ເຈົ້າໜ້າທີ່ອະວຸໂສທາງທະຫານສະຫະລັດທ່ານນຶ່ງກ່າວວ່າ ສະຫະລັດກຳລັງດຳເນີນການຢ່າງຂຸ້ນຂ້ຽວ ປັບປຸງຄວາມສາມາດ ເພື່ອຂັດຂວາງບໍ່ໃຫ້ ຣັດເຊຍ ແລະຈີນ ສ້າງບັນຫາຂັດແຍ້ງໃນອະວະກາດ.
ໃນການຖະແຫຼງທີ່ສະຖາບັນສຶກສາອະວະກາດ Mitchelle ທີ່ເມືອງ Arlington ໃນວັນສຸກວານນີ້ ນາຍພົນ Jay Raymond ຜູ້ບັນຊາການດ້ານອະວະກາດກອງທັບອາກາດສະຫະລັດ ກ່າວວ່າ ສ່ວນນຶ່ງໃນການປັບປຸງ ກອງທັບຈີນ ແມ່ນໄດ້ແນໃສ່ ເພື່ອເຮັດໃຫ້ຄວາມກ້າວໜ້າ ດ້ານໃນອະວະກາດ ຂອງສະຫະລັດ ແລະໃນດ້ານອື່ນໆ ອ່ອນແອລົງ.
ທ່ານກ່າວວ່າ “ການປັບປຸງກອງທັບຈີນໃຫ້ທັນສະໄໝ ມີຄວາມເປັນໄປໄດ້ທີ່ຈະຫລຸດຜ່ອນຄວາມກ້າວໜ້າ ທີ່ໄດ້ປຽບໃນດ້ານເທັກໂນໂລຈີທາງທະຫານຂອງສະ ຫະລັດລົງ” ອີງຕາມລາຍງານປະຈຳປີຕໍ່ລັດຖະສະພາໂດຍລັດຖະມົນຕີປ້ອງກັນ ປະເທດ ທ່ານ Ash Carter. “ຍິ່ງໄປກວ່ານັ້ນຈີນໄດ້ລົງທຶນໃນດ້ານສະມັດຖະ ພາບການອອກແບບເພື່ອເອົາໄຊຊະນະ ຄວາມສາມາດໃນການໂຈມຕີຂອງສັດຕູ ແລະປະເຊີນໜ້າການແຊກແຊງໃນລະຫວ່າງເກີດທີ່ເກີດວິກິດການ ຫລືການຂັດແຍ້ງ.”
ນານພົນ Raymond ໄດ້ກ່າວເພີ້ມວ່າ ການດຳເນີນຄວາມພະຍາຍາມຂອງສະ ຫະລັດທີ່ຈະເສີມຂະຫຍາຍການສະກັດກັ້ນໃນອະວະກາດ ຮວມທັງການປະຕິບັດງານຮ່ວມກັບບັນດາພັນທະມິດ.
ທ່ານກ່າວວ່າ “ຄູ່ຮ່ວມງານທີ່ເປັນແນວໂຮມຂອງພວກເຮົາຫາກໍວິວັດທະນາຈາກ ການແບ່ງປັນຂໍ້ມູນເພື່ອເຂົ້າຮ່ວມສູ້ລົບໃນສົງຄາມ. ເຂົາເຈົ້າໄດ້ສະໜອງຄຸນຄ່າໃນການສະກັດກັ້ນ ທາງທະຫານທີ່ບໍ່ໜ້າເຊື່ອ. ພວກເຮົາຕ້ອງນຳໃຊ້ອຳນາດທີ່ມີເພີ້ມຂຶ້ນດ້ານອະວະກາດຂອງພັນທະມິດພວກເຮົາ.”
ບັນດາຜູ້ຕາງໜ້າກອງທັບອາກາດຈາກຍີ່ປຸ່ນ ແລະບຣາຊີນ ທີ່ເຂົ້າຮ່ວມໃນພິທີໄດ້ກ່າວຕໍ່ວີໂອເອວ່າ ປະເທດຂອງເຂົາເຈົ້າກຳລັງຂຸ້ນຂ້ຽວຊອກຫາທາງ ທີ່ຈະຮ່ວມມືໃນການປະຕິບັດງານກັບສະຫະລັດໃນອະວະກາດຕໍ່ໜ້າການເພີ້ມຂຶ້ນໃນ ການຂົ່ມຂູ່ໃນດ້ານດັ່ງກ່າວນີ້.