3 ບໍລິສັດ ອິນເຕີແນັດ ຍັກໃຫຍ່ ຢາກໃຫ້ ທຸກຢ່າງ ໂປ່ງໃສ (ວີດິໂອ)

ສາມບໍລິສັດອິນເຕີແນັດໃຫຍ່ຂອງສະຫະລັດ ຢາກໃຫ້ລັດ ຖະບານຂອງທ່ານໂອບາມາ ອະນຸຍາດໃຫ້ພວກເຂົາເຈົ້າ ເປີດເຜີຍລາຍລະອຽດກ່ຽວກັບຄໍາສັ່ງຂອງສານລັດຖະບານ
ກາງ ທີ່ບອກໃຫ້ບໍລິສັດທັງສາມມອບຂໍ້ມູນກ່ຽວກັບຜູ້ຊົມໃຊ້ ບໍລິການຂອງພວກເຂົາເຈົ້າແກ່ບັນດາອົງການສືບລັບຂອງ
ສະຫະລັດ.

ບໍລິສັດ Google, Facebook ແລະ Microsoft ເວົ້າວ່າ ພວກ
ເຂົາເຈົ້າຢາກໃຫ້ທຸກສິ່ງທຸກຢ່າງໂປ່ງໃສ ແລະດຳເນີນໄປຢ່າງ
ເປີດເຜີຍ. ຫົວໜ້າຝ່າຍກົດໝາຍຂອງບໍລິສັດ Google ກ່າວໃນ
ວັນອັງຄານວານນີ້ວ່າບໍລິສັດຂອງທ່ານ “ບໍ່ມີຫຍັງຕ້ອງປິດບັງ
ແລ້ວ.”

Google ກ່າວວ່າ ລາຍງານຂ່າວຂອງສື່ມວນຊົນທີ່ເວົ້າວ່າ ຕົນໄດ້ອະນຸຍາດໃຫ້ອົງການ ສືບລັບຕ່າງໆ ສາມາດເຂົ້າໄປກວດເບິ່ງຂໍ້ມູນກ່ຽວກັບລູກຄ້າຂອງຕົນຢ່າງບໍ່ມີຂອບເຂດຈໍາ ກັດນັ້ນແມ່ນບໍ່ມີຄວາມຈິງ. ບໍລິສັດດັ່ງກ່າວຍັງເວົ້າອີກວ່າ ລັດຖະບານອອກຄໍາສັ່ງໃຫ້ເຂົາ ເຈົ້າຮັກສາເລື່ອງເຫຼົ່ານີ້ໄວ້ເປັນຄວາມລັບນັ້ນ ມີແຕ່ຈະເຮັດໃຫ້ມີຂ່າວລື ແລະເປົ່າຂ່າວກັນ ຫລາຍຂຶ້ນ.

ອົງການຮັກສາຄວາມປອດໄພແຫ່ງຊາດ ຫລື NSA ຮັບຮູ້ຕໍ່ລາຍງານຂອງໜັງສືພິມ ກ່ຽວ ກັບຂ່າວຮົ່ວໄຫລທີ່ໂຄງການຂອງຕົນທີ່ເອີ້ນວ່າ PRISM ໄດ້ເກັບກໍາເອົາອີເມລແລະຂໍ້ມູນ ອື່ນໆ ຈາກບໍລິສັດອິນເຕີແນັດ.

ເບິ່ງວີດິໂອກ່ຽວກັບຂ່າວນີ້:



ສະຫະພັນດ້ານອິດເສລີພາບຂອງພົນລະເມືອງອາເມຣິກັນ ຫລື ACLU ໄດ້ຍື່ນຟ້ອງ ຢູ່ ສານລັດຖະບານກາງ ເພື່ອທ້າທາຍຕໍ່ຄວາມຖືກຕ້ອງຕາມລັດຖະທໍາມະນູນຂອງໂຄງການ ສືບລັບອົງການ NSA. ທ່ານ Alex Abdo ຈາກອົງການ ACLU ໄດ້ໃຫ້ເຫດຜົນວ່າ ການສືບລັບແມ່ນເປັນການລະເມີດຕໍ່ສິດເສລີພາບໃນການປາກເວົ້າ ແລະຄວາມລັບຂອງ ສ່ວນບຸກຄົນ.

ທ້າວ Edward Snowden ອະດີດພະນັກງານສັນຍາຈ້າງຂອງອົງການ NSA ໄດ້ເປີດ ເຜີຍຂ່າວ ກ່ຽວກັບໂຄງການ PRISM ແລະເລື້ອງທີ່ອົງການ NSA ເຝົ້າຕິດຕາມເບິ່ງ ການໂທລະສັບໂອ້ລົມກັນຂອງປະຊາຊົນ ໃຫ້ໜັງສືພິມ Guardian ແລະWashington Post.

ເບິ່ງວີດິໂອອີກເລື້ອງນຶ່ງກ່ຽວກັບຂ່າວນີ້: