ສານສູງສຸດສະຫະລັດ ໄດ້ປະຕິເສດການຕໍ່ຄວາມພະຍາຍາມຂອງບັນດາສະມາ ຊິກ
ສະພາພັກຣີພັບບລິກັນ ຢູ່ທີ່ລັດ North Carolina ທາງພາກຕາເວັນອອກຂອງສະຫະ
ລັດ ທີີ່ຈະດັດແປງແກ້ໄຂກົດໝາຍຂອງລັດທີ່ບັງຄັບໃຫ້ບັນດາຜູ້ປ່ອນບັດສະເໜີບັດ
ປະຈຳໂຕຢູ່ໜ່ວຍປ່ອນບັດ.
ສະພາທີ່ຄວບຄຸມໂດຍພັກຣີພັບບລິກກັນ ໄດ້ຮັບຜ່ານກົດໝາຍນີ້ ໃນປີ 2013 ໂດຍທີ່
ພວກສະໜັບສະໜູນກ່າວວ່າ ມາດຕະການໃໝ່ທີ່ຍັງລົບລ້າງການລົງທະ ບຽນຜູ້ປ່ອນ
ບັດໃນວັນດຽວກັນ ແລະຫລຸດຈຳນວນມື້ ໃນການປ່ອນບັດລ່ວງໜ້າ ນັ້ນວ່າ ມີຄວາມ
ຈຳເປັນເພື່ອປ້ອງກັນການທີ່ສໍ້ໂກງຄະແນນໃນການປ່ອນບັດ.
ແຕ່ພວກຄັດຄ້ານ ທີ່ຮວມທັງກຸ່ມປົກປ້ອງສິດທິ ແລະພັກເດໂມແຄຣັດກ່າວວ່າ ບາດ
ກ້າວຕ່າງໆເຫລົ່ານັ້ນ ແມ່ນບໍ່ຍຸຕິທໍາທີ່ແນເປົ້າໝາຍໃສ່ຜູ້ປ່ອນບັດຊາວອາເມຣິກັນເຊື້ອ
ສາຍອາຟຣິກາ ແລະຊາວສະແປນນິສ ຜູ້ທີ່ບໍ່ມີບັດປະຈຳໂຕ ຫລືເຂົ້າເຖິງໜ່ວຍປ່ອນ
ບັດຕ່າງໆໃນວັນເລືອກຕັ້ງ.
ການຕັດສິນຂັ້ນຕົ້ນຂອງສານລັດຖະບານກາງ ໄດ້ປະຕິເສດຕໍ່ຄວາມເປັນຫ່ວງເຫລົ່າ
ນັ້ນ ແຕ່ການຂໍອຸທອນ ຕໍ່ສານອຸທອນເຂດ 4 ກ່າວວ່າ ສະພານິຕິບັດຍັດ ໄດ້ຜ່ານກົດ
ໝາຍ “ທີ່ມີຄວາມຕັ້ງໃຈຈຳແນກກີດກັນ.”
ການຕັດສິນຂອງສານອຸທອນເຂດ 4 ໄດ້ອ້າງເຖິງການຄົ້ນຄວ້າ ທີ່ເຮັດຂຶ້ນໂດຍບັນດາສະມາຊິກສະພາຮ່າງຮ່່າງກົດໝາຍໂດຍກ່າວວ່າ ເຂົາເຈົ້າຕ້ອງການຂໍ້ມູນ ໄຈ້ແຍກ
ອອກໂດຍຜິວພັນ ໃນການໃຊ້ປະຕິບັດຄວາມແຕກຕ່າງການປ່ອນບັດ.
ສານກ່າວວ່າ “ເຖິງແມ່ນວ່າຂໍ້ກຳນົດແນໃສ່ຊາວອາເມຣິກັນເຊື້ອສາຍອາຟຣິກາ ເກືອບ
ວ່າແນ່ນອນທີ່ສຸດ ເຂົາເຈົ້າປະກອບດ້ວຍ ການແກ້ໄຂທີ່ບໍ່ຖືກຕ້ອງສຳລັບບັນຫາ ທີ່ປະ
ກາດວ່າຖືກຕ້ອງແກ່ເຂົາເຈົ້າ ແລະຄວາມຈິງແລ້ວ ແມ່ນປົວແປງຕໍ່ບັນຫາທີ່ບໍ່ເຄີຍມີ.”
ເວນານັ້ນ ຜູ້ປົກຄອງລັດ North Carolina ໄດ້ຮ້ອງຂໍໃຫ້ສານສູງສຸດຕ່າວປີ້ນການຕັດ
ສິນດັ່ງກ່າວ ແຕ່ເວລາຜູ້ປົກຄອງລັດຄົນໃໝ່ພັກເດໂມແຄຣັດໄດ້ເຂົ້າກຳຕຳແໜ່ງໃນ
ເດືອນມັງກອນທີ່ຜ່ານມານີ້ ທ່ານແລະຫົວໜ້າພະແນກຍຸຕິທຳປະຈຳລັດ ໄດ້ຮ້ອງຂໍໃຫ້
ສານຍົກເລີກຄະດີນີ້. ບັນດາຜູ້ນຳຣີພັບບລິກັນຢູ່ໃນສະພາໄດ້ຂໍຮ້ອງໃຫ້ເຂົາເຈົ້າໄດ້ຮັບອະນຸຍາດໃຫ້ເປັນຕາງໜ້າລັດ ຕໍ່ສູ້ກັບພວກທີ່ທ້າທາຍຕໍ່ກົດໝາຍນີ້.
ຫົວໜ້າຜູ້ພິພາກສາສານສູງສຸດ ທ່ານ John Roberts ໄດ້ອ້າງເຖິງຄວາມສັບສົນຢູ່ໃນ
ຄຳເຕືອນສອງໜ້າຂອງທ່ານທີ່ປະຕິເສດຕໍ່ການອຸທອນໃນວັນຈັນ ແລະ ເນັ້ນໜັກວ່າ
”ສານໄດ້ປະຕິເສດຕໍ່ການຮັບຟັງຄະດີນີ້ ຍ້ອນບໍ່ມີຄຸນຄ່າພຽງພໍທາງດ້ານກົດໝາຍ.
ຜູ້ປົກຄອງລັດ ທ່ານ Roy Cooper ໄດ້ສະແດງຄວາມຍິນດີກັບການຕັດສິນ ໃຈນີ້ວ່າ “ເປັນຂ່າວທີ່ດີ” ສຳລັບລັດ.
