ເຈົ້າໜ້າທີ່ຂອງສະຫະລັດເວົ້າວ່າ ພວກຫົວຮຸນແຮງ Al-Shabab ຢູ່ໃນໂຊມາເລຍໄດ້
ສັງຫານຊີວິດຂອງສະມາຊິກກໍາລັງທະຫານພິເສດຂອງສະຫະລັດຜູ້ນຶ່ງ ໃນວັນສຸກວານ
ນີ້ ແລະກໍໄດ້ເຮັດໃຫ້ສະມາຊິກຂອງທີມງານຂອງອາເມຣິກັນ ທີ່ຊ່ວຍທະຫານໂຊມາ
ເລຍນັ້ນ ອີກ 3 ຄົນໄດ້ຮັບບາດເຈັບ.
ທະຫານກອງກໍາລັງພິເສດ Navy SEAL ທີ່ເສຍຊີວິດໃນຂະນະທີ່ປະຕິບັດງານຕໍ່ສູ້ກັບ
ກຸມ al-Shabab ແມ່ນທະຫານອາເມຣິກັນຜູ້ທໍາອິດ ທີ່ເສຍຊີວິດໃນການສູ້ລົບໃນປະ
ເທດທີ່ຖືກສົງຄາມທໍາລາຍແຫ່ງນີ້ ນັບຕັ້ງແຕ່ມີກການສູ້ລົບກັນຢ່າງຮ້າຍແຮງໃນປີ
1993 ຊຶ່ງເປັນການປະທະກັນທີ່ພາໃຫ້ເກີດມີຮູບເງົາເລື້ອງ Black Hawk Down ນັ້ນເປັນຕົ້ນມາ.
ເຈົ້າໜ້າທີ່ທໍານຽບຂາວເວົ້າວ່າ ປະທານາທິບໍດີດໍໂນລ ທຣໍາ ໄດ້ສົ່ງຂໍ້ຄວາມເສົ້າສະ
ຫລົດໃຈ ອັນເລິກເຊິ່ງທີ່ສຸດໄປຍັງຄອບຄົວຂອງຜູ້ທີ່ໄດ້ຮັບເຄາະຮ້າຍນັ້ນ ພ້ອມທັງສົ່ງ
ຄໍາສັນລະເສີນໄປຍັງບັນດາສະມາຊິກໃນກອງທັບສະຫະລັດ ທັງຍິງແລະຊາຍ ທີ່ໄດ້
ພະຍາຍາມອົດທົນຮັບໃຊ້ຊາດ.
ປືນທີ່ຍິງຈາກກຸ່ມຕິດອາວຸດນ້ອຍໆ ໄດ້ສັງຫານທະຫານພິເສດ Navy SEAL ຄົນນັ້ນ
ຢູ່ໃນໝູ່ບ້ານນ້ອຍໆ ແຫ່ງນຶ່ງ ຊຶ່ງຢູ່ຫ່າງຈາກເມືອງ Mogadishu 65 ກິໂລແມັດໄປທາງ
ຕາເວັນຕົກ. ນາຍທະຫານທ່ານນຶ່ງກ່າວຕໍ່ VOA ວ່າ ຢ່າງໜ້ອຍມີທະຫານ SEAL ອີກ
ສອງຄົນ ແລະນາຍແປພາສາຄົນນຶ່ງ ໄດ້ຮັບບາດເຈັບໃນການໂຈມຕີຢູ່ບ້ານ Barire
ທາງຕາເວັນຕົກຂອງເມືອງ Afgoye.
ຜູ້ບັນຊາການທະຫານຢູ່ທະວີບອາຟຣິກາຂອງສະຫະລັດ ທີ່ຮັບຜິດຊອບການປະຕິບັດ
ງານທາງທະຫານຂອງອາເມຣິກາຢູ່ໃນທະວີບນັ້ນ ເວົ້າວ່າ ກໍາລັງທະຫານສະຫະລັດທີ່
ມາທໍາການໂຈມຕີ ແມ່ນຖືກໂຈມຕີ ຢູ່ໃນໄລຍະທີ່ປະຕິບັດງານທີ່ໄດ້ຮັບການແນະນໍາ
ແລະເພື່ອຊ່ວຍທໍາການໂຈມຕີແບບຄຽງບ່າ ຄຽງໄລ່ກັບທະຫານກອງທັບແຫ່ງຊາດຂອງ
ໂຊມາເລຍ.
