ບັນດາປະເທດຕາເວັນຕົກ ກຳລັງເພີ້ມມາດຕາການຕ່າງໆ
ເພື່ອປ້ອງກັນພະຍາດອີໂບລາ.
ໃນສະຫະລັດ ວັນເສົາວານນີ້ ເດີ່ນບິນແຫ່ງນຶ່ງຢູ່ນະຄອນ
ນິວຢອກ ໄດ້ເປັນແຫ່ງທຳອິດໃນປະເທດ ທີ່ໄດ້ເລີ້ມຍົກ
ລະດັບໂຄງການກວດຫາອີໂບລາ ເພື່ອປ້ອງກັນການແຜ່
ລາມອອກໄປ ຂອງພະຍາດນີ້.
ເດີ່ນບິນສາກົນ John F. Kennedy ໄດ້ເລີ້ມກວດອຸນຫະພູມຂອງບັນດາຜູ້ໂດຍສານ ທີ່ມາຈາກ ປະເທດໄລບີເຣຍ ຊີແອຣາ ລີອອນ ແລະ ກີນີ ອັນເປັນສ່ວນນຶ່ງ ຂອງການເອົາ
ມາດຕາການເພີ້ມນັ້ນ. ບັນດາຜູ້ເດີນທາງ ຈະຍັງໄດ້ປະເຊີນໜ້າກັບການສອບຖາມ ເພື່ອພິຈາລະນາເບິ່ງວ່າ ເຂົາເຈົ້າອາດໄດ້ສຳພັດ ກັບຜູ້ທີ່ຕິດພະຍາດອີໂບລາຫຼືບໍ່.
ກົດລະບຽບໃໝ່ນີ້ ຈະຂະຫຍາຍອອກໄປຍັງ ເດີ່ນບິນອີກ 4 ແຫ່ງ
ໃນອາທິດນີ້ ກໍຄື ເດີ່ນບິນ Newark ໃນລັດ New Jersey
ເດີ່ນບິນ Washington Dulles ໃນລັດ Virginia ເດີ່ນບິນ
O’Hare ຂອງນະຄອນ Chicago ໃນລັດ Illinios ແລະ ເດີ່ນ
ບິນສາກົນ ໃນ ນະຄອນ Atlanta. ຮວມກັນແລ້ວ ເດີ່ນບິນທັງ
5 ແຫ່ງນີ້ ແມ່ນຕ້ອນຮັບ ຫຼາຍກວ່າ 90 ເປີເຊັນຂອງຜູ້ໂດຍສານ
ທັງໝົດ ທີ່ເດີນທາງເຂົ້າ ມາໃນສະຫະລັດ ຈາກ 3 ປະເທດໃນ
ອາຟຣິກາຕາເວັນຕົກ ທີ່ຖືກກະທົບຈາກອີໂບລາ ຢ່າງໜັກທີ່ສຸດ.
ສ່ວນປະເທດອັງກິດ ກໍໄດ້ນຳເອົາການກວດຫາອີໂບລາ ຢູ່ຕາມເດີ່ນບິນ ແລະສະຖານີລົດໄຟ ບາງແຫ່ງ.
ຫົວໜ້າຝ່າຍການແພດຂອງອັງກິດ ທ່ານນາງ Sally Davies ກ່າວໃນວັນເສົາວານນີ້ວ່າ ອັງກິດຄວນຄາດໝາຍວ່າ ຈະມີກໍລະນີຂອງອີໂບ ລາ “ຈຳນວນນ້ອຍນຶ່ງ” ໃນລະຍະ 2-3 ເດືອນຂ້າງໜ້ານີ້. ບັນດາເຈົ້າໜ້າທີ່ກ່ຽວຂ້ອງໄດ້ທຳການເຝິກຊ້ອມ ເປັນເວລາ 8 ຊົ່ວໂມງ ທົ່ວປະເທດໃນວັນເສົາວານນີ້ ເພື່ອທົດສອບເບິ່ງຄວາມພ້ອມຂອງອັງກິດ ໃນການຮັບມືກັບການລະບາດທີ່ອາດເກີດຂຶ້ນນັ້ນ.
ເບິ່ງວີດີໂອເລື້ອງ: ມື້ນຶ່ງ ກັບໜ່ວຍທິມຝັງສົບ ຂອງປະເທດ ຊີແອຣາ ເລອອນ
