ການສົ່ງເຮືອບິນຖິ້ມລະເບີດ ຂອງສະຫະລັດ ຫວ່າງມໍ່ໆມານີ້ ໃຫ້ບິນຜ່ານທະເລຈີນທີ່ມີ
ການຂັດແຍ້ງກັນນັ້ນອາດເສີມຄວາມເຂັ້ມແຂງໃນການຮັກສາຄວາມປອດ ໄພ ໃຫ້ແກ່
ບັນດາປະເທດເຂດເອເຊຍຕາເວັນອອກສຽງໃຕ້ ທີ່ອ້າງເອົາກຳມະສິດໃນເຂດນ້ຳ
ແດນດິນດັ່ງກ່າວ ໃນຂະນະທີ່ເຮືອບິນ ຂອງສະຫະລັດ ໄດ້ຊ່ວຍ ກວດສອບເບິ່ງ ການ
ຂະຫຍາຍເຂດແດນທາງທະເລ ໂດຍຝ່າຍຈີນ ທີ່ເປັນປະເທດທີ່ອ້າງເອົາກຳມະສິດ
ຫຼາຍກວ່າໝູ່ນັ້ນ.
ພວກນັ້ນວິເຄາະເຊື່ອວ່າ ການສົ່ງເຮືອບິນຖິ້ມລະເບີດ B-52 ໃຫ້ບິນຜ່ານເປັນບາງຄັ້ງ
ບາງຄາວ ຮວມທັງ 2 ຄັ້ງ ໃນເດືອນແລ້ວນີ້, ຈະເຮັດໃຫ້ ບຣູໄນ, ມາເລເຊຍ ຟິລິບປີນ
ແລະຫວຽດນາມ ໄດ້ຮັບການປົກປ້ອງຕື່ມອີກຊັ້ນນຶ່ງຈາກປັກກິ່ງ, ຊຶ່ງໄດ້ກົດດັນຕໍ່ການ
ອ້າງເອົາກຳມະສິດທາງທະເລ ໃນທະເລຈີນໃຕ້ທີ່ອຸດົມສົມບູນໄປດ້ວຍຊັບພະຍາກອນ
ທຳມະຊາດນັ້ນ.
ເຮືອບິນຖິ້ມລະເບີດ ໄດ້ “ປະຕິບັດງານ” ບິນຜ່ານທະເລຈີນໃຕ້ ແລະມະຫາສະໝຸດ
ອິນເດຍ ໃນວັນທີ 23 ແລະ 25 ກັນຍາຜ່ານມານີ້, ອີງຕາມ ກອງບັນຊາການກຳລັງ
ສະຫະລັດໃນເຂດປາຊິຟິກ ທີ່ໄດ້ກ່າວໃນຖະແຫຼງການສະບັບນຶ່ງ ໃນສັບປະດາແລ້ວນີ້
ເຮືອບິນຖິ້ມລະເບີດ B-52 ໄດ້ບິນຂຶ້ນຈາກເກາະກວມ “ໃນ ການບິນຝຶກຊ້ອມຕາມ
ປົກກະຕິ” ອີງຕາມຖະແຫຼງການທີ່ໄດ້ກ່າວໄວ້.
“ບັນດາປະເທດທີ່ອ້າງເອົາກຳມະສິດໃນເຂດຕາເວັນອອກສຽງໃຕ້ ຄວນຈະຮູ້ສຶກວ່າ
ໄດ້ຮັບການສະໜັບສະໜຸນແລະດົນບັນດານໃຈ ໂດຍການບິນຜ່ານ ທີ່ສະແດງໃຫ້
ເຫັນ ຊຶ່ງການອຸທິດຕົນແລະຄວາມກະຕືລືລົ້ນຂອງສະຫະລັດ ເພື່ອຕ້ານຢັນກັບການ
ປະພຶດຂອງຈີນຢູ່ໃນຂົງເຂດ,” ນັ້ນຄືຄຳເວົ້າຂອງທ່ານຢັນ ຊັນ ເຈົ້າໜ້າທີ່ອາວຸໂສ
ຂອງໂຄງການເອເຊຍຕາເວັນອອກ ຂອງສະຖາບັນສຕິມຊັນ ທີ່ ວໍຊີງຕັນ.
ກອງທັບຈີນ ໄດ້ປະທ້ວງ ຕໍ່ການເຄື່ອນໄຫວດັ່ງກ່າວໃນສັບປະດາແລ້ວນີ້ ໂດຍຖືວ່າ
“ເປັນການເກາະຜິດ” ແລະຮຽກຮ້ອງໃຫ້ມີການເອົາບາດກ້າວທີ່ຈະຕາມມາ.
ອ່ານຂ່າວນີ້ ເພີ້ມຕື່ມເປັນພາສາອັງກິດ
