ບັນດາສະມາຊິກສະພາສູງ ສະຫະລັດ ທ່ານ Rob Portman
ສັງກັດພັກຣີພັບບລິກັນຈາກລັດ Ohio ແລະ ທ່ານ Chris Mur-
phy ສັງກັດພັກເດໂມແຄຣັດ ຈາກລັດ New York ໄດ້ສະເໜີ
ຮ່າງກົດໝາຍສະບັບນຶ່ງ ທີ່ແນໃສ່ ເພື່ອຕໍ່ຕ້ານ ການໂຄສະນາ
ຊວນເຊື່ອຂອງ ຣັດເຊຍ ຈີນ ແລະປະເທດອຶ່ນໆ.
ອີງຕາມບັນດາຜູ້ນຳສະເໜີແລ້ວ ຮ່າງກົດໝາຍ ທີ່ຮ້ອງວ່າ “ການ
ຕໍ່ຕ້ານການໂຄສະນາຊວນເຊື່ອ ແລະໃຫ້ຂໍ້ມູນທີ່ຜິດພາດ” ແມ່ນ
ແນໃສ່ເພື່ອປັບປຸງຄວາມສາມາດຂອງສະຫະລັດໃນການຕໍ່ຕ້ານ
ການໂຄສະນາຊວນເຊື່ອ ແລະໃຫ້ຂໍ້ມູນທີ່ຜິດພາດ ຂອງຕ່າງປະ
ເທດແລະຊ່ວຍບັນດາປະຊາຄົມຢູ່ໃນປະເທດຕ່າງໆ ເພື່ອປ້ອງກັນບໍ່ໃຫ້ເຂົາເຈົ້າຕົກເປັນເຄື່ອງມືສວຍໃຊ້ຈາກຕ່າງປະເທດ.
ໃນການຖະແຫລງລະຫວ່າງກອງປະຊຸມຂອງສະພາ Atlantic ຊຶ່ງເປັນສະຖາບັນຄົ້ນຄວ້າ
ທີ່ມີຫ້ອງການຢູ່ນະຄອນຫລວງວໍຊິງຕັນ ໃນວັນພຸດທີ່ຜ່ານມານີ້ ທ່ານ Portman ກ່າວວ່າ
ທ່ານເຊື່ອວ່າ ສະຫະລັດ ບໍ່ໄດ້ດຳເນີນການຢ່າງພຽງ ພໍໃນຄວາມພະຍາຍາມທີ່ຈະຕໍ່ຕ້ານ
“ການສ້າງຄວາມບໍ່ທຸ່ນທ່ຽງ” ໂດຍການໂຄສະນາຊວນເຊື່ອ ຈາກຕ່າງປະເທດ ແລະໃຫ້ຂໍ້
ມູນທີ່ບໍ່ຖືກຕ້ອງ.
ທ່ານ Portman ກ່າວວ່າ “ໃນຂະນະທີ່ການສົນທະນາຫາລືສ່ວນໃຫຍ່ຂອງປະຊາຊົນກ່ຽວ
ກັບບັນຫາເຫລົ່ານີ້ ແມ່ນໄດ້ແນໃສ່ຄວາມຕ້ອງການຢ່າງຮີບດ່ວນໃນການຕໍ່ຕ້ານພວກຫົວ
ຮຸນແຮງຈັດ ແລະຂ້າພະເຈົ້າເຂົ້າໃຈວ່າ ຂ້າພະເຈົ້າຄິດວ່າມັນມີຄວາມສຳຄັນເທົ່າທຽມກັນ
ທີ່ຈະແກ້ໄຂການດຳເນີນຄວາມພະຍາຍາມທີ່ສະລັບຊັບຊ້ອນກວ້າງຂວາງແລະໃນລະຍະ
ຍາວ ໂດຍປະເທດຕ່າງໆ ທີ່ເສກສັນປັ້ນແຕ່ງ ແລະຄວບຄຸມຂໍ້ມູນ ເພື່ອໃຫ້ບັນລຸເປົ້າໝາຍ
ປະເທດຂອງເຂົາເຈົ້າ ທີ່ມັກຈະສ້າງຄວາມເສຍຫາຍ ໃຫ້ແກ່ພັນທະມິດສະຫະລັດ ຜົນປະ
ໂຫຍດຂອງພວກເຮົາ ຄຸນຄ່າຂອງພວກເຮົາ. ບັນດາປະເທດເຫລົ່ານີ້ ໄດ້ໃຊ້ເງິນຢ່າງຫຼວງ
ຫລາຍ ເພື່ອສ້າງຄວາມກ້າວໜ້າ ໃນດ້ານການອອກອາກາດ ແລະຄວາມສາມາດ ດ້ານສື່
ມວນຊົນໃນລະບົບ digital ທີ່ແນໃສ່ການໂຄສະນາໃຫ້ທຶນສະໜັບສະໜຸນຕໍ່ຂະບວນການ
ເຄື່ອນໄຫວທາງການເມຶອງຕ່າງປະເທດ ແລະຄວາມພະຍາຍາມອຶ່ນໆເພື່ອສ້າງອິດທິພົນຕໍ່
ບັນດາຜູ້ຊົມຜູ້ຟັງທີ່ສຳຄັນ ແລະປະຊາກອນ.”
ອີງຕາມສະມາຊິກພັກຣີພັບບລິກັນ ຈາກລັດ Ohio ລະດັບການໃຊ້ຈ່າຍຂອງ ສຽງອາເມ
ຣິກາ ແລະວິທະຍຸຢູໂຣບເສຣີ ວິທະຍຸ Liberty ທີ່ໄດ້ຮັບທຶນມາຈາກ ລັດຖະສະພາສະຫະ
ລັດນັ້ນ ແມ່ນໜ້ອຍຫລາຍ ເມື່ອປຽບທຽບໃສ່ທີ່ໂທລະພາບRT ຊຶ່ງເປັນໂທລະພາບດາວ
ທຽມ ທີ່ວັງ Kremlin ໃຫ້ທຶນສະໜັບສະໜຸນ ແລະໂທລະພາບ CCTV ຂອງລັດຖະບານ
ຈີນ.