ສະຫະລັດ ແລະເກົາຫລີໃຕ້ໄດ້ປະກາດແຜນການທີ່ຈະຕິດຕັ້ງລະບົບຕໍ່ຕ້ານລູກ ສອນໄຟຂີປະນາວຸດ ຫຼື THAAD ຢູ່ທີ່ແຫລມເກົາຫລີ ເພື່ອຮັບມືກັບໂຄງການນິວເຄລຍແລະການພັດທະນາຂີປະນາວຸດທີ່ກຳລັງດຳເນີນຢູ່ຂອງເກົາຫລີເໜືອ.
ນາຍພົນ Thomas Vandal ຫົວໜ້າເສນາທິການກຳລັງສະຫະລັດ ຢູ່ໃນເກົາ ຫລີ ແລະຮອງລັດຖະມົນຕີກະຊວງປ້ອງກັນປະເທດເກົາຫຼີໃຕ້ ທ່ານ Ryu Je-seung ໄດ້ປະກາດຢ່າງເປັນທາງການ ລະຫວ່າງການຮ່ວມລາຍງານຢູ່ນະຄອນ ຫຼວງໂຊລ ໃນວັນສຸກມື້ນີ້.
ນາຍພົນ Vandal ກ່າວວ່າ “ເກົາຫລີເໜືອຍັງສືບຕໍ່ພັດທະນາລູກສອນໄຟຂີປະນາວຸດ ແລະອາວຸດທີ່ອາວຸດທີ່ມີອະນຸພາບຮ້າຍແຮງອື່ນໆ ໃນການລະເມີດພັນທະຂອງຕົນ ຕໍ່ປະຊາຄົມສາກົນ ທີ່ຕ້ອງການຢາກໃຫ້ພັນທະມິດຂອງພວກເຮົາຄໍ້າປະກັນວ່າ ພວກເຮົາຍັງມີຄວາມສາມາດ ໃນການປ້ອງກັນຕົນເອງ ຢູ່ຕໍ່ໜ້າການຂົ່ມຂູ່ດັ່ງກ່າວ."
ໃນເດືອນກຸມພາທີ່ຜ່ານມາ ຫລັງຈາກການທົດລອງນິວເຄລຍ ແລະຍິງຈະຫຼວດ ໄລຍະໄກຂອງເກົາຫລີເໜືອ ໂດຍໃຊ້ເທັກໂນໂລຈີລູກສອນໄຟຂີປະນາວຸດແລ້ວ ວໍຊິງຕັນແລະໂຊລ ກໍໄດ້ເລີ້ມການປຶກາສາຫາລືຢ່າງເປັນທາງການເພື່ອຫາລືເຖິງຊ່ອງທາງການຕິດຕັ້ງລະບົບຕໍ່ຕ້ານລູກສອນໄຟ THAAD.
ຮອງລັດຖະມົນຕີປ້ອງກັນປະເທດ Ryu Je-seung ກ່າວວ່າ “ຄະນະປະຕິບັດ ງານຮ່ວມຂອງສອງປະເທດ ໄດ້ໃຫ້ການຢືນຢັນເຖິງປະສິດທິພາບ ຂອງລະບົບຕໍ່ຕ້ານລູກສອນໄຟ THAAD ທີ່ຈະປະຕິບັດງານ ຢູ່ໃນສາທາລະນະລັດເກົາຫລີ ແລະກຳລັງກະກຽມຂັ້ນສຸດທ້າຍ ເພື່ອສະເໜີ ຕໍ່ບັນດາລັດຖະມົນຕີປ້ອງກັນປະເທດຂອງທັງສອງປະເທດ ເຖິງບ່ອນຕິດຕັ້ງທີ່ດີສຸດ ທີ່ລະບົບຕໍ່ຕ້ານລູກສອນໄຟ THAAD ຈະມີປະສິດທິຜົນ ແລະບ່ອນທີ່ສິ່ງແວດລ້ອມ ສຸຂະພາບ ແລະຄວາມປອດໄພ ສາມາດໃຫ້ການຄໍ້າປະກັນ.”
ລະບົບຕໍ່ຕ້ານລູກສອນໄຟ THAAD ໄດ້ອອກແບບເພື່ອສະກັດກັ້ນແລະທຳລາຍລູກສອນໄຟຂີປະນາວຸດ ລະຫວ່າງຂັ້ນຕອນສຸດທ້າຍ ທີ່ລູກສອນໄຟໄດ້ຍິງມາ. ມີການພິສູດໃຫ້ວ່າ ລະບົບຕໍ່ຕ້ານລູກສອນໄຟດັ່ງກ່າວປະສົບຜົນສຳເລັດໃນການ ຍິງທຳລາຍລູກສອນໄຟປະນາວຸດໄລຍະໃກ້ ແລະໄລຍະກາງ.
