ສະພາສູງສະຫະລັດ ໄດ້ໃຫ້ການຮັບຮອງເອົາຢ່າງເປັນເອກກະ
ສັນ ຕໍ່ ການແຕ່ງຕັ້ງ ນັກການທູດອາຊິີບ ທ່ານ Scot Alan
Marciel ໃຫ້ເຂົ້າຮັບຕຳແໜ່ງເປັນ ເອກອັກຄະລັດຖະທູດສະຫະ
ລັດ ປະຈຳມຽນມາ.
ການລົງຄະແນນສຽງ ໃນວັນອັງຄານວານນີ້ ດ້ວຍຄະແນນ 90 ຕໍ່
0 ໄດ້ຍົກລະດັບ ທ່ານ Marciel ຈາກຕຳແໜ່ງລັດຖະມົນຕີຊ່ວຍ
ວ່າການ ກະຊວງການຕ່າງປະເທດຮັບຜິດຊອບກິດຈະການເອ
ເຊຍຕາເວັນອອກ ຊຶ່ງເປັນໜ້າທີ່ ທີ່ທ່ານໄດ້ກຳມາ ແຕ່ປີ 2013.
ທ່ານ Marciel ຈະເຂົ້າຮັບໜ້າທີ່ ເປັນເອກອັກຄະລັດຖະທູດ ແທນ
ທ່ານ Derek Mitchell ທີ່ເຄີຍຮັບແໜ່ງທູດຢຸູ່ຫວຽດນາມ ຟິລິບປີນ ອິນໂດເນເຊຍ ເທີກີ ແລະບຣາຊິລມາແລ້ວ.
ປະທານາທິບໍດີ Obama ໄດ້ສະເໜີແຕ່ງຕັ້ງທ່ານ Marciel ໃນເດືອນຕຸລາຜ່ານມາ. ການຮັບຮອງເອົາການແຕ່ງຕັ້ງທ່ານໂດຍສະພາສູງ ໄດ້ເຮັດໃຫ້ຄວາມເປັນຫ່ວງຂອງລັດຖະສະ
ພາ ຢຸດລົງເປັນເວລາສັ້ນໆ ທີ່ ຢ້ານວ່າທຳນຽບຂາວ ອາດຈະຜ່ອນຜັນການລົງໂທດທາງ
ເສດຖະກິດທີ່ມີມາເປັນເວລາດົນນານຕໍ່ມຽນມາ ກ່ອນທີ່ປະເທດດັ່ງກ່າວໄດ້ປະຕິບັດຕາມ
ຄຳໝັ້ນສັນຍາຂອງຕົນຢ່າງເຕັມທີ່ ທີ່ຈະປັບປຸງສະພາບການເຄົາ ລົບນັບຖືສິດທິມະນຸດ
ຢູ່ພາຍໃນປະເທດ.
ແຕ່ວ່າໃນວັນອັງຄານວານນີ້ ຜູ້ນຳສຽງສ່ວນຫລາຍໃນສະພາສູງ ທ່ານ Mitch
McConnell ໄດ້ສັນລະເສີນ ການຮັບໃຊ້ຂອງທ່ານ Mitchell ແລະຍິນດີຕ້ອນຮັບ ການ
ເຂົ້າຮັບໜ້າທີ່ໃໝ່ຂອງ ທ່ານ Marciel.