ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

​ສະຫະລັດ ກ່າວວ່າ ຊີ​ເຣຍ ບໍ່ນັບຖື ປະຊາຄົມນາໆຊາດ (​ສະ​ໄລ​ດ໌/ວີດີໂອ)


ທ່ານ George Sabra ນ້ອງ​ຊາຍ​ຂອງ​ທ່ານ Mahmoud ຖືກ​ຊີ​ເຣຍຈັບ​ກຸມ
ທ່ານ George Sabra ນ້ອງ​ຊາຍ​ຂອງ​ທ່ານ Mahmoud ຖືກ​ຊີ​ເຣຍຈັບ​ກຸມ
ສະຫະລັດ​ກ່າວ​ວ່າ​ ລັດຖະບານ​ຊີ​ເຣຍແມ່ນບໍ່ຍອມເຊື່ອຟັງ
​ປະ​ຊາ​ຄົມນາໆ​ຊາດ​ທີ່ໃຫ້ການສະໜັບສະໜູນຕໍ່ການ​ເຈລະ
ຈາ​ສັນ​ຕິ​ພາບ​ຂອງ​ຊີເຣຍ ຫຼັງ​ຈາກ​ທີ່​ມີ​ລາຍ​ງານ​ວ່າ​ ​ໄດ້​ມີ
ການກັກ​ຂັງຜູ້​ຄົນທີ່​ສ່ວນພົວພັນ​ກັບ​ຄະນະຜູ້ແທນຂອງ
​ພວກຕໍ່ຕ້ານລັດຖະບານ ທີ່ໄປຮ່ວມການ​ເຈລະຈາ​ນັ້ນ.

​ໂຄສົກ​ກະຊວງ​ການ​ຕ່າງ​ປະ​ເທ​ດສະຫະລັດ ທ່ານ​ນາງ
Jen Psaki ​ໄດ້​ກ່າວ​ໃນຖະແຫຼງ​ການ​ສະບັບນຶ່ງ ​ທີ່ນຳ
ອອກເຜີຍແຜ່ໃນ​ແລງ​ວັນ​ພຸດ​ວານ​ນີ້ວ່າ ກົນລະຍຸດດັ່ງກ່າວ
ນີ້ “ບໍ່​ແມ່ນ​ນິ​ໄສ​ໃໝ່” ​ແລະ​ຮຽກຮ້ອງ​ໃຫ້​ລັດຖະບານ​ຂອງ
ປະທານາທິບໍດີ Bashar al-Assad ​ປ່ອຍພວກ​ທີ່​ຖືກ​ຈັບ
ແບບບໍ່ເປັນທຳ​ນັ້ນ​ ໃນທັນທີ.



ທ່ານ​ນາງ​ຍັງ​ໄດ້ເນັ້ນ​ເຖິງກໍລະນີ ຂອງ​ທ່ານ Mahmoud Sabra ທີ່ເປັນ​ນ້ອງ​ຊາຍ​
ຂອງ​ຜູ້ແທນ​ຂອງພວກຕໍ່ຕ້ານລັດຖະບານຄົນນຶ່ງ ທີ່ກຸ່ມແນວໂຮມແຫ່ງ​ຊາດ​ຊີ​ເຣຍ
ກ່າວໃນ​ສັບປະ ດາແລ້ວນີ້ວ່າ ​ໄດ້​ຖືກ​ຈັບ​ກຸມ ​ທີ່ດ່ານກວດແຫ່ງນຶ່ງ ​ແລະ​ຄິດ​ວ່າ ​ໄດ້​
ຖືກ​ກັກ​ຂັງ​ໄວ້​ໂດຍກອງ​ກໍາ ​ລັງ​ຮັກສາຄວາມສະຫງົບ ໃນ​ພາກ​ໃຕ້​ຂອງກຸງ Damascus.

ມາເທົ່າ​ເຖິງ​ປະຈຸ​ບັນ​ນີ້ ການ​ເຈລະຈາ​ສັນຕິພາບ 2 ຮອບ ກັບ​ທູດພິເສດຂອງອົງການ
​ສະຫະ​ປະຊາ​ຊາດ​ແລະ​ສັນນິບາດ​ອາຣັບ ທ່ານ Lakhbar Brahimi ​ແມ່ນ​ມີ​ຄວາມ
​ຄືບ​ໜ້າ​ແຕ່​ພຽງ ໜ້ອຍດຽວ​ເທົ່າ​ນັ້ນ.

​ແຕ່​ວ່າລັດຖະມົນຕີ​ການ​ຕ່າງປະ​ເທດ​ຂອງສະຫະລັດ ທ່ານ John Kerry ກ່າວຕອບ
ຕໍ່ພວກ ​ຕໍາ​ ນິຕິ​ຕຽນ​ໃນ​ວັນ​ພຸດ​ວານ​ນີ້ ​ໂດຍ​ເວົ້າ​ວ່າ ນີ້​ແມ່ນ “ຄວາມ​ບໍ່ສະຫຼາດ”
ທີ່​ກ່າວ​ເຖິງ​ຂັ້ນ​ຕອນ​ດັ່ງກ່າວນີ້​ວ່າ ​ເປັນຄວາມລົ້ມ​ແຫຼວໄປແລ້ວ​ນັ້ນ.

SYRIA PSAKI SOT
please wait
Embed

No media source currently available

0:00 0:00:34 0:00
XS
SM
MD
LG