ລິ້ງ ສຳຫລັບເຂົ້າຫາ

ພາຍຸທີ່ມີລົມແຮງ ແລະຝົນຕົກໜັກ ຈະຖະຫລົ່ມ ລັດ New York ແລະ ລັດ New Jersey ອີກມື້ນີ້ (ວີດິໂອ)


ລັດ New York ແລະ ລັດ New Jersey ກໍາລັງຕຽມປະເຊີນໜ້າ ກັບ ພາຍຸຝົນ ແລະລົມແຮງອີກຄັ້ງທີ່ສອງ
ປະຊາຊົນທີ່ຢູ່ອາໄສໃນລັດ New York ​ແລະ New Jersey ທາງພາກຕາເວັນອອກສຽງເໜືອຂອງສະຫະລັດ ກໍາລັງກະກຽມ
ຮັບມື ກັບລົມແຮງ ແລະຝົນຕົກຮອບໃໝ່ ໃນຂະນະທີ່ສືບຕໍ່ພະ
ຍາຍາມຟື້ນ ຄືນຈາກຜົນ​ກະທົບ​ຂອງລົມ​ພາຍຸ ທີ່​ສ້າງ​ຄວາມ​ເສຍ
​ຫາຍຢ່າງໃຫຍ່ຕໍ່​ຂົງເຂດດັ່ງກ່າວ ໃນອາທິດແລ້ວນີ້.

ບັນດາ​ນັກ​ພະຍາກອນ​ອາກາດກ່າວ​ວ່າ ​ພາຍຸລູກ​ໃໝ່​ນີ້ອາດ​ມາ​
ພ້ອມ​ກັບກະ​ແສລົມ ແຮງເຖິງ 95 ກິໂລແມັດ ຕໍ່ຊົ່ວໂມງ ໃນວັນ
ພຸດມື້ນີ້ ຊຶ່ງອາດຈະເຮັດໃຫ້ຕົ້ນໄມ້ຫັກ ແລະສາຍໄຟຂາດອີກ.

ພວກພະນັກ ງານ​ແປງ​ໄຟ ຢູ່ໃນຂົງເຂດ ຍັງກໍາລັງ​ເລ່ງ​ລັດເຮັດ
ວຽກເພື່ອນໍາ​ເອົາ ໄຟຟ້າໃຊ້ ຄືນມາໃຫ້ແກ່ປະຊາຊົນຫລາຍໆ
ພັນຄົນ ທີ່ບໍ່ມີໄຟຟ້າໃຊ້ ໃນໄລຍະທີ່​ປະສົບກັບ ຊຸບເປີພາຍຸ
ແຊນດີ ໃນອາທິດແລ້ວນີ້.

ນະຄອນນີວຢອກ ໄດ້ປິດສວນສາທານລະນະ ແລະຫາດຊາຍຕ່າງໆ ແລະໄດ້​ໂຈະວຽກ​ງານກໍ່ສ້າງຕ່າງໆໄວ້ ໃນວັນພຸດມື້ນີ້ ຍ້ອນພາຍຸລູກ ​ໃໝ່​ນີ້. ຝົນແລະຟອງ​ນໍ້າ​ທະ​ເລ​ຈາກ​ພາຍຸ ອາດ​ຈະສູງ ກາຍ 1 ແມັດ ຊຶ່ງເປັນການຂົ່ມຂູ່ ທີ່ຈະ​ເຮັດ​ໃຫ້ມີນໍ້າຖ້ວມອີກໃນ
ຫລາຍໆເຂດທີ່ຖືກ ນໍ້າຖ້ວມ ຍ້ອນພາຍຸແຊນດີທີ່ຮ້າຍແຮງ ​ໃນ​ອາທິດ​ແລ້ວ.

ນະຄອນນີວຢອກໄດ້ຍົກຍ້າຍຄົນໜີ ຫລາຍກວ່າ 600 ຄົນ ຈາກສູນ ຮັກສາສຸຂະພາບ 4 ແຫ່ງ ໃນວັນອັງຄານວານນີ້ ໃນຂະນະທີ່ 2 ເມືອງ ທີ່​ຕັ້ງ​ຢູ່​ແຄມ​ຝັ່ງລັດ New Jersey ນັ້ນ ໄດ້ຖືກສັ່ງໃຫ້ຊາວ​ເມືອງຍ້າຍໜີໄປຢູ່ພື້ນທີ່ສູງໆ ກ່ອນພາຍຸຈະມາ.

​ຄວາມ​ເສຍ​ຫາຍຫົວ​ໃໝ່​ ກໍາລັງ​ມຸ້​ງໜ້າສູ່​ເຂດ​ແຄມ​ຝັ່ງ​ທະ​ເລກໍ້າ​ຕາ​ເວັນ​ອອກ ​ນຶ່ງ​ອາທິດ​ຫລັງ​ຈາກພາຍຸ​ແຊນ​ດີ ຊຶ່ງ​ເປັນ​ລົມພາຍຸ​ຂະໜາດ​ແຮງ ​ໄດ້​ສ້າງ​ຄວາມ​ເສຍ​ຫາຍ​ໃຫ້​ແກ່​ຂົງ​ເຂດດັ່ງກ່າວ.

ເບິ່ງວີດິໂອຊາວເມືອງ ຢູ່ລັດນີເຈີຊີ ທີ່ຖືກກະໜໍ່າໂດຍລົມພາຍຸແຊນດີ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG