ລິ້ງ ສຳຫລັບເຂົ້າຫາ

ວັນອາທິດ, ໑໔ ກໍລະກົດ ໒໐໒໔

ສະພາສູງ ບໍ່ສາມາດ ຮັບຜ່ານ ມາດຕະການ ຍົກເລີກ ປະກັນໄພ ສຸຂະພາບ ລາຄາຖືກ


ສະມາຊິກສະພາສູງ ພັກຣີພັບບລິກັນ ທ່ານ John McCain ຍີ້ມແຍ້ມ ທີ່ຈະໄປລົງຄະແນນສຽງ ກ່ຽວກັບປະກັນໄພສຸຂະພາບ ລາຄາຖືກ.
ສະມາຊິກສະພາສູງ ພັກຣີພັບບລິກັນ ທ່ານ John McCain ຍີ້ມແຍ້ມ ທີ່ຈະໄປລົງຄະແນນສຽງ ກ່ຽວກັບປະກັນໄພສຸຂະພາບ ລາຄາຖືກ.

ສະພາ​ສູງ​ສະຫະລັດ ບໍ່​ສາມາດ​ທີ່​ຈະ​ຮັບຮອງ​ເອົາ ການ​ຍົກ​ເລີກ​ເປັນ​ບາງສ່ວນ ປະກັນ​
ໄພ​ສຸຂະ​ພາບລາຄາ​ຖືກຫລື ACA ທີ່ມີ​ນຳ​ໃຊ້ມາ​ໄດ້​ເຈັດ​ປີ​ແລ້ວ​ນັ້ນ ຊຶ່ງຮູ້​ກັນ​ໃນ​ອີກຊື່​
ນຶ່ງ​ວ່າ Obamacare. ສະມາຊິກ​ພັກຣີພັບ​ບລິ​ກັນ​ສາ​ມທ່ານຄື ທ່ານ John McCain
ຈາກ​ລັດ Arizona ທ່ານ​ນາງ Lisa Murkowski ຈາກ​ລັດ Alaska ​ແລະ​ທ່ານ​ນາງ
Susan Collins ຈາກ​ລັດ Maine ​ໄດ້​ລົງ​ຄະ​ແນນ​ສຽງ ກັບ​ພັກ​ເດ​ໂມ​ແຄຣັດ ເຮັດ​ໃຫ້​
ຄວາມ​ພະຍາຍາມຊໍ້າ​ແລ້ວ​ຊໍ້າ​ອີກ ຂອງພັກຣີພັບ​ບລິ​ກັນ ທີ່​ຈະ​ຍົກ​ເລີກ​ປະກັນ​ໄພ​ດັ່ງ
ກ່າວປະລາ​ໄຊ​ດ້ວຍ​ຄະ​ແນນ49 ຕໍ່ 51.

ປະທານາທິບໍດີ​ ດໍ​ໂນ​ລ ທຣໍາ ​ໄດ້ກ່າວ​ຢູ່​ໃນ Twitter ​ບໍ່​ດົນຫລັງ​ຈາກ​ການ​ລົງ​ຄະແນນ​
ສຽງ ໂດຍ​ເຕືອນສະມາ ຊິກ​ພັກຣີພັບ​ບລິ​ກັນ​ ​ທີ່​ເຂົ້າ​ຂ້າງ​ກັບພັກເດ​ໂມ​ແຄຣັດ. ປະທາ
ນາທິບໍດີ​ກ່າວ​ວ່າ “ສະມາຊິກ​ພັກຣີພັບ​ບລິ​ກັນ 3 ຄົນ ​ແລະສະມາຊິກ​ພັກ​ເດ​ໂມ​ແຄຣັດ
48 ​ຄົນ ໄດ້​ປ່ອຍ​ໃຫ້ປະຊາຊົນອາ​ເມຣິກັນຜິດ​ຫວັງ. ດັ່ງ​ທີ່​ຂ້າພະ​ເຈົ້າ​ໄດ້​ເວົ້າແຕ່ເລີ່​ມຕົ້ນ
ພຸ້ນ ປ່ອຍ​ໃຫ້ Obamacare ພັງ​ທະລາ​ຍລົງ ​ຫລັງ​ຈາກ​ນັ້ນຈຶ່ງ​ຕົກລົງ​ກັນ ຖ້າ​ເບິ່ງ.”

ອັນ​ທີ່ຮ້ອງວ່າ ຮ່າງ​ກົດໝາຍ “​ຍົກ​ເລີກທີ່​ບອບ​ບາງ” ນັ້ນ ​ແມ່ນ​ຈະ​ຮວມທັງ ຍຸຕິ​ການ​ບັງ
ຄັບ​ໃຫ້​ຊາວ​ອາ​ເມຣິກັນ​ສ່ວນ​ໃຫຍ່ຊື້ປະກັນ​ໄພ​ສຸຂະພາບ ຫລື​ຈ່າຍ​ຄ່າ​ປັບໃໝ ​ແລະ​ບັນ
ດາ​ບໍລິສັດ​ທີ່​ມີ​ພະນັກງານ 50 ຄົນ ຫລື​ຫລາ​ຍກວ່າ​ນັ້ນ ​ໃຫ້ຊື້ປະກັນ​ໄພ​ແກ່​ຄົນ​ງາ​ນຂອງ​
ເຂົາ​ເຈົ້າ.

ບັນດາສະມາຊິກ​ສະພາ​ສູງ​ພັກຣີພັບ​ບລິ​ກັນ ມີ​ຄວາມຕ້ອງການ ​ມາ​ເປັນ​ເວລາ​ເຈັດ​ປີ
ແລ້ວ ທີ່ຢາກຍົກ​ເລີກ Obamacare. ຊາວ​ອາ​ເມຣິກັນປະມານ 20 ລ້ານ​ຄົນ​ໄດ້​ຮັບ
ປະກັນ​ໄພ​ສຸຂ​ະພາບ​ພາຍ​ໃຕ້ Obamacare. ຫ້ອງການ​ງົບປະມານ​ລັດຖະສະພາ​ທີ່​
ບໍ່​ເຂົ້າ​ຂ້າງ​ອອກ​ຂາ​ຝ່າຍ​ໃດ ຄາ​ດຄະ​ເນ​ຢູ່ໃນ​ການ​ຄົ້ນ​ຄວ້າວ່າ “​ການ​ຍົກເລີກ​ທີ່​ບອບ
​ບາງ” ນີ້ ຈະ​ເຮັດ​ໃຫ້ຊາວ​ອາ​ເມຣິກັນ 16 ລ້ານ​ຄົນ ​ເສຍ​ປະກັນ​ໄພ​ສຸຂະພາບ ​ແລະຄ່າ​
ປະກັນ​ໄພ​ຈະເພີ່ມຂຶ້ນ​ເຖິງ 20 ​ເປີ​ເຊັນ.

ທ່ານ McCain ​ໄດ້​ຂຽນ​ລົງ​ໃນ Twitter ວ່າ “ການ​ຍົກ​ເລີກ​ທີ່​ບອບ​ບາງ​ບໍ່​ສຳ​ເລັດເພາະ
ວ່າ ມັນ​ບໍ່​ເຖິງ​ຂີດ​ໝາຍ​ໃນການ​ໃຫ້​ຄໍາ​ໝັ້ນ​ສັນຍາ​ຂອງ​ພວກ​ເຮົາ ​ເພື່ອ​ຍົກ​ເລີກ ​ແລະ​ທົດ
​ແທນ Obamacare ​ດ້ວຍ​ການ​ປະຕິຮູບທີ່ມີ​ຄວາມ​ໝາຍ.” ຕໍ່​ມາ​ທ່ານ​ໄດ້ຂຽນ​ເພີ່ມ​ວ່າ
“ຂ້າພ​ະ​ເຈົ້າ​ຫວັງ​ວ່າ ​ພວກ​ເຮົາຈະສາມາດ​ກາງ​ຕໍ່​ອາ​ໄສໃນ​ຄວາມ​ນອບ ນ້ອມຖ່ອມ​ໂຕ
ການ​ຮ່ວມ​ມື ​ແລະ​ອາ​ໄນ​ຊຶ່ງ​ກັນ​ແລະ​ກັນ ເພື່ອຮັບ​ໃຊ້​ປະຊາຊົນ​ຜູ້​ທີ່​ເລືອກ​ເອົາ​ພວກເຮົາ.

ຜູ້ນຳ​ສະພາ​ສູງ​ສຽງ​ສ່​ວນນ້ອຍ ທ່ານ Charles Schumer ຈາກ​ລັດ New York ກ່າວ
​ວ່າ “​ເຖິງ​ເວລາ​ແລ້ວ​ທີ່​ຈະ​ເປີດ​ບົດ​ຕອນໃໝ່. ພວກ​ເຮົາ​ບໍ່​ໄດ​ພາກັນ​ສະຫລອງ. ​ແຕ່ພວກ
​ເຮົາ​ພາກັນ​ໂລ່ງ​ໃຈ.

ອ່ານຂ່າວນີ້ເພີ່ມເປັນພາສາອັງກິດ

XS
SM
MD
LG