ປະທານາທິບໍດີ ບາຣັກ ໂອບາມາ ແຫ່ງສະຫະລັດ ໄດ້ອະນຸມັດ
ເງິນຊ່ອຍເຫຼືອດ້ານທະຫານ ຈຳນວນ 10 ລ້ານດອນລາ ເພື່ອ
ຊ່ວຍຝຣັ່ງໃນການຕໍ່ສູ້ກັບພວກກໍ່ການຮ້າຍໃນຂົງເຂດ Sahel
ໃນອາຟຣິກາຕາເວັນຕົກນັ້ນ.
ຈາກບ່ອນພັກຜ່ອນຂອງທ່ານເລາະແຄມມະຫາສະມຸດອັດລັງຕິກທ່ານໂອບາມາ ກ່າວ
ໃນວັນຈັນວານນີ້ວ່າ “ສະຖານະການສຸກເສີນທີ່ມອງບໍ່ເຫັນມາກ່ອນເກີດຂຶ້ນ” ທີ່ຕ້ອງການການຊ່ອຍເຫຼືອແກ່ຝຣັ່ງ ໃນຂະນະທີ່ພວມທຳການຕໍ່ສູ້ກັບ “ພວກຫົວຮຸນ
ແຮງຈັດ” ໃນມາລີ Niger ແລະ Chad ນັ້ນ.
ເງິນຊ່ອຍເຫຼືອດັ່ງກ່າວຈະຖືກນຳໃຊ້ໃນການຂົນສົ່ງທາງອາກາດ ແລະການເຕີມນ້ຳມັນ
ໃສ່ເຮືອບິນເທິງອາກາດຂອງຝຣັ່ງ.
ເປັນເວລານຶ່ງປີປາຍຜ່ານມາ ຝຣັ່ງໄດ້ເລີ້ມການປະຕິບັດງານທາງທະຫານ ທີ່ມາລີ ທີ່ມີວັດຖຸປະສົງເພື່ອເອົາຊະນະພວກຫົວຮຸນແຮງອິສລາມ ທີ່ໄດ້ເຂົ້າຍຶດເອົາພາກສ່ວນນຶ່ງອະດີດຫົວເມືອງຂຶ້ນຂອງຝຣັ່ງ. ມາບັດນີ້ ດ້ວຍກຳລັງທະຫານ 3 ພັນຄົນ ຝຣັ່ງໄດ້ຂະ
ຫຍາຍການປະຕິບັດງານຂອງຕົນອອກໄປໃນທົ່ວຂົງເຂດ ຮວມທັງໃນ Mauritania
ແລະ Burkina Faso.
