ສະຫະລັດ ແລະ ເກົາຫຼີໃຕ້ ໄດ້ໂຈະ ການຊ້ອມລົບທາງທະຫານທີ່ສຳຄັນ ອີກເທື່ອນຶ່ງ ໃນການສືບຕໍ່ຊຸກຍູ້ ໃຫ້ມີການເຈລະຈາທາງການທູດ ອີງຕາມຄຳເວົ້າ ຂອງທຳນຽບ
ຫ້າແຈ ໃນວັນສຸກວານນີ້.
ຫົວໜ້າໂຄສົກທຳນຽບຫ້າແຈ ທ່ານນາງ ເດນາ ໄວ້ຕ໌ ໄດ້ກ່າວວ່າ ທັງສອງ ກອງທັບ
ຈະງົດການຊ້ອມລົບຮ່ວມກັນ ທາງອາກາດທີ່ເອີ້ນວ່າ Vigilant Ace ນັ້ນ ເພື່ອອຳນວຍ
ໃຫ້ “ທຸກໂອກາດຂອງຂັ້ນຕອນທາງການທູດ ດຳເນີນຕໍ່ໄປ.”
ການຕັດສິນໃຈດັ່ງກ່າວໄດ້ມີການປະກາດໃຫ້ຊາບ ຫຼັງຈາກການເຈລະຈາສາມຝ່າຍ
ໂດຍລວມມີລັດຖະມົນຕີປ້ອງກັນປະເທດ ສະຫະລັດ ທ່ານ ຈິມ ແມັດຕິສ ແລະ ຄູ່
ຕຳແໜ່ງຂອງທ່ານ ຈາກ ເກົາຫຼີໃຕ້ ແລະ ຍີ່ປຸ່ນ. ບັນດາລັດຖະມົນຕີ ປ້ອງກັນປະເທດ
ເຫຼົ່ານີ້ ແມ່ນຢູ່ໃນປະເທດສິງກະໂປ ເພື່ອເຂົ້າຮ່ວມໃນກອງປະ ຊຸມ ຂັ້ນລັດຖະມົນຕີ
ປ້ອງກັນປະເທດ ຂອງສະມາຄົມ ບັນດາປະເທດ ເຂດເອ ເຊຍຕາເວັນອອກສຽງໃຕ້.
ການຍົກເລີກການຊ້ອມລົບທາງອາກາດມີຂຶ້ນຫຼັງຈາກ ໄດ້ມີການຕັດສິນໃຈ ຂອງ
ກອງທັບ ສະຫະລັດ ມາແລ້ວໃນປີກ່ອນ ທີ່ໄດ້ແນເປົ້າໝາຍໃສ່ເພື່ອຊັກຊວນໃຫ້
ເກົາຫຼີເໜືອ ເຈລະຈາກ່ຽວກັບເສັ້ນທາງການກວດສອບໄດ້ ໃນການປົດອາວຸດ
ນິວເຄລຍນັ້ນ.
ສະຫະລັດ ແລະ ເກົາຫຼີໃຕ້ ໄດ້ເລື່ອນເວລາໃນການຊ້ອມລົບຂະໜາດໃຫຍ່ຄັ້ງທຳອິດ
ຂອງປີ ທີ່ມີຊື່ວ່າ Foal Eagle ນັ້ນ ອອກໄປ ເພື່ອບໍ່ໃຫ້ມີຜົນກະທົບຕໍ່ ການແຂ່ງຂັນ
ກິລາໂອລິມປິກ ລະດູໜາວ.
ລຸນຫຼັງຈາກນັ້ນ ສະຫະລັດ ແລະເກົາຫຼີໃຕ້ ກໍໄດ້ຍົກເລີກ ການຊ້ອມລົບຂະ ໜາດໃຫຍ່
ຮ່ວມກັນ ຄັ້ງທີສອງ ທີ່ໄດ້ກຳນົດໃສ່ເດືອນສິງຫາ ທີ່ມີຊື່ວ່າ Ulchi-Freedom Guardian.
ການຍົກເລີກດັ່ງກ່າວ ໄດ້ມີຂຶ້ນ ຫຼັງຈາກມີການພົບປະກັນລະຫວ່າງ ປະທາ ນາທິບໍດີ
ສະຫະລັດ ທ່ານ ດໍໂນລ ທຣຳ ແລະ ຜູ້ນຳເກົາຫຼີເໜືອ ທີ່ບໍ່ເຄີຍມີ ມາກ່ອນ ໃນກອງປະ
ຊຸມສຸດຍອດ ເມື່ອເດືອນມິຖຸນາຜ່ານມາ ຢູ່ໃນສິງກະໂປ ບ່ອນທີ່ ທ່ານທຣຳ ໄດ້ປະກາດ
ວ່າ ສະຫະລັດ ຈະຍຸຕິ ໃນອັນທີ່ທ່ານເອີ້ນວ່າ “ການຊ້ອມລົບ" “ແບບທ້າທາຍເກາະຜິດ”
ແລະ “ການໃຊ້ຈ່າຍທີ່ແພງ” ກັບ ເກົາຫຼີໃຕ້.
ກອງທັບສະຫະລັດ ໄດ້ອະທິບາຍວ່າ ການຊ້ອມລົບຮ່ວມ ຢູ່ທີ່ແຫຼມເກົາຫຼີ ແມ່ນເປັນແບບ
ລັກສະນະ “ການປ້ອງກັນ” ຫຼາຍກວ່າຈະເປັນ “ການທ້າທາຍເກາະຜິດ” ຊຶ່ງເປັນຄຳສັບ
ທີ່ໄດ້ຖືກນຳໃຊ້ຢູ່ເລື້ອຍໆ ໂດຍ ຈີນ ແລະເກົາຫຼີ ເໜືອ ເພື່ອອະທິບາຍ ເຖິງການຊ້ອມລົບ
ດັ່ງກ່າວ.
