ຄວາມຖີ່ໃນການໂຈມຕີຂອງກອງທັບສະຫະລັດ ຕໍ່ກຸ່ມອາລ-ຊາບັບ ຊຶ່ງເປັນເຄືອຂ່າຍຂອງພວກກໍ່ການຮ້າຍອາລກາອີດາໃນໂຊມາເລຍ ປີນີ້ ແມ່ນເທົ່າກັນກັບຈຳນວນການໂຈມຕີຕໍ່ກຸ່ມລັດອິສລາມໃນອີຣັກແລະຊີເຣຍ.
ສະຫະລັດໄດ້ທຳການໂຈມຕີ 25 ເທື່ອຕໍ່ກຸ່ມອາລ-ຊາບັບ ໃນປີ 2020 ນີ້ ຮວມທັງການໂຈມຕີໃນມື້ວັນຈັນຜ່ານມາ ຢູ່ໃນເຂດຈານາເລ ຂອງປະເທດໂຊມາເລຍ ທີ່ກອງບັນຊາການ ກຳລັງສະຫະລັດໃນອາຟຣິກາ ກ່າວວ່າ ໄດ້ສັງຫານພວກກໍ່ການຮ້າຍ 4 ຄົນ.
ຂໍ້ມູນທີ່ເປີດເຜີຍຕໍ່ວີໂອເອ ໂດຍເຈົ້າໜ້າທີ່ກະຊວງປ້ອງກັນປະເທດຂອງສະຫະລັດ ສະແດງໃຫ້ເຫັນວ່າ ສະຫະລັດໄດ້ທຳການໂຈມຕີທາງອາກາດ 29 ເທື່ອຕໍ່ກຸ່ມລັດອິສລາມໃນອີຣັກ ແລະຊີເຣຍ ແຕ່ວັນທີ 1 ມັງກອນ ຫາວັນທີ 1 ມີນາຊຶ່ງເປັນຂໍ້ມູນຫຼ້າສຸດໃນການໂຈມຕີທີ່ເປີດເຜີຍໃຫ້ຮູ້. ລາຍງານກ່ຽວກັບການໂຈມຕີຢ່າງລະອຽດ ກ່ຽວກັບການປະຕິບັດງານຢູ່ໃນອີຣັກແລະຊີເຣຍ ຊຶ່ງຄາດວ່າຈະເປີດເຜີຍໃຫ້ຮູ້ໃນອາທິດນີ້.
ການໂຈມຕີຢູ່ໃນອີຣັກແລະຊີເຣຍ ໄດ້ຫລຸດລົງຢ່າງຫຼວງຫຼາຍນັບແຕ່ກຸ່ມລັດອິສລາມໄດ້ສູນເສຍດິນແດນທີ່ເອີ້ນວ່າທີ່ໝັ້ນຂອງຕົນ ໃນເດືອນມີນາປີກາຍນີ້. ໃນປີ 2019 ສະຫະລັດໄດ້ທຳການໂຈມຕີ 2,000 ກວ່າເທື່ອໃສ່ເຂດດັ່ງກ່າວ ແລະ 1,600 ກວ່າເທື່ອໃນໄລຍະສອງສາມເດືອນທຳອິດເມື່ອຕົ້ນປີກາຍ. ກອງບັນຊາການກຳລັງສະຫະລັດໃນພາກຕາເວັນອອກກາງມອງເຫັນວ່າ ການເພີ້ມຂຶ້ນຂອງກຳລັງທະຫານອາເມຣິກັນຢູ່ໃນຂົງເຂດ ແມ່ນຄວາມພະຍາຍາມເພື່ອຮັບມືກັບໄພຂົ່ມຂູ່ຈາກອີຣ່ານ ໃນຂະນະທີ່ຈຳນວນທະຫານໄດ້ຫລຸດລົງ ຢູ່ໃນຊີເຣຍ ບ່ອນທີ່
ມີການກະປະມານກັນວ່າພວກນັກລົບກຸ່ມລັດອິສລາມຫຼາຍພັນຄົນຍັງປະຈຳການຢູ່ນັ້ນ.
