ລິ້ງ ສຳຫລັບເຂົ້າຫາ

ສະພາສູງ ສຫລ ຮັບຜ່ານ ຮ່າງກົດໝາຍ ຄົນເຂົ້າເມືອງ (ວີດີໂອ)


ສະພາ​ສູງສະຫະລັດ ​ໄດ້ຮັບ​ຜ່ານ​ຮ່າງ​ກົດໝາຍ​ການປະຕິ​ຮູບ​
ດ້ານ​ຄົນ​ເຂົ້າ​ເມືອງ ທີ່​ຈະ​ເປີດ​ຫົນ​ທາງ​ໃຫ້​ພວກ​ຄົນ​ເຂົ້າ​ເມືອງທີ່
​ບໍ່​ມີ​ເອກ​ກະສາ​ນ ຈຳນວນ 11 ລ້ານ​ຄົນ ມີ​ໂອກາດ​ໄດ້​ຮັບ​ສັນ
ຊາດ​ອາ​ເມຣິກັນ.

ການ​ລົງ​ຄະ​ແນນ​ສຽງ​ໃນ​ວັນ​ພະຫັດ​ມື້ວານ​ນີ້ ​ແມ່ນ 68 ຕໍ່ 32.
ຮ່າງ​ກົດ​ໝາຍ​ສະບັບ​ນີ້ ຈະ​ອະນຸຍາດ​ໃຫ້ພວກ​ຄົນ​ຕ່າງ​ດ້າວ 11
ລ້ານ​ຄົນ ​ທີ່ເຂົ້າ​ມາຢູ່ສະຫະລັດແບບ​ຜິດ​ກົດໝາຍ ​ໄດ້​ຢູ່​ໃນ​ປະ​
ເທດນີ້ຕໍ່​ໄປ ໂດຍຈະ​ໃຫ້ພວກເຂົາ​ ເຈົ້າ​ ມີ​ໂອກາດໄດ້​ຮັບສັນຊາດ.

​ໃນ​ຂະນະ​ດຽວກັນ ການ​ປະຕິ​ຮູບ​ແມ່ນ​ຮຽກຮ້ອງ​ໃຫ້ມີ​ການ​ຮັກສາ​ຄວາມ​ປອດ​ໄພຢ່າງ​ເຄັ່ງ​ຄັດຂຶ້ນກວ່າ​ເກົ່າຢູ່​ຕາມ​ຊາຍ​ແດນພາກ​ໃຕ້ທີ່ກັບປະ​ເທດເມັກຊິ​ໂກ ​ໂດຍ​ ການ​ເພີ້​ມ​ເຈົ້າ​ໜ້າ​ທີ່​ຮັກສາ​ຊາຍ​ແດນ​ຫລາຍ​ກວ່າ 20.000 ຄົນ ​ແລະສ້າງ​ຮົ້ວ​ໃໝ່​ຍາວ​ເຖິງ 1,100 ກິ​ໂລ​ແມັດ.

​ປະທານາທິບໍດີ Barack Obama ​ໄດ້​ສະໜັບສະໜຸນ​ຮ່ຕໍ່າງ​ກົດໝາຍ​ຄົນ​ເຂົ້າ ​ເມືອງ​ສະບັບ​ນີ້ ​ໂດຍຮ້ອງການ​ລົງ​ຄະ​ແນນ​ສຽງ​ຂອງສະພາ​ສູງ ໃນ​ວັນ​ພະຫັດ ວານ​ນີ້​ວ່າ ​ເປັນ​ບາດກ້າວ​ທີ່​ສໍາຄັນ​ທີ່​ສຸດ ທີ່​ໃກ້ຈະ​ປົວ​ແປງ ​ໃນອັນ​ທີ່​ທ່ານເວົ້າວ່າ ​ເປັນ​ລະບົບ​ທີ່​ຫັກ​ພັງນັ້ນ. ​ແຕ່ຮ່າງ​ກົດ​ໝາຍນີ້ ກ່ອນ​ອື່ນ​ໝົດ ​ຕ້ອງ​ໄດ້​ຖືກ​ສົ່ງ​ໄປ ຍັງສະພາ​ຕໍ່າ ຊຶ່ງ​ການ​ຮັບ​ຜ່ານ​ແມ່ນ​ຍັງບໍ່​ແນ່​ນອນ​ເທື່ອ.

ບັນດາ​ສະມາຊິກ​ສະພາພັກ​ຣີພັບ​ບລິ​ກັນ ນິຍົມ​ແນວທາງເດີມ ​ໄດ້ຄັດຄ້ານ​ຕໍ່ອັນ ທີ່​ເຂົາ​ເຈົ້າເອີ້ນ​ວ່າ ​ເປັນ​ການໃຫ້​ອະ​ໄພໂທດ​ໃຫ້​ແກ່​ພວກ​ທີ່​ລະ​ເມີດກົດໝາຍ.
XS
SM
MD
LG