ອົງການສືບລັບ CIA ຂອງສະຫະລັດ ກຳລັງເລີ້ມທຳການປ່ຽນ
ແປງການຈັດຕັ້ງໃໝ່ ທີ່ແນໃສ່ເພື່ອປັບປຸງຄວາມສາມາດທາງ
ດ້ານອິນເຕີແນັດ ແລະອຸດຕັນຊ່ອງຫວ່າງໃນການປະຕິບັດ
ງານດ້ານການສືບລັບ ຂອງທາງອົງການ.
ຫົວໜ້າອົງການສືບລັບ CIA ທ່ານ John Brennan ກ່າວຢູ່
ໃນການປະກາດໃນວັນສຸກວານນີ້ວ່າ ການເຄື່ອນໄຫວນີ້ ມີຂື້ນ
ຫລັງຈາກບັນດາຜູ້ຊ່ຽວຊານຈາກພາຍນອກ ໄດ້ໃຊ້ເວລາ
ຫລາຍເດືອນວິເຄາະເບິ່ງ ໂຄງຮ່າງການຄຸ້ມຄອງຂອງອົງການ
ດັ່ງກ່າວ.
ທ່ານກ່າວວ່າ ອົງການ CIA ຈະເພີ້ມຕຳແໜ່ງລະດັບຫົວໜ້າໃໝ່ອີກຕຳແໜ່ງນຶ່ງ ຄື “ຜູ້ອຳ
ນວຍການດ້ານນະວັດຕະກຳດີຈີທອລ” ເພື່ອເນັ້ນໜັກໃສ່ຄວາມກ້າວໜ້າດ້ານເທັກໂນໂລ
ຈີອິນເຕີແນັດ ທີ່ໄດ້ເຮັດໃຫ້ວິທີການສືບລັບທີ່ເຄີຍປະຕິບັດ ມາ ມີການປ່ຽນແປງໄປນັ້ນ.
ທ່ານ Brennan ກ່າວວ່າ “ຄວາມສາມາດຂອງພວກເຮົາ ໃນການປະຕິບັດຄວາມຮັບຜິດ
ຊອບຕໍ່ການສືບລັບດ້ວຍມະນຸດ ແລະການຮັບຜິດຊອບຕໍ່ຄວາມປອດໄພຂອງປະເທດ
ໄດ້ກາຍມາເປັນການທ້າທາຍຫລາຍຂື້ນ” ຢູ່ໃນໂລກຍຸກຄອມພິວເຕີໃນປັດຈຸບັນ. ທ່ານ
ກ່າວວ່າ ອົງການຕ້ອງໄດ້ “ເຂົ້າໃຈທຸກວິທີທາງກ່ຽວກັບສິ່ງແວດລ້ອມດ້ານດີຈີທອລ.”
ຢູ່ໃນການປ່ຽນແປງໃຫຍ່ອີກຢ່າງນຶ່ງນັ້ນ ອົງການ CIA ຈະຍຸດຕິການແຍກກັນ ລະຫວ່າງ
ພະແນກປະຕິບັດງານ ແລະພະແນກວິເຄາະທີ່ມີມາເປັນເວລາດົນນານ ຊຶ່ງເປັນລະບົບ
ຕ້ອງການໃຫ້ພວກພະນັກງານກຸ່ມນຶ່ງເກັບກຳລາຍລະອຽດ ແລະ ອີກພວກນຶ່ງທຳການ
ວິເຄາະ.
ແຜນການໃໝ່ຈະປະສົມປະສານບັນດາສາຂາເຫລົ່ານັ້ນເຂົ້າມາເປັນ 10 “ສູນກາງ
ປະຕິບັດງານໃໝ່.” ບັນດາສູນກາງເຫລົ່ານີ້ຈະເນັ້ນໜັກໃສ່ ການທ້າທາຍທີ່ສະເພາະ
ຈະຈົງ ຫລື ຢູ່ໃນຂົງເຂດຕ່າງໆຂອງໂລກ. CIA ໄດ້ປະຕິບັດມາແລ້ວ ຫລາຍແຫ່ງ ເຊັນ
ວ່າ ບັນດາສູນກາງວິໃຈ ຮວມທັງສູນການຕ້ານການກໍ່ການຮ້າຍແຫ່ງນຶ່ງ.
ທ່ານ Brennan ກ່າວວ່າ “ຂ້າພະເຈົ້າຮູ້ ເບິ່ງຄືວ່າປັດຈຸບັນນີ້ ແຕ່ວ່າອັນທີ່ພວກເຮົາພະ
ຍາຍາມທີ່ຈະເຮັດກັບ ສູນກາງປະຕິບັດງານເຫລົ່ານີ້ ແມ່ນປົກຄຸມໂລກທັງໝົດ ຂົງເຂດ
ແລະການປະຕິບັດໜ້າທີ່ ແລະສິ່ງໃດສິ່ງນຶ່ງທີ່ກໍາລັງເກີດຂື້ນ ຢູ່ໃນໂລກນັ້ນ ຕົກລົງມາຢູ່
ໃນຈຳນວນຂຸທັງຫລາຍ.
