ສານສູງສຸດຂອງສະຫະລັດ ໄດ້ຮັບຟັງຄຳໂຕ້ແຍ້ງຕ່າງໆໃນວັນ
ພຸດວານນີ້ ກ່ຽວກັບຄຳກ່າວອ້າງວ່າ ຖືກຈຳແນກກີດກັນ ໂດຍ
ແມ່ຍິງມຸສລິມຄົນນຶ່ງ ທີ່ໄດ້ຖືກປະຕິເສດໃນການໄປສະໝັກເຮັດ
ວຽກຢູ່ໃນຮ້ານຂາຍເຄື່ອງນຸ່ງທີ່ມີຊື່ສຽງແຫ່ງນຶ່ງ ຍ້ອນວ່າຜູ້ກ່ຽວ
ໃສ່ຜ້າປົກຫົວຫຼື hijab ຂອງຊາວມຸສລິມນັ້ນ.
ນາງ Samantha Elauf ໄວ 17 ປີ ເວລາລາວໄປສະໝັກ
ເຮັດວຽກເປັນຄົນຂາຍເຄື່ອງໃນປີ 2008 ທີ່ຮ້ານຂາຍເຄື່ອງ
ນຸ່ງ Abercrombie & Fitch ໃນເມືອງ Tulsa ລັດ Okla
homa ໃນພາກຕາເວັນຕົກສຽງໃຕ້ຂອງສະຫະລັດ. ບັນດາ
ເຈົ້າໜ້າທີ່ຂອງຮ້ານດັ່ງກ່າວ ໄດ້ຕັດສິນໃຈວ່າລາວ ບໍ່ໄດ້ມາດ
ຕະຖານ ໃນການ “ແຕ່ງໂຕ ແລະທ່າອຽງຂອງ ສະໄຕລ໌”ຂອງຮ້ານຂາຍຍ່ອຍດັ່ງກ່າວ.
ແຕ່ທາງຮ້ານຂາຍຍ່ອຍດັ່ງກ່າວ ເວົ້າວ່າ ຕັ້ງແຕ່ນັ້ນມາ ຕົນໄດ້ໃຫ້ຄວາມສະດວກທາງດ້ານສາສະໜາແກ່ພວກພະນັກງານຂອງຕົນ ເວລາ ຖືກຮ້ອງຂໍ ທີ່ຈະອະນຸມັດໃຫ້ພວກແມ່ຍິງ
ໃສ່ຜ້າປົກໜ້ານັ້ນໄດ້.
ຫຼັງຈາກຄະດີຮ້ອງຟ້ອງກ່ຽວກັບການຈຳແນກກີດກັນດັ່ງກ່າວນີ້ແລ້ວ ຄະນະຕຸລາການໄດ້ຕັດສິນໃຫ້ເງິນ 20 ພັນດອນລາແກ່ນາງ Elauf ແຕ່ສານອຸທອນໄດ້ຕ່າວປີ້ນຄຳຕັດສິນນັ້ນ ໂດຍລົງຄວາມເຫັນວ່າ ບໍລິສັດ Acrombie ບໍ່ມີສ່ວນຮັບຜິດຊອບ ນຳຄ່າເສຍຫາຍນັ້ນ ເພາະວ່ານາງ Elauf ບໍ່ເຄີຍຂໍຮ້ອງສຳລັບຄວາມສະດວກໃນດ້ານສາສະໜານັ້ນຈັກເທື່ອ.
ສານສູງສຸດກຳລັງພິຈາລະນາວ່າ ພວກພະນັກງານທີ່ຈະມາເຮັດວຽກນັ້ນທີ່ຕ້ອງການຄວາມສະດວກທາງສາສະໜາຈະຕ້ອງຮ້ອງຂໍ ຫຼືວ່າທາງທຸລະກິດຈຳເປັນຕ້ອງຕັດສິນໃຈວ່າ ພະ
ນັກງານນີ້ຕ້ອງການຫຼືບໍ?
ເບິ່ງຄືວ່າ ສານສູງສຸດຈະອອກຄຳຕັດສິນໃນຄະດີດັ່ງກ່າວ ພາຍໃນທ້າຍເດືອນມິຖຸນາປີນີ້.
