ວັນຈັນມື້ນີ້ ອົງການອະວະກາດຂອງສະຫະລັດສະເຫຼີມສະຫຼອງວັນຄົບຮອບ 50 ປີແຫ່ງ
ການສົ່ງຄົນອາເມຣິກັນຄົນທໍາອິດຂຶ້ນສູ່ວົງໂຄຈອນອ້ອມໂລກ.
ນັກເຫາະອະວະກາດ John Glenn ໂຄຈອນອ້ອມໂລກ 3 ຮອບໃນເວລາບໍ່ຮອດ 5 ຊົ່ວ
ໂມງ ເມື່ອວັນທີ 20 ກຸມພາ ປີ 1962 ໃນພາລະກິດທີ່ມີວັດຖຸປະສົງເພື່ອຢາກຮູ້ວ່າ ມະນຸດ
ຈະມີປະຕິກິລິຍາແບບໃດຕໍ່ສິ່ງແວດລ້ອມໃນຫ້ວງອະວະກາດ.
ໃນການຖະແຫລງຢູ່ທີ່ອົງການອະວະກາດແຫ່ງຊາດສະຫະລັດກ່ຽວກັບເຫດການດັ່ງກ່າວ
ໃນສັບປະດາແລ້ວນີ້ ທ່ານ John Glenn ໄວ 90 ປີ ກ່າວວ່າ ປະສົບປະການຂອງທ່ານ
ໃນການຂີ່ຍານອະວະກາດອ້ອມໂລກນັ້ນ ເປັນເລື້ອງທີ່ບັນລະຍາຍໄດ້ຍາກ.
ແຕ່ທ່ານບໍ່ໄດ້ເປັນຄົນທໍາອິດທີ່ໂຄຈອນອ້ອມໂລກ.ເກືອບນຶ່ງປີກ່ອນ ທ່ານ John Glenn
ຂຶ້ນໂຄຈອນອ້ອມໂລກນັ້ນ ນັກບິນກອງທັບອາກາດຂອງອະດີດສະຫະພາບໂຊວຽດ ທ່ານ
Yuri Gagarin ກໍໄດ້ໂຄຈອນອ້ອມໂລກນຶ່ງຮອບ.
ທ່ານ John Glenn ຊຶ່ງເຄີຍເປັນສະມາຊິກສະພາສູງສະຫະລັດ 4 ສະໄໝລຽນຕິດ
ຈາກລັດ Ohio ໄດ້ກັບຄືນຂຶ້ນສູ່ວົງໂຄຈອນໃນຍານອະວະກາດໄປກັບຂອງສະຫະລັດອີກ
ໃນປີ 1998 ຊຶ່ງກາຍເປັນນັກເຫາະອະວະກາດ ທີ່ມີອາຍຸແກ່ທີ່ສຸດ ຄື 77 ປີ ທີ່ຂຶ້ນບິນໃນ
ຫ້ວງອະວະກາດ.
ເບິ່ງວີດີໂອລາຍງານພາສາອັງກິດ ກ່ຽວກັບອົງການອະວະກາດຂອງສະຫະລັດ:
