ການພົບເຫັນເຂົ້າທີ່ເຈືອປົນດ້ວຍສານພິດເຄມີ ກໍາລັງສ້າງ
ຄວາມເປັນຫ່ວງ ອີກຄັ້ງນຶ່ງ ໃຫ້ແກ່ພວກຊາວນາແລະຜູ້ບໍລິ
ໂພກໄປຕາມໆກັນ. ຜົນການສຶກສາຄົ້ນຄວ້າບັ້ນນຶ່ງ ໂດຍ
ບັນດານັກວິທະນາສາດໃນລັດ New Jersey ພາກຕາເວັນ
ອອກຂອງສະຫະລັດ ໄດ້ພົບເຫັນທາດກົ່ວໃນລະດັບສູງ ເຈືອ
ປົນຢູ່ໃນເຂົ້າທີ່ມາຈາກຕ່າງປະເທດ ໂຮມທັງຢູ່ໃນອາຫານ
ເດັກບາງຊະນິດ. ການພົບເຫັນດັ່ງກ່າວນີ້ ແມ່ນຕິດຕາມມາ
ຫຼັງຈາກການສຶກສາຄົ້ນຄວ້າ ຫຼາຍໆບັ້ນເມື່ອປີຜ່ານມາ ທີ່ໄດ້
ພົບເຫັນສານໜູຢູ່ໃນເຂົ້າ ແລະຜະລິດຕະພັນທີ່ເຮັດຈາກເຂົ້າ.
Robert Raffaele ຜູ້ສື່ຂ່າວວີໂອເອອະທິບາຍວ່າ ບັນຫາດັ່ງ
ກ່າວນີ້ ແມ່ນຮ້າຍແຮງເປັນພິເສດ ຍ້ອນວ່າທົ່ວໂລກກໍາລັງອາ
ໄສ ເຂົ້າເປັນອາຫານຫຼັກ ຫຼາຍຂຶ້ນນັບມື້. ດາຣາມີເລຶ່ອງນີ້ມາ
ສະເໜີທ່ານ.
ເບິ່ງວີດີໂອລາຍງານນີ້ ເປັນພາສາລາວ:
ການສຶກສາຄົ້ນຄວ້າ ໂດຍບັນດານັກວິທະຍາສາດຈາກມະຫາວິທະຍາໄລ Monmouth
ລັດ New Jersey ໄດ້ພົບເຫັນວ່າ ເຂົ້າທີ່ສັ່ງມາຈາກຕ່າງປະເທດນັ້ນ ມີສານກົ່ວເຈືອປົນຢູ່
ໃນລະດັບສູງ ພໍທີ່ຈະສາມາດເປັນອັນຕະລາຍຕໍ່ສຸຂະພາບໄດ້ ໂດຍສະເພາະໃນກຸ່ມເດັກ
ທາລົກ ແລະເດັກນ້ອຍ.
ພວກນັກວິທະຍາສາດໄດ້ກວດເບິ່ງຕົວຢ່າງເຂົ້າຈາກຂົງເຂດເອເຊຍ ຢູໂຣບ ແລະອະເມຣິ
ກາໃຕ້. ເຂົາເຈົ້າເວົ້າວ່າ ເຂົ້າທີ່ມາຈາກ ໄຕ້ຫວັນ ແລະຈີນ ມີລະດັບກົ່ວ ສູງກວ່າໝູ່.
ປັດຈຸບັນນີ້ ເຂົ້າແມ່ນເປັນອາຫານຫຼັກຂອງປະຊາຊົນ ສາມພັນລ້ານຄົນໃນທົ່ວໂລກ ແຕ່
ຫົວໜ້າທີມສຶກສາຄົ້ນຄວ້າເວົ້າວ່າ ເຂົ້າທີ່ສະຫະລັດນໍາເຂົ້ານັ້ນ ປະກອບເປັນສັດສ່ວນ
ພຽງ 7 ເປີເຊັນເທົ່ານັ້ນ ຂອງເຂົ້າທີ່ປະຊາຊົນບໍລິໂພກກັນ ຢູ່ໃນປະເທດນີ້.
ແຕ່ວ່າ ເຂົ້າແລະແປ້ງເຂົ້າ ທີ່ສະຫະລັດສັ່ງເຂົ້າມານັ້ນ ໄດ້ມີປະລິມານເພີ່ມຂຶ້ນ ຫຼາຍກວ່າ
200 ເປີເຊັນ ນັບຕັ້ງແຕ່ປີ 1999 ເປັນຕົ້ນມາ.
ພວກຊາວນາທາງພາກໃຕ້ຂອງໄທ ພາກັນວິຕົກກັງວົນນໍາຜົນການສຶກສາຄົ້ນຄວ້າໃໝ່ນີ້.
ຊາວນາ ປຣະວັດ ກລອງຣົວ ເວົ້າວ່າ:
“ບັນຫານີ້ສາມາດກະທົບພວກເຮົາ 100 ເປີເຊັນ. ພວກຜູ້ອຸບປະໂພກ
ບໍລິໂພກເລີ່ມຫັນມານິຍົມເຂົ້າຂອງພວກເຮົາຫຼາຍຂຶ້ນ ແຕ່ມາບັດນີ້
ມີການພົບເຫັນວ່າ ເຂົ້າຊຸມອື່ນມີສານພິດເຄມີ ເຈືອປົນຢູ່ໃນເຂົ້າ ຊຶ່ງ
ນັ້ນຈະເຮັດໃຫ້ຍອດຂາຍເຂົ້າຂອງພວກເຮົາຕົກຕໍ່າລົງໄປ ແລະກໍາໄລ
ກໍອາດຕົກເຊັ່ນກັນ.”
ສ່ວນນາງ ອະຣີນາ ເວົ້າວ່າ:
“ຂ້ອຍເປັນຫ່ວງຫຼາຍທີ່ສຸດກ່ຽວກັບບັນຫານີ້ ຍ້ອນວ່າເວລາພວກເຂົາ
ເຈົ້າສົ່ງເຂົ້າອອກນອກ ພວກເຂົາເຈົ້າຕ້ອງໄດ້ເກັບມ້ຽນເຂົ້າໃນປະລິ
ມານຫຼວງຫຼາຍໄວ້ຢູ່ໃນສາງ ແລະກໍໃຊ້ຢາເຄມີເພື່ອໃຫ້ເຂົ້າມີສະພາບ
ສົດດີຢູ່ຕະຫຼອດ ຖ້າບໍ່ດັ່ງນັ້ນ ເຂົ້າກໍຈະເໜົ່າ ຫຼືເສຍຄຸນນະພາບ.”
ລາຍງານຜົນການຄົ້ນຄ້ວາເວົ້າວ່າ ການທີ່ພວກເດັກທາລົກ ແລະເດັກນ້ອຍ ໃນສະຫະລັດ
ກິນຜະລິດຕະພັນເຂົ້າທຸກໆມື້ນັ້ນ ຈະເຮັດໃຫ້ປະລິມານສານກົ່ວຢູ່ໃນຮ່າງກາຍຂອງເຂົາເຈົ້າ
ມີສູງກວ່າລະດັບທີ່ ຫ້ອງການອາຫານແລະຢາຂອງສະຫະລັດ ຫຼື USDA ອະນຸຍາດໃຫ້ນັ້ນ
ເຖິງ 30 ຫາ 60 ເທົ່າ. ຫົວໜ້າຄະນະຄົ້ນຄວ້າດັ່ງກ່າວເວົ້າວ່າ ເດັກນ້ອຍເອເຊຍແມ່ນປະເຊີນ
ກັບຄວາມສ່ຽງຕໍ່ສານພິດໃນເຂົ້າ ສູງເຖິງສອງເທົ່າຕົວ ຍ້ອນວ່າມີການບໍລິໂພກເຂົ້າໃນ
ລະດັບສູງກວ່າ ຢູ່ໃນເຂດເອເຊຍ.
ການສຶກສາຄົ້ນຄວ້າບັ້ນຫລ້າສຸດນີ້ ແມ່ນຕິດຕາມມາ ຫລັງຈາກການສຶກສາຄົ້ນຄວ້າຫຼາຍ
ບັ້ນເມື່ອປີຜ່ານມາ ທີ່ໄດ້ພົບເຫັນສານໜູຢູ່ໃນຕົວຢ່າງເຂົ້າ ແລະຜະລິດຕະພັນເຂົ້າ ທີ່ເອົາ
ມາກວດເບິ່ງ ໂຮມທັງຂະໜົມ cereal ແລະອາຫານເສີມຂອງເດັກ.
Caroline Smith DeWaal ປະຈໍາສູນກາງວິທະຍາສາດເພື່ອຜົນປະໂຫຍດຂອງສາທາ
ລະນະ ຊຶ່ງເປັນສູນກາງທີ່ບໍ່ຫວັງຜົນກໍາໄລ ຢູ່ວໍຊິງຕັນ ດີຊີ ເວົ້າວ່າ:
“ຫຼັກຖານທີ່ພົບເຫັນກ່ຽວກັບລະດັບຂີ້ກົ່ວນັ້ນ ຍັງໃໝ່ເກີນກ່ວາທີ່ຈະຮູ້ໄດ້
ວ່າ ມັນເກີດຂຶ້ນຢູ່ໃນຂັ້ນຕອນສີເຂົ້າ ຫຼືວ່າການແປຮູບເຂົ້າປຸງແຕ່ງເປັນ
ອາຫານອີກຕໍ່ນຶ່ງ ແຕ່ຂ້າພະເຈົ້າຄິດວ່າ ມີຫຼາຍໆຄົນທີ່ເປັນຫ່ວງວ່າ ມັນ
ອາດສະທ້ອນ ມາຈາກສະພາບການ ໃນທົ່ງນາ ຕອນປູກເຂົ້າກໍໄດ້.”
ບັນດານັກຄົ້ນຄວ້າພົບເຫັນລະດັບສານຂີ້ກົ່ວສູງ ຢູ່ໃນຕົວຢ່າງເຂົ້າຈາກ ສາທາລະນະລັດ Czech, ພູຖານ ອິຕາລີ ອິນເດຍ ແລະໄທ.
ຄວາມເປັນຫ່ວງ ອີກຄັ້ງນຶ່ງ ໃຫ້ແກ່ພວກຊາວນາແລະຜູ້ບໍລິ
ໂພກໄປຕາມໆກັນ. ຜົນການສຶກສາຄົ້ນຄວ້າບັ້ນນຶ່ງ ໂດຍ
ບັນດານັກວິທະນາສາດໃນລັດ New Jersey ພາກຕາເວັນ
ອອກຂອງສະຫະລັດ ໄດ້ພົບເຫັນທາດກົ່ວໃນລະດັບສູງ ເຈືອ
ປົນຢູ່ໃນເຂົ້າທີ່ມາຈາກຕ່າງປະເທດ ໂຮມທັງຢູ່ໃນອາຫານ
ເດັກບາງຊະນິດ. ການພົບເຫັນດັ່ງກ່າວນີ້ ແມ່ນຕິດຕາມມາ
ຫຼັງຈາກການສຶກສາຄົ້ນຄວ້າ ຫຼາຍໆບັ້ນເມື່ອປີຜ່ານມາ ທີ່ໄດ້
ພົບເຫັນສານໜູຢູ່ໃນເຂົ້າ ແລະຜະລິດຕະພັນທີ່ເຮັດຈາກເຂົ້າ.
Robert Raffaele ຜູ້ສື່ຂ່າວວີໂອເອອະທິບາຍວ່າ ບັນຫາດັ່ງ
ກ່າວນີ້ ແມ່ນຮ້າຍແຮງເປັນພິເສດ ຍ້ອນວ່າທົ່ວໂລກກໍາລັງອາ
ໄສ ເຂົ້າເປັນອາຫານຫຼັກ ຫຼາຍຂຶ້ນນັບມື້. ດາຣາມີເລຶ່ອງນີ້ມາ
ສະເໜີທ່ານ.
ເບິ່ງວີດີໂອລາຍງານນີ້ ເປັນພາສາລາວ:
ການສຶກສາຄົ້ນຄວ້າ ໂດຍບັນດານັກວິທະຍາສາດຈາກມະຫາວິທະຍາໄລ Monmouth
ລັດ New Jersey ໄດ້ພົບເຫັນວ່າ ເຂົ້າທີ່ສັ່ງມາຈາກຕ່າງປະເທດນັ້ນ ມີສານກົ່ວເຈືອປົນຢູ່
ໃນລະດັບສູງ ພໍທີ່ຈະສາມາດເປັນອັນຕະລາຍຕໍ່ສຸຂະພາບໄດ້ ໂດຍສະເພາະໃນກຸ່ມເດັກ
ທາລົກ ແລະເດັກນ້ອຍ.
ພວກນັກວິທະຍາສາດໄດ້ກວດເບິ່ງຕົວຢ່າງເຂົ້າຈາກຂົງເຂດເອເຊຍ ຢູໂຣບ ແລະອະເມຣິ
ກາໃຕ້. ເຂົາເຈົ້າເວົ້າວ່າ ເຂົ້າທີ່ມາຈາກ ໄຕ້ຫວັນ ແລະຈີນ ມີລະດັບກົ່ວ ສູງກວ່າໝູ່.
ປັດຈຸບັນນີ້ ເຂົ້າແມ່ນເປັນອາຫານຫຼັກຂອງປະຊາຊົນ ສາມພັນລ້ານຄົນໃນທົ່ວໂລກ ແຕ່
ຫົວໜ້າທີມສຶກສາຄົ້ນຄວ້າເວົ້າວ່າ ເຂົ້າທີ່ສະຫະລັດນໍາເຂົ້ານັ້ນ ປະກອບເປັນສັດສ່ວນ
ພຽງ 7 ເປີເຊັນເທົ່ານັ້ນ ຂອງເຂົ້າທີ່ປະຊາຊົນບໍລິໂພກກັນ ຢູ່ໃນປະເທດນີ້.
ແຕ່ວ່າ ເຂົ້າແລະແປ້ງເຂົ້າ ທີ່ສະຫະລັດສັ່ງເຂົ້າມານັ້ນ ໄດ້ມີປະລິມານເພີ່ມຂຶ້ນ ຫຼາຍກວ່າ
200 ເປີເຊັນ ນັບຕັ້ງແຕ່ປີ 1999 ເປັນຕົ້ນມາ.
ພວກຊາວນາທາງພາກໃຕ້ຂອງໄທ ພາກັນວິຕົກກັງວົນນໍາຜົນການສຶກສາຄົ້ນຄວ້າໃໝ່ນີ້.
ຊາວນາ ປຣະວັດ ກລອງຣົວ ເວົ້າວ່າ:
“ບັນຫານີ້ສາມາດກະທົບພວກເຮົາ 100 ເປີເຊັນ. ພວກຜູ້ອຸບປະໂພກ
ບໍລິໂພກເລີ່ມຫັນມານິຍົມເຂົ້າຂອງພວກເຮົາຫຼາຍຂຶ້ນ ແຕ່ມາບັດນີ້
ມີການພົບເຫັນວ່າ ເຂົ້າຊຸມອື່ນມີສານພິດເຄມີ ເຈືອປົນຢູ່ໃນເຂົ້າ ຊຶ່ງ
ນັ້ນຈະເຮັດໃຫ້ຍອດຂາຍເຂົ້າຂອງພວກເຮົາຕົກຕໍ່າລົງໄປ ແລະກໍາໄລ
ກໍອາດຕົກເຊັ່ນກັນ.”
ສ່ວນນາງ ອະຣີນາ ເວົ້າວ່າ:
“ຂ້ອຍເປັນຫ່ວງຫຼາຍທີ່ສຸດກ່ຽວກັບບັນຫານີ້ ຍ້ອນວ່າເວລາພວກເຂົາ
ເຈົ້າສົ່ງເຂົ້າອອກນອກ ພວກເຂົາເຈົ້າຕ້ອງໄດ້ເກັບມ້ຽນເຂົ້າໃນປະລິ
ມານຫຼວງຫຼາຍໄວ້ຢູ່ໃນສາງ ແລະກໍໃຊ້ຢາເຄມີເພື່ອໃຫ້ເຂົ້າມີສະພາບ
ສົດດີຢູ່ຕະຫຼອດ ຖ້າບໍ່ດັ່ງນັ້ນ ເຂົ້າກໍຈະເໜົ່າ ຫຼືເສຍຄຸນນະພາບ.”
ລາຍງານຜົນການຄົ້ນຄ້ວາເວົ້າວ່າ ການທີ່ພວກເດັກທາລົກ ແລະເດັກນ້ອຍ ໃນສະຫະລັດ
ກິນຜະລິດຕະພັນເຂົ້າທຸກໆມື້ນັ້ນ ຈະເຮັດໃຫ້ປະລິມານສານກົ່ວຢູ່ໃນຮ່າງກາຍຂອງເຂົາເຈົ້າ
ມີສູງກວ່າລະດັບທີ່ ຫ້ອງການອາຫານແລະຢາຂອງສະຫະລັດ ຫຼື USDA ອະນຸຍາດໃຫ້ນັ້ນ
ເຖິງ 30 ຫາ 60 ເທົ່າ. ຫົວໜ້າຄະນະຄົ້ນຄວ້າດັ່ງກ່າວເວົ້າວ່າ ເດັກນ້ອຍເອເຊຍແມ່ນປະເຊີນ
ກັບຄວາມສ່ຽງຕໍ່ສານພິດໃນເຂົ້າ ສູງເຖິງສອງເທົ່າຕົວ ຍ້ອນວ່າມີການບໍລິໂພກເຂົ້າໃນ
ລະດັບສູງກວ່າ ຢູ່ໃນເຂດເອເຊຍ.
ການສຶກສາຄົ້ນຄວ້າບັ້ນຫລ້າສຸດນີ້ ແມ່ນຕິດຕາມມາ ຫລັງຈາກການສຶກສາຄົ້ນຄວ້າຫຼາຍ
ບັ້ນເມື່ອປີຜ່ານມາ ທີ່ໄດ້ພົບເຫັນສານໜູຢູ່ໃນຕົວຢ່າງເຂົ້າ ແລະຜະລິດຕະພັນເຂົ້າ ທີ່ເອົາ
ມາກວດເບິ່ງ ໂຮມທັງຂະໜົມ cereal ແລະອາຫານເສີມຂອງເດັກ.
Caroline Smith DeWaal ປະຈໍາສູນກາງວິທະຍາສາດເພື່ອຜົນປະໂຫຍດຂອງສາທາ
ລະນະ ຊຶ່ງເປັນສູນກາງທີ່ບໍ່ຫວັງຜົນກໍາໄລ ຢູ່ວໍຊິງຕັນ ດີຊີ ເວົ້າວ່າ:
“ຫຼັກຖານທີ່ພົບເຫັນກ່ຽວກັບລະດັບຂີ້ກົ່ວນັ້ນ ຍັງໃໝ່ເກີນກ່ວາທີ່ຈະຮູ້ໄດ້
ວ່າ ມັນເກີດຂຶ້ນຢູ່ໃນຂັ້ນຕອນສີເຂົ້າ ຫຼືວ່າການແປຮູບເຂົ້າປຸງແຕ່ງເປັນ
ອາຫານອີກຕໍ່ນຶ່ງ ແຕ່ຂ້າພະເຈົ້າຄິດວ່າ ມີຫຼາຍໆຄົນທີ່ເປັນຫ່ວງວ່າ ມັນ
ອາດສະທ້ອນ ມາຈາກສະພາບການ ໃນທົ່ງນາ ຕອນປູກເຂົ້າກໍໄດ້.”
ບັນດານັກຄົ້ນຄວ້າພົບເຫັນລະດັບສານຂີ້ກົ່ວສູງ ຢູ່ໃນຕົວຢ່າງເຂົ້າຈາກ ສາທາລະນະລັດ Czech, ພູຖານ ອິຕາລີ ອິນເດຍ ແລະໄທ.
