ປະທານສະພາຕໍ່າຂອງຣັດເຊຍ
ກ່າວວ່າທາງສະພາຕໍ່າຫຼືສະພາ
Duma ຂອງຣັດເຊຍ ສາມາດ
ໃຫ້ສັດຕະຍາບັນຕໍ່ສົນທິສັນຍາ
ຄວບຄຸມອາວຸດນິວເຄລຍ ກັບ
ສະຫະລັດໄດ້ ຢ່າງໄວທີ່ສຸດໃນ
ວັນສຸກມື້ອື່ນນີ້.
ປະທານສະພາຕໍ່າຣັດເຊຍທ່ານ Boris Gryzlov ກ່າວໃນວັນພະຫັດມື້ນີ້ວ່າ ທາງສະພາ
ຕໍ່າສາມາດລົງຄະແນນສຽງ ໃນວັນສຸກມື້ອື່ນນ ີ້ຖ້າຫາກບໍ່ໄດ້ມີການປ່ຽນແປງເນື້ອ ໃນ
ຂອງສົນທິສັນຍາຢູ່ໃນສະບັບທີ່ສະພາສູງຂອງສະຫະລັດຮັບຜ່ານເອົານັ້ນ.
ສະພາສູງສະຫະລັດ ໄດ້ລົງຄະແນນສຽງ 71 ຕໍ່ 26 ຮັບຮອງເອົາສົນທິສັນຍາຄວບຄຸມ
ອາວຸດຍຸດທະສາດ ຫຼື START ສະບັບໃໝ່ກັບຣັດເຊຍ ໃນມື້ວັນພຸດວານນີ້.
ປະທານາທິບໍດີຮັດເຊຍ ທ່ານ Dmitry Medvedev ໄດ້ສະແດງຄວາມຍິນດີນໍາການທີ່
ສະພາສູງສະຫະລັດໄດ້ຮັບຜ່ານສົນທິສັນຍາດັ່ງກ່າວຊຶ່ງຈະຕັດຈໍານວນອາວຸດນິວເຄລຍທີ່
ສະຫະລັດແລະຣັດເຊຍມີຢູ່ນັ້ນລົງ ແລະຈັດຕັ້ງລະບົບພິສູດແລະກວດກາຮ່ວມຂຶ້ນມາ.
ທ່ານໂອບາມາ ກ່າວໃນກອງປະຊຸມຖະແຫຼງຂ່າວທີ່ທຳນຽບຂາວ ໃນມື້ວານນີ້ວ່າ ການ
ຮັບຜ່ານສົນທິສັນຍາດັ່ງກ່າວນີ້ ແມ່ນໄດ້ສົ່ງສັນຍານອັນເຂັ້ມແຂງໄປຍັງທົ່ວໂລກ.
ທັງສະພາສູງແລະສະພາຕໍ່າຂອງຣັດເຊຍ ຍັງຈະຕ້ອງໃຫ້ສັດຕະຍາບັນເສຍກ່ອນສົນທິສັນ
ຍາສະບັບນີ້ ຈຶ່ງຈະມີຜົນບັງຄັບໃຊ້ໄດ້.