ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະຫະລັດ ມີຄົນເສຍຊີວິດກາຍ 250,000 ຄົນແລ້ວ ໃນຂະນະທີ່ການຕິດເຊື້ອໃໝ່ ກຳລັງເພີ້ມຂຶ້ນ


ຊາວອາເມຣິກັນຄົນນຶ່ງ ໃສ່ໜ້າກາກ ທີ່ເປັນທຸງຊາດສະຫະລັດ ເພື່ອປ້ອງກັນໄວຣັສໂຄໂຣນາ.
ຊາວອາເມຣິກັນຄົນນຶ່ງ ໃສ່ໜ້າກາກ ທີ່ເປັນທຸງຊາດສະຫະລັດ ເພື່ອປ້ອງກັນໄວຣັສໂຄໂຣນາ.

ຢູ່ໃນສະຫະລັດ ມີຄົນເສຍຊີວິດຍ້ອນໄວຣັສໂຄໂຣນາກາຍ 250,000 ພັນຄົນແລ້ວ ໃນ
ເວລາທີ່ກໍລະນີຕິດເຊື້ອໃໝ່ ກຳລັງເພີ້ມຂຶ້ນຢູ່ຫຼາຍໆເຂດຂອງປະເທດ.

ນະຄອນນິວຢອກໃນວັນພຸດວານນີ້ໄດ້ປະກາດປິດລະບົບໂຮງຮຽນ ທີ່ເປັນລະບົບໂຮງ
ຮຽນໃຫຍ່ທີ່ສຸດຂອງປະເທດ ທີ່ມີການຕິດເຊື້ອໂຄວິດ-19 ໃນອັດຕາເກີນ 3 ເປີເຊັນເຈັດ
ມື້ຕິດຕໍ່ກັນ.

ເຈົ້າຄອງນະຄອນນິວຢອກ ທ່ານບິລ ເດີ ບລາຊິໂອ ຂຽນຢູ່ໃນທວິດເຕີວ່າ “ຕຶກໂຮງຮຽນ
ຫຼວງ ຈະປິດນັບແຕ່ມື້ອື່ນ ຄືວັນພະຫັດ ວັນທີ 19 ພະຈິກ ເພື່ອຄວາມ ລະມັດລະວັງ. ພວກ
ເຮົາຕ້ອງຕໍ່ສູ້ກັບຄື້ນຟອງທີສອງຂອງໂຄວິດ-19.”

ການເລີ້ມເຂົ້າມາເຂົ້າໂຮງຮຽນຂອງພວກເດັກນ້ອຍນັກຮຽນໃນນະຄອນນິວຢອກ ລະຫວ່າງ
ທ້າຍເດືອນກັນຍາ ແລະຕົ້ນເດືອນຕຸລາ ເວລາທີ່ອັດຕາການຕິດເຊື້ອ 7 ມື້ຕິດຕໍ່ກັນແມ່ນຕໍ່າກວ່າ 2 ເປີເຊັນ.

ສ່ວນຢູ່ບັນດາເມືອງອື່ນໆ ຮວມທັງບອສຕັນ ດີທຣອຍ ໄດ້ເຮັດການເຄື່ອນໄຫວ ຫວ່າງມໍ່ໆ
ມານີ້ ໂຈະບໍ່ໃຫ້ພວກນັກຮຽນເຂົ້າມາໂຮງຮຽນເຂົາເຈົ້າ.

ຢູ່ທົ່ວສະຫະລັດໄດ້ມີຫຼາຍກວ່າ 11 ລ້ານ 5 ແສນຄົນໄດ້ຮັບການຢືນຢັນວ່າຕິດເຊື້ອ ນັບ
ແຕ່ການເລີ້ມລະບາດໄດ້ເລີ້ມຂຶ້ນ.

ຄື້ນຟອງການຕິດເຊື້ອໃນປັດຈຸບັນກຳລັງເພີ້ມເຂົ້າໃສ່ໂຕເລກອັດຕາການຕິດເຊື້ອໂດຍ
ສະເລ່ຍເກືອບ 160,000 ກໍລະນີໃໝ່ໃນແຕ່ລະມື້ ລະຫວ່າງອາທິດທີ່ຜ່ານ ມານີ້. ນັ້ນຄື
ປະມານສາມເທົ່າໂຕເລກກໍລະນີໃໝ່ແຕ່ລະມື້ ຢູ່ໃນສະຫະລັດເມື່ອ ນຶ່ງເດືອນທີ່ຜ່ານມາ.
ຫຼາຍກວ່າ 1,100 ຄົນເສຍບີວິດ ຢູ່ໃນແຕ່ລະມື້.

ບັນດາພະນັກງານການແພດກຳລັງຮັບມື ກັບພວກຄົນເຈັບເຂົ້າໂຮງໝໍຍ້ອນໂຄ ວິດ-19
ສາຍໃໝ່ ຫຼາຍເປັນປະຫວັດການແບບບໍ່ເຄີຍມີມາກ່ອນ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG