ລິ້ງ ສຳຫລັບເຂົ້າຫາ

logo-print

ສະພາສູງ ອາດຈະ ລົງ​ຄະ​ແນນສຽງ ຮອບສຸດ​ທ້າຍ ຮັບ​ຮອງເອົາ ​ການ​ແຕ່ງ​ຕັ້ງ​ ທ. ຄາແວນໍ ເປັນຜູ້ພິພາກສາ ສານສູງສຸດ ໃນ​ມື້​ວັນ​ເສົາ


ນາງ Charlotte Peterson (ກາງ) ຈາກ​ເມືອງວູດບ​ຣີດ​ຈ໌, ລັດ​ເວີ​ຈີ​ເນຍ ເດີນ​ຂະ​ບວນ​ຢູ່ນອກ​ຫ້ອງ​ການ​ສານ​ສູງ​ສຸດ ທີ່​ນະ​ຄອນ​ຫລວງ ວໍ​ຊິງ​ຕັນ ເພື່ອ​​ຄັດ​ຄ້ານ​ການ​ສະເໜີ ເພື່ອ​ແຕ່ງ​ຕັ້ງ​ ທ່ານແບຣັດ ຄາແວນໍ ໃຫ້ເຂົ້າກຳ​ຕຳ​ແໜ່ງຜູ້ພິພາກ ສາສານສູງສຸດ ສະຫະລັດ ໃນ​ວັນ​ທີ 3 ຕຸ​ລາ 2018.

​ການ​ສະເໜີເພື່ອ​ແຕ່ງ​ຕັ້ງ​ ທ່ານແບຣັດ ຄາແວນໍ ໃຫ້ເຂົ້າກຳ​ຕຳ​ແໜ່ງຜູ້ພິພາກ ສາສານ
ສູງສຸດສະຫະລັດ ທີ່​ຍັງ​ຫວ່າງ​ຢູ່ນັ້ນ ກຳ​ລັງຄືບ​ໜ້າກ້າວໄປ​ຫາ​ການ​ລົງ​ຄະ​ແນນ​ສຽງ
​ຮອບ​ຕັດ​ສິນ​ຊີ້​ຂາດ​ ໃນ​ວັນ​ເສົາ ​ທີ່​ຈະ​ມາ​ເຖິງນີ້.

ແຕ່​ວ່າ ກ່ອນ​ອື່ນ​ໝົດ ຄາດ​ກັນ​ວ່າ ບັນ​ດາສະມາຊິິກສະພາສູງຈະ​ກວດ​ເບິ່ງ​ບົດ​ລາຍ​ງານ​ຂອງອົງການສັນຕິບານກາງຫຼື FBI ໃນ​ວັນ​ພະ​ຫັດ​ມື້ນີ້ກ່ຽວ​ກັບເລື້ອງ ກ່າວຫາທ່ານ ຄາ
ແວນໍ ວ່າ ​ທ່ານລວນລາມທາງເພດແມ່​ຍິງ​ຄົນ​ນຶ່ງໃນສະ​ໄໝ​ທີ່​ພວກ​ເພິ່ນ​ເປັນ​ໄວ​ໜຸ່ມໄວ​
ສາວ​ຢູ່ ແລະ​ການກ່າວ​ຫາ​ວ່າ ທ່ານ​ໄດ້​ເປືອຍ​ກາຍໃຫ້​ແມ່​ຍິງ​ອີກ​ຄົນ​ນຶ່ງ ເບິ່ງ​ໃນ​ເວ​ລາ​ທີ່​
ທ່ານ​ເຂົ້າ​ຮຽນ​ໃນ​ມະ​ຫາ​ວິ​ທະ​ຍາ​ໄລ ປີ​ທຳ​ອິດ.

ທ່ານຄາແວນໍ ໄດ້​ປະ​ຕິ​ເສດ​ຕໍ່​ການ​ກ່າວ​ຫາເຫລົ່າ​ນັ້ນ.

ສິ່ງ​ທີ່ມັກ​ເຮັດ​ໃຫ້​ມີ​ການ​ສູ້​ຢັນ​ກັນ​ຢ່າງ​ແຮງ​ກ່ຽວ​ກັບ​ການ​ແຕ່ງ​ຕັ້ງ​ຜູ້ເຂົ້າ​ໄປ​ກຳ​ຕຳ​ແໜ່ງ​ສານ
​ທີ່​ມີ​ສະ​ມາ​ຊິກ 9 ທ່ານ ຕະ​ຫລອດ​ຊີ​ວິດນັ້ນ ໄດ້​ເຮັດ​ໃຫ້​ເກີດ​ການ​ແບ່ງ​ແຍກ​ກັນ ​ໃນ​ສະ​ພາ​
ສູງ​ ທີ່​ມີສະມາຊິິກສະພາສ່ວນ​ໃຫຍ່​ ມາ​ຈາກພັກຣີພັບ ບລີກັນ ທີ່​ກ່າວ​ຫາ​ສະ​ມາ​ຊິກ​ພັກ​ເດ
​ໂມ​ແຄ​ຣັດ​ວ່າ ເຮັດ​ໃຫ້​ມີ​ການແກ່​ຍາວ​ເວ​ລາ ອອ​ກ​ໄປ​ ໂດຍບໍ່​ຈຳ​ເປັນ ໃນ​ຂະ​ນະ​ທີ່ພວກ​ສັງ
​ກັດ​ພັກ​ເດ​ໂມ​ແຄ​ຣັດກັບ​ເວົ້າ​ວ່າ ພວກ​ສັງກັດພັກຣີພັບບລີກັນ ຟ້າວ​ເລັ່ງ​ລັດ​ ຮັບ​ຮອງ​ເອົາ
​ການ​ແຕ່ງ​ຕັ້ງ​ທ່ານຄາ​ແວ​ນໍໂດຍ​ປາດ​ສະ​ຈາກ​ການ​ພິ​ຈາ​ລະ​ນາ​ຢ່າງ​ຖີ່​ຖ້ວນ​ຕໍ່​ການ​ກ່າວ​ຫາ
ຕ່າງໆ ​ທີ່​ມີ​ຕໍ່​ທ່ານ.

ທ່ານ​ຊັກ ແກ​ຣັ​ສ​ລີ ປະ​ທານ​ຄະ​ນະ​ກຳ​ມະ​ການ​ຕຸ​ລາ​ການ​ ຂອງ​ສະ​ພາ​ສູງ ກ່າວ​ໃນ​ຕອນ
​ເຊົ້າ​ວັນ​ພະ​ຫັດ​ມື້ນີ້​ວ່າ ທາງ​ຄະ​ນະ​ກຳ​ມະ​ການ​ໄດ້​ຮັບ​ລາຍ​ງານ​ການ​ສືບສວນ​ຂອງ​ອົງ
​ການ FBI ແລ້ວ ຊຶ່ງ​ທ່ານ​ເອງ ແລະ​ຜູ້​ນຳ​ຂອງ​ພັກ​ເດ​ໂມ​ແຄ​ຣັດ ທ່ານ​ນາງ​ໄດ​ແອນ ໄຟ​
ນ​ສ​ໄຕ​ນ໌ ໄດ້​ຕົກລົງ​ກັນ​ກ່ຽວ​ກັບ​ຂັ້ນ​ຕອນ​ການ​ແລກ​ປ່ຽນເພື່ອ​ໃຫ້​ສະ​ມາ​ຊິກ​ຈາກ​ທັງ​ສອງ
​ພັກ​ການ​ເມືອງໄດ້ເບິ່ງ​ຂໍ້​ມູນ​ເຫຼົ່າ​ນີ້​ແບບ​ເທົ່າ​ທຽມ​ກັນ.

ບົດ​ລາຍ​ງານຂອງອົງການ FBI ເປັນ​ເລື້ອງ​ທີ່​ຕ້ອງ​ຮັກ​ສາ​ ໃຫ້​ເປັນ​ຄວາມ​ລັບ ແລະພວກ
​ສະມາ​ຊິກ​ສະ​ພາ​ສູງ ຕ້ອງ​ໄດ້​ອ່ານ​ບົດ​ລາຍ​ງານ​ດັ່ງ​ກ່າວ ຢູ່​ໃນ​ຫ້ອງ ທີ່​ໄດ້​ຮັບ​ການ​ປ້ອງ
​ກັນ​ຄວາມປອດ​ໄພ ​ແບບ​ພິ​ເສດ ຢູ່​ໃນ​ຕຶກ​ລັດ​ຖະ​ສະ​ພາ. ຍັງ​ບໍ່​ມີ​ໃຜ​ຮູ້​ເທື່ອ​ວ່າ ເອ​ກະ​ສານ
​ອັນ​ໃດຈະ​ຖືກ​ເປີດ​ເຜີຍ​ໃຫ້ປະ​ຊາຊົນ​ຮູ້ ຖ້າ​ຫາກວ່າ ມີ​ການ​ເປີດ​ເຜີຍ​ເອ​ກະ​ສານ​ເຫລົ່າ​ນັ້ນ.

ທ່ານ ມິ​ຈ ແມັກ​ຄອນ​ແນ​ລ, ຜູ້​ນຳ​ສຽງ​ສ່ວນ​ຫລາຍ ​ສັງ​ກັດ​ພັກ​ຣີ​ພັບ​ບ​ລິ​ກັນ ຢູ່​ສະ​ພາ​ສູງ
ທ່ານ ມິ​ຈ ແມັກ​ຄອນ​ແນ​ລ, ຜູ້​ນຳ​ສຽງ​ສ່ວນ​ຫລາຍ ​ສັງ​ກັດ​ພັກ​ຣີ​ພັບ​ບ​ລິ​ກັນ ຢູ່​ສະ​ພາ​ສູງ

ທ່ານ ມິ​ຈ ແມັກ​ຄອນ​ແນ​ລ ​ໄດ້​ໃຫ້​ສັນ​ຍາໃນຕອນ​ແລງວັນ​ພຸດ​ວານນີ້​ວ່າ ສະ​ມາ
ຊິກສະ​ພາ​ສູງຈະ​ໃຊ້​ເວ​ລາ​ທົບ​ທວນ​ເບິ່ງ​ເນື້ອ​ໄນ​ຂອງ​ລາຍ​ງານ ກ່ອນ​ທີ່​ຈະ​ມີ​ການ
​ອະ​ພິ​ປາຍ​ແລະລົງ​ຄະ​ແນນ​ສຽງ​ຢ່າງວ່ອງ​ໄວ ເພື່ອ​ຍຸ​ຕິ​ການ​ອະ​ພິ​ປາຍ​ກ່ຽວ​ກັບ​ຮັບ
ຮອງ​ເອົາ​ທ່ານ​ຄາ​ແວ​ນໍ. ຂັ້ນ​ຕອນ​ການ​ລົງ​ຄະ​ແນນ​ສຽງ​ດັ່ງ​ກ່າວ​ອາດ​ຈະ​ມີ​ຂຶ້ນໃນ
ຕອນ​ເຊົ້າ​ວັນ​ສຸກມື້​ອື່ນ ແລະ​ອາດ​ຈະ​ກຳ​ນົດ​ການ​ລົງ​ຄະ​ແນນ​ສຽງ​ຂັ້ນ​ສຸດ​ທ້າຍ​ໃສ່
ມື້​ວັນ​ເສົາ.

ໂຄ​ສົກ​ປະ​ຈຳ​ທຳ​ນຽບ​ຂາວ ທ່ານ ຣາ​ຊ ຊາ​ຈ໌ ກ່າວ​ວ່າ ພາຍ​ຫລັງ​ທີ່ “ມີ​ການ​ທົບ​ທວນ
​ການ​ສະ​ເໜີ​ແຕ່ງ​ຕັ້ງ ບຸກ​ຄົນ​ທີ່​ຈະ​ເປັນ ຜູ້ພິພາກສາສານສູງສຸດສະຫະລັດ ຢ່າງ​ຖີ່​
ຖ້ວນທີ່​ສຸດ​ໃນ​ປະ​ຫວັດ​ສາດ​ແລ້ວ,” ທຳ​ນຽບ​ຂາວ “ແມ່ນມີ​ຄວາມ​ໝັ້ນ​ໃຈ​ຢ່າງ​ເຕັມ
​ປ່ຽມວ່າ” ທ່ານ​ ຄາ​ແວ​ນໍ ຈະ​ໄດ້ຖືກ​ຮັບ​ຮອງ​ເອົາ.

ອ່ານ​ຂາວນີ້​ເພີ້ມ​ເປັນ​ພາ​ສາ​ອັງ​ກິດ

XS
SM
MD
LG