ລິ້ງ ສຳຫລັບເຂົ້າຫາ

ສະຫະລັດແລະເກົາຫຼີໃຕ້ ຊ້ອມລົບ ຮ່ວມກັນ

  • ສິງ ບູຣົມມະວົງ

ພວກປະທ້ວງເກົາຫລີໃຕ້ ທີ່ພາກັນປະທ້ວງການຊ້ອມລົບຮ່ວມ ລະຫວ່າງສະຫະລັດແລະເກົາຫລີໃຕ້ ທີ່ກຸງໂຊນ ເກົາຫລີໃຕ້ ພວມຍ່າງກາຍລົດກອງທັບສະຫະລັດຄັນນຶ່ງ ວັນທີ 16 ສິງຫາ 2011

ເກົາຫລີ​ໃຕ້​ແລະ​ສະຫະລັດ​ໄດ້​ເລີ້ມ​ທໍາ​ການ​ຊ້ອມ​ລົບ​ປະ​ຈໍາປີ​ຮ່ວມ​ກັນໃນ​ວັນ​ອັງຄານ​ມື້​ນີ້
​ເຖິງ​ແມ່ນ​ມີ​ຄໍາ​ເຕືອນ​ຈາກ​ກຸງ​ພຽງ​ຢ້າງວ່າການ​ຊ້ອມ​ລົບດັ່ງກ່າວ​ຈະ​ທໍາລາຍ​ຄວາມ​ຫວັງ​
ຕ່າງໆ​ເພື່ອ​ສັນຕິພາບ​ໃນ​ແຫລມ​ເກົາຫລີກໍ​ຕາມ.

ກອງ​ບັນຊາ​ການ​ກໍາລັງ​ຮ່ວມ​ຂອງທັງສອງ​ຝ່າຍ ກ່າວ​ວ່າ ຕົນ​ທໍາ​ການຊ້ອມ​ລົບ​ທີ່ໄດ້​ຮັບ
​ການສະໜັບສະໜຸນຈາກ​ເຄື່ອງ​ຄອມ​ພີ​ວ​ເຕີເປັນ​ເວລາ10 ມື້​ເພື່ອ​ປັບປຸງ​ສະມັດຖະພາບ
​ຂອງ​ຕົນ​ໃຫ້​ດີ​ຂຶ້ນ​ໃນການປ້ອງ​ກັນ​ເກົາຫລີໃຕ້​ ຕໍ່​ການ​ໂຈມ​ຕີ​ທີ່​ອາດ​ຈະ​ມີ​ຂຶ້ນ​ໄດ້​ຈາກ​ເກົາ
​ຫລີ​ເໜືອ​ນັ້ນ.

ນາຍ​ພົນ James D. Thurman ຈາກ​ກອງທັບ​ສະຫະລັດ ຊຶ່ງເປັນຜູ້​ບັນຊາການ​ກໍາລັງ​
ປະສົມກ່າວ​ວ່າ ​ກໍາລັງ​ເຫລົ່າ​ນີ້ໃຊ້​ບົດຮຽນ​ຕ່າງໆ ທີ່​ໄດ້​ຮຽນ​ມາ​ຈາກ​ອີຣັກ​ແລະ​ອັຟກາ
​ນີສຖານ ຕະຫຼອດ​ທັງ​ບົດຮຽນ​ທີ່​ກຸ່ມ​ພັນທະມິດໄດ້​ຖອດຖອນມາຈາກ​ປະສົບ​ການ​ຕ່າງໆ
ຈາກການ​ເກາະ​ຜິດ​ຂອງເກົາຫລີ​ເໜືອ​ຫວ່າງ​ໄວໆ​ຜ່ານ​ມາ​ນີ້.

ໃນ​ສັບປະດາ​ຜ່ານ​ມາ​ນີ້ ​ເກົາຫລີ​ເໜືອ​ໄດ້​ຮຽກຮ້ອງ​ໃຫ້​ຍົກເລີກການ​ຊ້ອມ​ລົບ​ທີ່​ວ່າ​ນີ້ ໂດຍ​
ກ່າວ​ວ່າ ມັນ​ຈະ​ທໍາລາຍ​ຄວາມ​ພະຍາຍາມ ​ເພື່ອຮື້​ຟື້ນ​ການ​ພົບ​ປະ​ເຈລະຈາ​ກັນ​ຄືນໃໝ່ ທີ່
​ມີວັດຖຸ​ປະສົງແນໃສ່ເພື່ອທັບ​ມ້າງ​ໂຄງການ​ຜະລິດ​ອາວຸດ​ນີວ​ເຄລຍຂອງ​ເກົາຫລີ​ເໜືອ​ນັ້ນ.

XS
SM
MD
LG