ຍານອະວະກາດໄປກັບ Endeaver ຂອງສະຫະລັດໄດ້
ລົງສູ່ພື້ນດິນແລ້ວ ໃນເຊົ້າວັນພຸດມື້ນີ້ ຫລັງຈາກເສັດສິ້ນ
ການປະຕິບັດງານຖ້ຽວສຸດທ້າຍທີ່ສະຖານີອະວະກາດນາໆ
ຊາດ.
ທ່ານ Mark Kelly ຜູ້ບັງຄັບຍານພ້ອມດ້ວຍລູກເຮືອໄດ້
ນໍາຍານລົງຈອດຢ່າງປອດໄພທີ່ສູນອະວະກາດ Kenne
dy ໃນລັດຟລໍຣີດາໃນພາກຕາເວັນອອກສຽງໃຕ້ຂອງສະ
ຫະລັດ. ນັບວ່າເປັນຄັ້ງທີ 25 ທີ່ອົງການອະວະກາດສະ
ຫະລັດນໍາຍານອະວະກາດລົງຈອດໃນຍາມທີ່ຍັງມືດມົວຢູ່
ຊຶ່ງເປັນນຶ່ງສ່ວນຫ້າຂອງການປະຕິບັດງານທັງໝົດ.
ທ່ານ Kelly ກ່າວວ່າ ມັນເປັນເລື້ອງທີ່ໂສກເສົ້າທີ່ເຫັນຍານອະວະກາດໄປກັບລໍານີ້ລົງຈອດ
ເປັນເທື່ອສຸດທ້າຍ ແຕ່ວ່າຍານອະວະກາດລໍານີ້ເປັນມໍລະດົກອັນຍິ່ງໃຫຍ່. ບັດນີ້ຍານອະວະ
ກາດ Endeaver ຈະຖືກສົ່ງໄປໄວ້ໃນພິພິດທະພັນແຫ່ງນຶ່ງໃນລັດ California ໃນພາກຕາ
ເວັນຕົກຂອງສະຫະລັດ.
ຍານ Endeaver ໄດ້ໃຊ້ເວລາຫລາຍກວ່າ 2 ສັບປະດາ ໃນຫ່ວງອະວະກາດ ໂດຍສົ່ງ
ເຄື່ອງຈັບແສງອະວະກາດມູນຄ່າ 2 ຕື້ໂດລາແລະເຄື່ອງອາໄຫລ່ອື່ນໆ ໄປຍັງສະຖານີ
ອະວະກາດນັ້ນ.
ການລົງຈອດຂອງຍານດັ່ງກ່າວໃນວັນພຸດມື້ນີ້ ເປັນການສິ້ນສຸດລົງຂອງການປະຕິງານ
ຂອງຍານອະວະກາດ Endeaver ເປັນເວລາ 19 ປີ ແລະກາຍເປັນຍານອະວະກາດລໍາ
ທີສອງຂອງຍານອະວະກາດໄປກັບ 3 ລໍາຂອງສະຫະລັດຈະຖືກຢຸດໃຊ້. ອົງການນາຊາ
ກ່າວວ່າ ຍານEndeaver ໄດ້ບິນໃນໄລຍະທາງ 198 ລ້ານຫລັກກິໂລແມັດໃນການປະຕິ
ບັດງານທັງໝົດ 25 ຖ້ຽວ.
ຍານອະວະກາດໄປກັບ Atlantis ກໍານົດຈະບິນຂຶ້ນສູ່ຫ່ວງອະວະກາດໃນເດືອນກໍລະກົດ
ນີ້ອັນເປັນການປະຕິບັດງານຖ້ຽວສຸດທ້າຍຂອງໂຄງການຍານອະວະກາດໄປກັບຂອງສະຫະ
ລັດເປັນເວລາ 30 ປີນັ້ນ.
