ລິ້ງ ສຳຫລັບເຂົ້າຫາ

logo-print

ປ. ໂອບາມາ ລົງນາມ ໃນຮ່າງກົດໝາຍ ຍຸຕິການເກັບກຳຂໍ້ມູນ ສະຫະລັດ


US Surveillance
please wait
Embed

No media source currently available

0:00 0:02:23 0:00

ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ລົງນາມ
ໃນຮ່າງກົດໝາຍ ທີ່ເຮັດໃຫ້ ການເກັບກຳຂໍ້ມູນການສົນທະນາ
ທາງໂທລະສັບຂອງລັດຖະບານສະຫະລັດ ເພື່ອປ້ອງກັນ ການໂຈມຕີຂອງພວກກໍ່ການຮ້າຍນັ້ນ ສິ້ນສຸດລົງ.

ທ່ານ ໂອບາມາ ໄດ້ກ່າວວ່າ ກົດໝາຍໃໝ່ນີ້ຈະປົກປ້ອງຄຸ້ມຄອງ
ທັງສິດທິພົນລະເຮືອນ ແລະ ຄວາມປອດໄພແຫ່ງຊາດ.

ໃນຕອນເຊົ້າວັນອັງຄານວານນີ້ ສະພາສູງໄດ້ຮັບຜ່ານຮ່າງກົດ
ໝາຍດັ່ງກ່າວ ດ້ວຍຄະແນນ 67-32 ສຽງ. ກ່ອນໜ້ານີ້ ທາງ
ສະພາຕ່ຳກໍໄດ້ຮັບຜ່ານຮ່າງກົດໝາຍນີ້ແລ້ວ.

ພາຍໃຕ້ກົດໝາຍໃໝ່ນີ້ ບັນດາບໍລິສັດໂທລະສັບຂອງສະຫະລັດ ແລະບໍ່ແມ່ນຫ້ອງການຮັກ ສາຄວາມປອດໄພແຫ່ງຊາດ ຈະເປັນຜູ້ເກັບກຳແລະຮັກສາຂໍ້ມູນການສົນທະນາທາງໂທລະ
ສັບຂອງຊາວອະເມຣິກັນ. ຄະນະສືບສວນຂອງລັດຖະບານກາງສະຫະລັດຈະຕ້ອງໄດ້ຮັບ
ຄຳສັ່ງຈາກສານ ຈຶ່ງຈະກວດສອບເບິ່ງບັນທຶກຂໍ້ມູນເຫລົ່ານັ້ນໄດ້ ຖ້າເຂົາເຈົ້າສົງໄສວ່າຜູ້ໃດ ຜູ້ນຶ່ງຫາກຕິດຕໍ່ກັບພວກກໍ່ການຮ້າຍ ທີ່ເຈົ້າໜ້າທີ່ຮູ້ຈັກຢູ່ແລ້ວ.

ລັດຖະບານເລີ້ມເກັບກຳຂໍ້ມູນບັນທຶກຂອງນ້ຳເບີໂທລະສັບຕ່າງໆ ແຕ່ບໍ່ແມ່ນເນື້ອໄນ​ຂອງ
ການສົນທະນາ ນັບຕັ້ງແຕ່ວັນທີ 11 ກັນຍາ ປີ 2001 ເປັນຕົ້ນມາ ຫຼັງຈາກການໂຈມຕີ
ຂອງພວກກໍ່ການຮ້າຍໃສ່ນະຄອນ New York ​ແລະ​ນະຄອນຫຼວງ Washington.

ບັນດານັກວິຈານ ໄດ້ກ່າວວ່າ ໂຄງການດັ່ງກ່າວແມ່ນເປັນການລ່ວງລະເມີດຂອງລັດຖະ​ບານ
ຕໍ່ສິດເສລີພາບຂອງສ່ວນບຸກຄົນ ຍ້ອນວ່າ ມີຊາວອາເມຣິກັນຈຳນວນຫຼາຍລ້ານຄົນ ທີ່ໂທລະ
ສັບໄດ້ຖືກກວດສອບ ແຕ່ບໍ່ໄດ້ມີການພົວພັນກັບພວກກໍ່ການຮ້າຍເລີຍ.

ກົດໝາຍທີ່ອະນຸມັດໃຫ້ລັດຖະບານສາມາດສອດແນມເບິ່ງການໂທລະສັບທີ່ວ່ານີ້ໝົດອາຍຸລົງ
ໃນສັບປະດານີ້. ກົດໝາຍໃໝ່ນີ້ ແມ່ນເປັນການຜ່ອນສັ້ນຜ່ອນຍາວ ເຖິງແມ່ນວ່າ ຄະນະສະ
ມາຊິກສະພາຈາກທັງສອງພັກ ກ່າວວ່າ ລະບົບໃໝ່ນີ້ຈະມີການຄ້ຳປະກັນນ້ອຍລົງ ແລະເອົາ
ເຄື່ອງມືທີ່ສຳຄັນໃນການຕໍ່ສູ້ຕ້ານພວກກໍ່ການຮ້າຍ ໄປຈາກໜ້າທີ່ຂອງລັດຖະບານກາງ ກໍຕາມ.

ເລິ່ງວີດີໂອຈາກນັກຂ່າວ VOA: Zlatica Hoke:

US Senate Ends Government Collection of Phone Records
please wait

No media source currently available

0:00 0:02:03 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG