ທ່ານ Ron Kirk ຜູ້ແທນການຄ້າສະຫະລັດ ກ່າວວ່າ
ບັນດາເຈົ້າໜ້າທີ່ເຈລະຈາສະຫະລັດແລະເກົາຫລີໃຕ້
ກໍາລັງໃກ້ຈະບັນລຸຂໍ້ຕົກລົງການຄ້າເສລີທີ່ໄດ້ຊັກຊ້າມາ
ເປັນເວລາດົນນານນັ້ນແລ້ວ.
ທ່ານ Kirk ກ່າວໃນວັນສຸກວານນີ້ວ່າ ໄດ້ບັນລຸຄວາມຄືບ
ໜ້າຢ່າງຫລວງຫລາຍໃນລະຫວ່າງການເຈລະຈາກັນໃນ
ສັບປະດານີ້ຢູ່ໃກ້ໆກັບກຸງວໍຊິງຕັນກັບທ່ານ Kim Jong-hoon ລັດຖະມົນຕີການ
ຄ້າເກົາຫລີໃຕ້.
ທ່ານ Kirk ກ່າວວ່າ ບັດນີ້ມັນແມ່ນເວລາສໍາລັບພວກຜູ້ນໍາທັງສອງປະເທດຈະເປັນຜູ້
ທົບທວນຄືນເບິ່ງ ຄວາມຄືບໜ້າທີ່ວ່າກ່ອນຈະທໍາການເຄື່ອນອີກຕໍ່ໄປ.
ໄດ້ມີການລົງນາມກັນສົນທິການຄ້າກັນໃນປີ 2007 ແຕ່ທັງສອງປະເທດຍັງບໍ່ໄດ້ໃຫ້ສັດ
ຕະຍາບັນເທື່ອ.ພວກສະມາຊິກສະພານິຕິບັນຍັດສະຫະລັດມີຄວາມເປັນຫ່ວງວ່າ ສົນທິ
ສັນຍາສະບັບນີ້ ບໍ່ໄດ້ດໍາເນີການພຽງພໍເພື່ອຈະໄຂຕະຫລາດຂອງເກົາຫລີໃຕ້ສໍາລັບຮັບ
ເອົາລົດສົ່ງອອກຈາກສະຫະລັດນັ້ນ ນອກນັ້ນສະຫະລັດຍັງມີຄວາມບໍ່ພໍໃຈນໍາການຈໍາກັດ
ຮັດແຄບຂອງເກົາຫລີໃຕ້ກ່ຽວກັບການຂາຍຊີ້ນງົວຂອງສະຫະລັດໄປຂາຍໃນຕະຫລາດ
ເກົາຫລີໃຕ້ນັ້ນເຊ່ນກັນ.ຖ້າມີການບັນລຸຂໍ້ຕົກລົງກັນບັ້ນສຸດທ້າຍໄດ້ ກໍໝາຍຄວາມວ່າ
ການຕົກລົງກັນໄດ້ນີ້ກໍຈະເປັນສົນທິສັນຍາການຄ້າເສລີຄັ້ງໃຫຍ່ທີ່ສຸດຂອງອະເມລິກາ
ນັບແຕ່ໄດ້ມີຂໍ້ຕົກລົງການຄ້າເສລີໃນທະວີບອະເມລິກາເໜືອໃນປີ 1994 ເປັນຕົ້ນມາ.
