ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ສຫລ ສົ່ງເຈົ້າໜ້າທີ່ ໄປໄນຈີເຣຍ ເພື່ອຊ່ວຍປ່ອຍ ພວກນັກຮຽນ ທີ່ຖືກລັກພາໂຕ (ວີດີໂອ)


ພວກປະທ້ວງ ພາກັນສະໜັບສະໜູນ ເດັກນ້ອຍນັກຮຽນຍິງ ທີ່ຖືກລັກພາໂຕໄປ ໂດຍກຸ່ມຫົວຮຸນແຮງ Bodo Haram ຢູ່ຕໍ່ໜ້າສະຖານທູດໄນຈີີເຣຍ ທີ່ ນະຄອນຫລວງວໍຊິງຕັນ
ພວກປະທ້ວງ ພາກັນສະໜັບສະໜູນ ເດັກນ້ອຍນັກຮຽນຍິງ ທີ່ຖືກລັກພາໂຕໄປ ໂດຍກຸ່ມຫົວຮຸນແຮງ Bodo Haram ຢູ່ຕໍ່ໜ້າສະຖານທູດໄນຈີີເຣຍ ທີ່ ນະຄອນຫລວງວໍຊິງຕັນ
ປະທານາທິບໍດີ ສະຫະລັດ ທ່ານ Barack Obama
ກ່າວ​ວ່າ ສະຫະລັດ ​ໄດ້​ສົ່ງ​ເຈົ້າໜ້າທີ່ຈຸນຶ່ງ​ໄປຍັງ​ໄນ​ຈີ
​ເຣຍ ຮວມ​ທັງ​ບັນດາຜູ້​ຊ່ຽວຊານດ້ານ​ສືບ​ລັບ ​ແລະ​ດ້ານ
ກົດໝາຍ ​ເພື່ອ​ຊ່ວຍ​ກູ້​ໄພ​ເດັກນ້ອຍ​ນັກຮຽນ​ຍິງ​ຫລາຍ​
ກວ່າ 200 ຄົນ​ທີ່​ຖືກ​ລັກພາ​ໂຕ​ໄປ​ ໂດຍພວກ​ຫົວ​ຮຸນ​
ແຮງ​ອິສລາມ.

​ໃນ​ການໃຫ້​ສຳພາດ​ກັບໂທລະພາບ AB​C ປະທານາ
ທິບໍດີ ກ່າວ​ວ່າ ນີ້​ອາດ​ຈະ​ເປັນ​ເຫດການ ​ທີ່ລະດົມກຳ
ລັງຂອງ​ໂລກ​ເພື່ອເຮັດ​ຢ່າງ​ໃດ​ຢ່າງ​ນຶ່ງຕໍ່ກຸ່ມ Boko
Haram.

ທ່ານ ​Obama ກ່າວ​ວ່າ “ຄວາມ​ຈິງ​ແລ້ວ ແມ່ນ​ສະພາບການ ທີ່​ໜ້າ​ສະຫຼົດໃຈແລະ​
ສະພາບ​ການ​ທີ່​ຮ້າຍ​ແຮງ. ພວກ​ທ່ານມີອົງການກໍ່ການຮ້າຍ​ນຶ່ງ ທີ່​ຮ້າຍ​ແຮງ​ສຸດ
ຢູ່ໃນຂົງເຂດ ຫລືໃນ​ທ້ອງ​ຖິ່ນ ໃນກຸ່ມ​ Boko Haram ຢູ່​ໃນໄນ​ຈີ​ເຣຍ. ພວກເຂົາ​
ໄດ້​ສັງຫານຜູ້ຄົນ​ຢ່າງ​ບໍ່ມີ​ຄວາມປານີ ມາ​ໄດ້​ຫລາຍ​ປີ​ແລ້ວ ​ແລະ​ພວກ​ເຮົາ​ກຳລັງ
ຊອກ​ຫາ​ຊ່ອງທາງ ເພື່ອໃຫ້ມີການ​ປະສານ​ງານ​ເພີ້ມຂຶ້ນ ກັບ​ໄນ​ຈີ​ເຣຍ.”

NIGERIA KIDNAPPINGS VOSOT
please wait

No media source currently available

0:00 0:01:31 0:00

ກຸ່ມ Boko Haram ​ໄດ້ອ້າງ​ເອົາຄວາມ​ຮັບຜິດຊອບ ໃນການລັກ​ເອົາເດັກນ້ອຍ​ນັກ
ຮຽນ​ຍິງຫລາຍ​ກວ່າ 300 ຄົນ​ໃນ​ເດືອນ​ແລ້ວ​ນີ້​ ຈາກ​ເມືອງ Chibok. ພວກ ນັກຮຽນ
ຈຳນວນ​ນຶ່ງ​ສາມາດ​ຫລົບໜີ​ອອກ​ມາໄດ້ ​ແຕ່​ວ່າ ອີກ 276 ຄົນ​ຍັງ​ຫາຍ​ສາບ​ສູນ.

ຜູ້ນຳຂອງກຸ່ມ Boko Haram ທ້າວ Abubaker Shekau ​ໄດ້​ນຳອອກເຜີຍ​ແຜ່ວີ​ດີ
​ໂອ ​ໃນ​ວັນ​ຈັນ​ທີ່​ຜ່ານ​ມາ ອ້າງ​ເອົາ​ຄວາມ​ຮັບຜິດຊອບ​ໃນການ​ລັກພາ​ໂຕ ​ແລະ​ໃຫ້​ຄຳ
​ໜັ້ນສັນຍາ​ ທີ່​ຈະ​ນຳ​ເອົາ​ພວກເດັກຍິງເຫຼົ່ານີ້ໄປ​ຂາຍ​ເປັນ​ຂ້າ​ທາດ.

ລາຍ​ງານ ​ທີ່ຍັງບໍ່ມີການຢືນຢັນກ່າວ​ວ່າ ພວກ​ເດັກນ້ອຍ​ຈຳນວນ​ນຶ່ງ ​ໄດ້​ຖືກ“​ແຕ່ງ​ງານ”
ກັບ​ພວກທີ່ຈັບເຂົາເຈົ້າໄປ​ ​ໃນ​ຂະນະ​ທີ່ຄົນອື່ນໆອາດ​ຈະ​ຖືກ​ສົ່ງ​ຂ້າມ​ຊາຍແດນ​ເຂົ້າ​ໄປ
​ສູ່ປະເທດ Camaroon ​ແລະ Chad.
Nigerians in US Rally for Kidnapped Girls Back Home
please wait

No media source currently available

0:00 0:03:00 0:00

ໃນ​ຂະນະ​ດຽວ​ກັນ ປະຊາຊົນທີ່ບ້ານ Warabe ໃນພາກ​ເໜືອ ​ຂອງ​ໄນ​ຈີເຣຍ ກ່າວ​ວ່າ
ພວກ​ມື​ປືນ​ໄດ້ບຸກເຂົ້າໄປໃນ​ບ້ານ​ເຂົາ​ເຈົ້າ ​ໃນ​ວັນ​ອາທິດ​ທີ່​ຜ່ານ​ມານີ້ ​ແລະ​ກໍໄດ້ລັກ​
ພາໂຕເອົາ​ຜູ້ຍິງ​ແປດ​ຄົນ. ​ເຂົາ​ເຈົ້າ ກ່າວວ່າ ພວກ​ຜູ້​ຊາຍຈຸນີ້​ຍັງ​ໄດ້​ລັກ​ເອົາ​ອາຫານ​ແລະ​ສັດລ້ຽງໄປນຳ.

Boko Haram ມີໝາຍ​ຄວາມ​ວ່າ “ຄວາ​ມສີວິ​ໄລ​ຂອງ​ຕາ​ເວັນ​ຕົກ ​ເປັນ​ບາບ” ​ໃນ​ພາ
ສາ Hausa. ກຸ່ມ​ດັ່ງກ່າ​ວ​ ໄດ້​ສັງຫານ​ຫລາຍ​ພັນ​ຄົນ ​ໃນ​ຄວາມ​ພະຍາຍາມ​ຈັດ​ຕັ້ງລັດ
​ອິສລາມດັ້ງເດີມຂຶ້ນ ​ຢູ່ໃນ​ພາກ​ເໜືອ ຂອງ​ໄນຈີເຣຍ​.
ເສຍໃຈ ທີ່ບໍ່ສາມາດເບິ່ງໄດ້ເທື່ອ ເວລານີ້






ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ສົດ ລາຍການວິທະຍຸ-ກະຈາຍສຽງຂອງວີໂອເອລາວ ວັນທີ 28 ມີນາ 2024

XS
SM
MD
LG