ຜູ້ວ່າການຫົວໜ້າກະຊວງປ້ອງກັນປະເທດ ສະຫະລັດ ທ່ານ ແພັດ ຊານາແຮນ ໄດ້
ກ່າວໃນວັນຈັນມື້ນີ້ວ່າ ກຸ່ມລັດອິສລາມຍັງຄົງ “ມີຢູ່ໃນທົ່ວໂລກ”, ໃນຂະນະທີ່ນັກຮົບ
ທີ່ໄດ້ຮັບການໜູນຫຼັງໂດຍ ສະຫະລັດ ກຳລັງເຮັດວຽກ ເພື່ອກວດລ້າງເຂດແດນແຫ່ງ
ສຸດທ້າຍທີ່ກຸ່ມຫົວຮຸນແຮງດັ່ງກ່າວຄວບຄຸມຢູ່ ໃນພາກຕາເວັນອອກຂອງປະເທດ ຊີ
ເຣຍ.
ທ່ານ ຊານາແຮນ ໄດ້ກ່າວຕໍ່ບັນດານັກຂ່າວທີ່ເດີນທາງໄປ ອັຟການິສຖານ ກັບທ່ານ
ວ່າ ເມື່ອເວົ້າເຖິງລະດັບຄວາມສາມາດຂອງພວກລັດອິສລາມແລ້ວ, ມັນແຕກຕ່າງ
ໄປຈາກ “ພວກທີ່ຕົກຄ້າງກັບຕົວແທນຜູ້ກໍ່ການຮ້າຍ.”
ທ່ານ ຊານາແຮນ ໄດ້ກ່າວຢູ່ໃຈກາງຮ່ອມພູແມ່ນ້ຳ ຢູເຟຣັດສ໌ ວ່າ “ແຕ່ໃນກໍລະນີ
ຂອງການປະຕິບັດການທາງທະຫານນັ້ນ, ຂ້າພະເຈົ້າຄິດວ່າ ການອະທິບາຍລັກ
ສະນະຂອງຄວາມກ້າວໜ້າພາຍໃນ ຊີເຣຍ ແມ່ນພວກເຂົາໄດ້ຖືກສັງຫານຢ່າງຮາບ
ຄາບແລ້ວ ແລະ ພວກເຮົາກໍກຳລັງທຳຄວາມກ້າວໜ້າໄດ້ຢ່າງຫຼວງຫຼາຍ.”
ໃນອາທິດທີ່ຜ່ານມາ, ລັດຖະມົນຕີການຕ່າງປະເທດ ສະຫະລັດ ທ່ານ ໄມຄ໌ ພອມ
ພຽວ ໄດ້ພະຍາຍາມທີ່ຈະໃຫ້ການຮັບປະກັນອີກຄັ້ງນຶ່ງ ຕໍ່ບັນດາພັນທະມິດວ່າ ສະ
ຫະລັດ ຈະບໍ່ປະຖິ້ມຄວາມພະຍາຍາມທີ່ຈະທຳລາຍພວກລັດອິສລາມ ເມື່ອເຂົາເຈົ້າ
ຖອນກຳລັງຂອງເຂົາເຈົ້າອອກໄປຈາກ ຊີເຣຍ. ທ່ານ ຊານາແຮນ ໄດ້ກ່າວໃນວັນຈັນ
ມື້ນີ້ວ່າ ທ່ານມີແຜນທີ່ຈະປຶກສາຫາລື ກ່ຽວກັບ ສະຖານະການດັ່ງກ່າວ ກັບບັນດາ
ພັນທະມິດອົງການ ເນໂຕ້ ໃນອາທິດນີ້, ລວມທັງການສະໜັບສະໜູນ ແລະ ການປະ
ຕິບັດການຮັກສາຄວາມປອດໄພທີ່ທ່ານວ່າມີຄວາມສຳຄັນ ເມື່ອຍ້າຍອອກຈາກການ
ປະຕິບັດການທາງທະຫານທີ່ສຳຄັນນັ້ນ.
ກອງກຳລັງປະຊາທິປະໄຕ ຊີເຣຍ ຫຼື SDF ທີ່ໄດ້ຮັບການໜູນຫຼັງຈາກ ສະຫະລັດ ໄດ້
ກ່າວໃນວັນອາທິດວານນີ້ວ່າ ເຂົາເຈົ້າໄດ້ຍຶດຄືນ 41 ພື້ນທີ່ໆຖືກຄວບຄຸມໂດຍກຸ່ມຫົວ
ຮຸນແຮງລັດອິສລາມໃນພາກຕາເວັນອອກ ຊີເຣຍ.
ທ່ານ ມຸສຕາຟາ ບາລີ, ໂຄສົກຂອງກອງກຳລັງ SDF, ໄດ້ຂຽນຂໍ້ຄວາມໃນທວິດເຕີວ່າ
ກອງກຳລັງ SDF ໄດ້ທຳລາຍທີ່ໝັ້ນຫຼາຍແຫ່ງໃນບ້ານ ບາກຸສ, ແຕ່ການຕໍ່ສູ້ຢ່າງໜັກ
ແມ່ນໄດ້ດຳເນີນຕໍ່ໄປ.
ທ່ານໄດ້ຂຽນວ່າ “ກອງກຳລັງ SDF ໄດ້ເຄື່ອນໄປທາງພາກເໜືອ ແລະ ຕາເວັນຕົກ
ເຂົ້າໄປໃນບ້ານ ບາກຸສ ຕັ້ງແຕ່ 7 ໂມງແລງຂອງມື້ວານນີ້, ຍຶດໄດ້ຄືນພື້ນທີ່ 41 ແຫ່ງ
ຂອງພວກ ISIS ແລະ ໄດ້ທຳລາຍທີ່ໝັ້ນຫຼາຍແຫ່ງ. ການໂຈມຕີຕອບໂຕ້ຂອງພວກ
IS ໄດ້ຖືກທຳລາຍຕອນ 4 ໂມງເຊົ້າຂອງມື້ນີ້. ການຕໍ່ສູ້ຢ່າງໜັກ ແມ່ນກຳລັງດຳເນີນ
ໄປ ຢູ່ບ້ານແຫ່ງສຸດທ້າຍໃນເວລານີ້.”
