງ ແລະເພື່ອນມິດທີ່ມີມາເປັນເວລາດົນນານ
ຂອງສະຫະລັດ.

ຈີນຖືວ່າໄຕ້ຫວັນເປັນແຂວງນຶ່ງທີ່ທໍລະຍົດຕໍ່ຕົນ ແລະຄັດຄ້ານຢ່າງແຂງຂັນຕໍ່ການຂາຍ
ເຮືອບິນລົບອາຍພົ່ນໃດໆກໍຕາມ ໃຫ້ແກ່ເກາະດັ່ງກ່າວນີ້.

XS
SM
MD
LG