ສານສູງສຸດສະຫະລັດ ໄດ້ໂຈະແຜນ ຂອງປະທານາທິບໍດີ
Obama ທີ່ຈະຕັດການປ່ອຍແກັສຄາບອນໄດອອກໄຊ ຂອງ
ບັນດາໂຮງໄຟຟ້າຕ່າງໆຂອງປະເທດ.
ປະທານາທິບໍດີ Obama ໄດ້ປະກາດກົດລະບຽບດັ່ງກ່າວ ໃນ
ເດືອນສິງຫາປີກາຍ ເພື່ອເປັນຊ່ອງທາງນຶ່ງໃນການຕໍ່ສູ້ກັບການ
ປ່ຽນແປງດິນຟ້າອາກາດ ໂດຍກ່າວວ່າ ບັນດາລັດຕ່າງໆມີເວລາ
ຈົນຮອດເດືອນກັນຍາປີ 2016 ທີ່ຈະສະເໜີແຜນຂອງເຂົາເຈົ້າ
ເອງ ເພື່ອໃຫ້ບັນລຸເປົ້າໝາຍ ໃນການຫລຸດຜ່ອນ ການປ່ອຍແກັສ
ດັ່ງກ່າວລົງ 32 ເປີີເຊັນ ຕໍ່າກວ່າລະດັບປີ 2005.
ແຕ່ວ່າ ກຸ່ມຂອງ 27 ລັດ ແມ່ນຄັດຄ້ານຕໍ່ແຜນພະລັງງານສະອາດ ແລະຍື່ນຟ້ອງ ໂດຍ
ກ່າວວ່າ ມັນເທົ່າກັບເປັນການກ້າວກ່າຍຂອງອົງ ການປົກປ້ອງສິ່ງແວດລ້ອມຫລື EPA
ແລະເປັນການສ້າງຄວາມເສຍ ຫາຍທີ່ບໍ່ຈຳເປັນ ຕໍ່ບັນດາທຸລະກິດ ແລະ ຕໍ່ວຽກເຮັດ
ງານທຳ.
ສານສູງສຸດໄດ້ອອກຄຳສັ່ງ ໃນວັນອັງຄານວານນີ້ ກ່າວວ່າ ລະບຽບ ການໃໝ່ ຕ້ອງໄດ້
ຖືກໂຈະຈົນກວ່າການທ້າທາຍດ້ານກົດໝາຍໄດ້ຮັບ ການແກ້ໄຂ. ສານຊັ້ນຕົ້ນແຫ່ງໜຶ່ງ
ຄືສານອຸທອນສະຫະລັດ ໃນເຂດ ນະຄອນຫຼວງສະຫະລັດ ມີກຳນົດຮັບຟັງການໂຕ້ຖຽງ
ຄະດີ ໃນເດືອນມິຖຸນານີ້ ແລະສານສູງສຸດເອງ ຊຶ່ງໃນທີ່ສຸດອາດຈະຕ້ອງໄດ້ພິຈາລະນາ
ເລື້ອງດັ່ງກ່າວ ຫລັງຈາກນັ້ນ.
