ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະຫະລັດ ຊ້ອມລົບ ຮ່ວມກັບ ເກົາຫລີໃຕ້


ເຮືອ​ດໍາ​ນໍ້າ​ນິວ​ເຄລຍ USS San Francisco ​ແລະ​ເຮືອ​ພິຄາດ​ຕິດ​ລູກ​ສອນ​ໄຟ​ຂີ​ປະ​ນາ​ວຸດ ​ USS Shiloh ປະກອບສ່ວນຊ້ອມລົບ ທີ່ເກົາຫລີໃຕ້
ເຮືອ​ດໍາ​ນໍ້າ​ນິວ​ເຄລຍ USS San Francisco ​ແລະ​ເຮືອ​ພິຄາດ​ຕິດ​ລູກ​ສອນ​ໄຟ​ຂີ​ປະ​ນາ​ວຸດ ​ USS Shiloh ປະກອບສ່ວນຊ້ອມລົບ ທີ່ເກົາຫລີໃຕ້
​ກອງທັບ​ເຮືອ​ຂອງເກົາຫລີ​ໃຕ້ ​ແລະສະ​ຫະລັດ ​ໄດ້ເປີດ​ສາກ​ທໍາ
​ການ ຊ້ອມ​ລົບຮ່ວ​ມກັນ​ ຢູ່​ນອກ​ຝັ່ງ​ທະ​ເລ​ຂອງ​ແຫລມ​ເກົາ​ຫລີ ​
ເພື່ອ​ທົດ​ສອບ ຄວາມ​ຕຽມ​ພ້ອມ​ສໍາລັບ​ການ​ສູ້​ລົບ ຂອງພັນທະ​
ມິດ​ທັງ​ສອງ​.

ບັນດາ​ເຈົ້າ​ໜ້າ​ທີ່​ກ່າວ​ວ່າ ການ​ຊ້ອມ​ລົບ​ເປັນ​ເວລາ​ສາມ​ວັນ​ໄດ້​ເລີ້ມ​ຂຶ້ນ ​ໃນ​ວັນ​ຈັນ​ມື້​ນີ້ ຢູ່​ໃນ​ເຂດ​ທະ​ເລ​ຕາ​ເວັນ​ອອກ ໃກ້​ກັບ​ເມືອງ Pohang. ການ​ຊ້ອມ​ລົບ​ຮ່ວມ​ນີ້ ​ແມ່ນ​ພົວພັນ​ກັບການເຝິກ​ແອບ​ໃຊ້​ເຮືອ​ດໍາ​ນໍ້າ ການຊອກ​ຫາ​ແລະຕິດຕາມເຮືອ​ດໍາ​ນໍ້າ ການ​ເຝິກ​ຊ້ອມ​ຍິງປືນ​ແທ້​ຕໍ່ຕ້ານ​ ເຮືອບິນ​ແລະ​ກໍາ​ປັ່ນ ​ແລະເຝິກຊ້ອມ​ຍິງສະກັດ​ກັ້ນລູກ​ສອນ​ໄຟ.

ກອງ​ທັບ​ເຮືອ​ເກົາຫລີ​ໃຕ້ ​ໄດ້​ສົ່ງ​ກໍາ​ປັ່ນ 10 ລໍາ ​ເຂົ້າ​ຮ່ວມ​ເຝິກ​ແອບ ​ໃນ​ຂະນະ​ທີ່ ກອງທັບ​ເຮືອສະຫະລັດ ມີ​ເຮືອ​ດໍາ​ນໍ້າ​ນິວ​ເຄລຍ USS San Francisco ​ແລະ​ເຮືອ​ພິຄາດ​ຕິດ​ລູກ​ສອນ​ໄຟ​ຂີ​ປະ​ນາ​ວຸດ ​ USS Shiloh ປະກອບສ່ວນ.

ການ​ຊ້ອມ​ລົບ​ມີ​ຂື້ນ ​ໃນ​ຂະນະ​ທີ່​ເກົາຫລີ​ເໜືອໄດ້ກ່າວ​ຄໍາ​ຂູ່​ອອກ​ມາ ໃນແຕ່​ລະ​ມື້ ​ທີ່​ຈະທໍາ ການທົດ​ລອງ​ນິວ​ເຄລຍ ເພື່ອ​ຕອບ​ໂຕ້​ຕໍ່​ການເສີມຂະ​ຫຍາ​ຍ ການລົງ​ໂທດ​ຂອງສະຫະ​ປະ
ຊາ​ຊາດ ທີ່ໄດ້​ປະກາດ​ໃຊ້ ​ຫລັງ​ຈາກເກົາຫລີ​ເໜືອ ໄດ້​ທົດ​ລອງ​ຍິງລູກ​ສອນ​ໄຟ​ລະຍະ​ຍາວ ​
ໃນ​ເດືອນ​ທັນວາ.
XS
SM
MD
LG