ລິ້ງ ສຳຫລັບເຂົ້າຫາ

ວັນພະຫັດ, ໑໘ ກໍລະກົດ ໒໐໒໔

ຍານ Enterprise ໄປຮອດ ນິວຢອກແລ້ວ (ເບິ່ງສະໄລດ໌ກັບວີດີໂອ)


ຍານອະວະກາດໄປກັບ Enterprise ທີ່ຢອງຢູ່ເທິງເຮືອບິນໂບອິ້ງ 747 ຂະໜາດໃຫຍ່ຂອງອົງການ NASA ເດີນທາງໄປເຖິງສະໜາມບິນນາໆຊາດ JFK ທ່າມກາງການໄປຕ້ອນຮັບຂອງຝູງຊົນ (27 ເມສາ 2012)
ຍານອະວະກາດໄປກັບ Enterprise ທີ່ຢອງຢູ່ເທິງເຮືອບິນໂບອິ້ງ 747 ຂະໜາດໃຫຍ່ຂອງອົງການ NASA ເດີນທາງໄປເຖິງສະໜາມບິນນາໆຊາດ JFK ທ່າມກາງການໄປຕ້ອນຮັບຂອງຝູງຊົນ (27 ເມສາ 2012)

ຍານ​ອະ​ວະ​ກາດ​ໄປ​ກັບ Enterprise ຂອງສະຫະລັດ ໄດ້​ເດີນທາງໄປ​ເຖິງນະຄອນ New
York ຫຼັງ​ຈາກ​ໄດ້​ຂີ່​ຢູ່​ເທິງຫລັງ​ເຮືອ​ບິ​ນ​ ໂບອີ້ງຂະ​ໜາດ​ໃຫ່ຍ ຂອງອົງການ​ອະວະກາດ​ສະ
ຫະລັດ​ ຫຼື NASA ຊຶ່ງ​ເປັນ​ຍານ​ອະ​ວະ​ກາດໄປ​ກັບ ລໍາ​ທີ​ສອງ ທີ່ໄດ້​ທຳ​ການບິນໃນ​ລະຍະ​
ສອງ​ອາທິດ​ທີ່​ຜ່ານ​ມານີ້ຫຼັງ​ຈາກຍານ​ Discovery ​ໄດ້​ຖືກ​ສົ່ງ​ມາ​ຢູ່ແທນຍານ​ Enterprise
ທີ່ຫໍ​ພິພິດ​ທະພັນ​ໃນ​ເຂດນະຄອນຫລວງວໍ​ຊິງ​ຕັນ.

ອົງການ​ອະວະ​ກາດສະຫະ​ລັດໄດ້​ວາງ​ແຜນ​ຍົກຍ້າຍຍານ​ອະ​ວະ​ກາດ Enterprise ​ໃນ​ຕົ້ນ
ອາທິດ​ນີ້​ແຕ່ວ່າການ​ຂົນ​ສົ່ງ​ໄດ້​ມີ​ການ​ຊັກ​ຊ້າ​ຍ້ອນວ່າ​ດີ​ນ​ຟ້າ​ອາກາດ​ບໍ່​ອໍາ​ນວຍ.

ເຮືອບິນ​ໂບອິ້ງ​ຂະໜາດ​ໃຫ່ຍ 747 ​ໄດ້​ນໍ​າ​ເອົາ​ຍານ​ Enterprise ບິນ​ຂື້ນ​ຈາ​ກສະໜາມ​ບິນ
ນາໆ​ຊາດ Dulles ​ທີ່​ຕັ້ງຢູ່​ນອກ​ກຸງ​ວໍ​ຊິງ​ຕັນ ໃນ​ຕອນ​ເຊົ້າ​ວັນ​ສຸກວານ​ນີ້.

ດັ່ງ​ດຽວ​ກັນ​ກັບ​ຍານ Discovery ທີ່​ໄດ້​ບິນ​ຜ່ານ​ຈຸດ​ສຳຄັນ​ຕ່າງໆ​ ໃນ​ກຸງວໍ​ຊິງ​ຕັນ​ເມື່ອ​ໄວ​ໆ
ມານີ້ຍານ Enterprise ກໍ​ໄດ້​ບິນ​ຜ່ານ​ຈຸດ​ສຳຄັນໆຂອງ​ນະຄອນນິວຢອກຮວມທັງອະ​ນຸສາ​
ວະລີອິດສະຫຼະພາບ ກ່ອນ​ຈະ​ລົງສູ່​ ສະໜາມບິນນາໆ​ຊາດ John F. Kennedy ​ໃນ​ນະ
ຄອນນິວຢອກ.

ໃນ​ອີກ​ບໍ່​ດົນ​ນີ້ຍານ​ Enterprise ກໍ​ຈະ​ໄດ້​ບ່ອນຢູ່ໃໝ່ທີ່ຫໍພິພິດທະພັນ Intrepid ຫຼືຄວາມ
ກ້າຫານ​ໃນ​ການ​ເດີນ​ທະ​ເລ ການບິນ ​ແລະ​ອະວະ​ກາດ ​ໃນ​ຂະ​ນະ​ທີ່ຍານ​ Discovery ກໍາ
ລັງ​ວາງສະ​ແດງ​ ຢູ່​ທີ່​ບ່ອນຢູ່​ເກົ່າ ຄືທີ່​ສູນ​ກາງ Udvar-Hazy ຂອງຫໍ​ພິພິດ​ທະພັນການບິນ
ແລະ​ອາ​ວະ​ກາດ​ແຫ່ງ​ຊາດຂອງ​ສະຫະລັດໃນ​ເຂດຊານ​ເມືອງ​ຂອງນະຄອນຫຼວງວໍ​ຊິ​ງຕັນ.

ຍານ​ Enterprise ​ໄດ້​ໃຊ້​ທົດ​ລອງໃນ​ການບິນ​ກັບ​ຄືນ​ສູ່​ໂລ​ກ​ເທົ່າ​ນັ້ນ ແລະ​ບໍ່ເຄີຍຖືກ​ສົ່ງ​ຂື້ນ
ສູ່ອະ​ວະ​ກາດ​.

ອົງການ NASA ​ໄດ້​ປົດ​ຝູງ​ຍານ​ອະ​ວະ​ກາດ​ໄປ​ກັບ​ອອກ​ຈາກ​ປະຈຳການໃນ​ປີ​ແລ້ວ​ນີ້ ​ເພື່ອ
ເພັ່ງ​ເລັງ​ໃສ່ການ​ພັດທະນາ ຍານ​ອະ​ວະ​ກາດ​ຮຸ້ນ​ໃໝ່ ທີ່​ຈະ​ເດີນທາງໄກໄປ​ກວ່າການ​ບິນ​ໂຄ
ຈອນ​ອ້ອມໂລກ​ໃນ​ລະ ດັບ​ຕໍ່າ​ນັ້ນ.

XS
SM
MD
LG