ສະພາສູງສະຫະລັດ ຄາດວ່າ ຈະຈັດການທົດລອງລົງຄະແນນ
ສຽງໃນ ຕອນແລງວັນພຸດມື້ນີ້ ກ່ຽວກັບວ່າ ຈະມີການຈຳກັດຢ່າງ
ເຄັ່ງຄັດ ບໍ່ໃຫ້ອາເມຣິກາ ຮັບເອົາອົບພະຍົບຈາກຊີເຣຍ ແລະ
ອີຣັກ ເພາະວ່າ ຍັງມີການສືບຕໍ່ຢ້ານກົວວ່າ ກຸ່ມລັດອິສລາມ
ແລະກຸ່ມກໍ່ການຮ້າຍອື່ນໆອາດ ແຊກຊຶມ ປະປົນຢູ່ກັບພວກທີ່
ໄດ້ຫລົບໜີ ຫລາຍລ້ານຄົນ ຈາກຄວາມ ຮຸນແຮງ ແລະໂຫດ
ຮ້າຍ ຢູ່ໃນປະເທດຂອງພວກເຂົາເຈົ້າ.
ບັນດາສະມາຊິກສະພາຕໍ່າ ໄດ້ຮັບຜ່ານມາດຕະການດັ່ງກ່າວ
ໃນທ້າຍປີກາຍນີ້ດ້ວຍການສະໜັບສະໜູນຈາກທັງສອງພັກ
ການເມືອງ ໃນຂະນະ ທີ່ໂລກໄດ້ຕື່ນຕົກໃຈໃນໂຈມຕີທີ່ໄດ້ຮັບ
ແຮງດົນໃຈຈາກກຸ່ມລັດອິສລາມ ຢູ່ນະຄອນປາຣີ ປະເທດຝຣັ່ງ.ທັງໝົດນີ້ ຈະຕ້ອງໄດ້ຮັບ
ການຢັ້ງຢືນ ຈາກອົງການສັນຕິບານກາງ FBI ກະຊວງຮັກສາຄວາມປອດໄພພາຍໃນ
ຂອງສະຫະລັດ ແລະຫົວໜ້າສືບລັບແຫ່ງຊາດວ່າ ພວກອົບພະຍົບເຫລົ່ານີ້ ບໍ່ມີຄວາມ
ສ່ຽງຕໍ່ຄວາມປອດໄພກ່ອນທີ່ເຂົາເຈົ້າຈະໄດ້ຮັບການ ອະນຸມັດໃຫ້ເຂົ້າມາລີ້ໄພ ຢູ່ໃນ
ສະຫະລັດ.
ຜູ້ນຳສຽງສ່ວນຫລາຍ ໃນສະພາສູງ ທ່ານ Mitch McConnell ທີ່ສັງ ກັດພັກຣີພັບບລິ
ກັນ ກ່າວວ່າ “ເປັນທີ່ແຈ້ງຂາວວ່າ ຊາວອາເມຣິກັນຫລາຍຄົນມີຄວາມເປັນຫ່ວງ ກ່ຽວ
ກັບຄວາມສາມາດຂອງລັດຖະບານ ທີ່ຈະກວດກາສ່ວນບຸກຄົນຫລາຍພັນຄົນຈາກຊີເຣຍ
ແລະອີຣັກ. ຊາວອາເມຣິກັນ ສົມຄວນໄດ້ຮັບຂັ້ນຕອນການກວດກາ ທີ່ເຂົາເຈົ້າມີຄວາມ
ເຊຶ່ອໝັ້ນ.”
ທ່ານ KMcConnell ກ່າວເພີ້ມອີກວ່າ “ການຄຸ້ມຄອງ ເພື່ອຄັດເລືອກ ບໍ່ໃຫ້ພວກເປັນໃຈ
ກັບກຸ່ມລັດອິສລາມເລັດລອດໄດ້ ສາມາດຊ່ວຍຄໍ້າປະ ກັນອົບພະຍົບທີ່ແທ້ຈິງ ທີ່ເຂົ້າມາ
ສູ່ປະເທດຂອງພວກເຮົາ ຈະບໍ່ໄດ້ຮັບ ການກີດກັນແບບບໍ່ທ່ຽງທຳ. ປະຊາຊົນອາເມຣິກັນ
ພາກັນມີຄວາມເປັນຫ່ວງ ແລະເຂົາເຈົ້າພາກັນແນມຫາພວກເຮົາເປັນຜູ້ນຳພາ ດ້ວຍ
ຄວາມປອດໄພ ແລະດ້ວຍຄວາມເຫັນອົກເຫັນໃຈ.”
ທຳນຽບຂາວ ກ່າວວ່າ ຮ່າງກົດໝາຍນີ້ ບໍ່ມີຄວາມຈຳເປັນ ໃນເມື່ອວ່າພວກອົບພະຍົບ
ໄດ້ຢູ່ພາຍໃຕ້ການກວດກາຢ່າງລະອຽດຢູ່ແລ້ວ ທີ່ຈະໃຊ້ເວລາຍາວນານເຖິງສອງປີ.
ນອກນັ້ນທຳນຽບຂາວ ຍັງໂຕ້ຖຽງວ່າ ມາດຕະການນີ້ ຈະມີຜົນໃນທາງກົງກັນຂ້າມ
ທຳລາຍພາບພົດຂອງອາ ເມຣິກາ ຢູ່ໃນຕ່າງປະເທດ ແລະເປັນເຄື່ອງມືໃນໂຄສະນາ
ຊວນເຊື່ອໃຫ້ແກ່ກຸ່ມລັດອິສລາມ.