ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ສະຫະລັດ ມອງເຫັນວ່າ ກຸ່ມລັດອິສລາມ ພວມຂະຫຍາຍ ສາຂາອອກໄປ


ຮູບພາບໂຄສະນາຊວນເຊື່ອຂອງກຸ່ມລັດອິສລາມ ທີ່ນຳອອກເຜີຍແຜ່ໂດຍສື່ Welayat Tarablos
ຮູບພາບໂຄສະນາຊວນເຊື່ອຂອງກຸ່ມລັດອິສລາມ ທີ່ນຳອອກເຜີຍແຜ່ໂດຍສື່ Welayat Tarablos

ການ​ຂົ່ມຂູ່ຂອງ​ພວກ​ກໍ່​ການ​ຮ້າຍ​ຢູ່​ໃນ​ທົ່ວ​ໂລກ ກຳລັງກະ​ຈາ​ຍອຳນາດອອກໄປຫລາຍ ຂຶ້ນນັບ​ມື້ ​ໂດຍທີ່​ບັນດາກຸ່ມຕ່າງໆເຊັນ​ວ່າລັດ​ອິສລາມ ກຳລັງຂະຫຍາຍ​ສາຂາ​ເຂົ້າ​ໄປ​ສູ່ ຫຼາຍໆຂົງ​ເຂດ ຮວມ​ທັງ​ເຂດເອ​ເຊຍ​ອາຄະ​ເນ ​ເຂດ​ພູ Caucasus ​ໃນພາກ​ເໜືອ​ຂອງ ຣັດ​ເຊຍ ​ແລະເຂດອາ​ຟຣິກາ ອີງ​ຕາມ​ບົດ​ລາຍ​ງານ​ປະ ຈຳປີ​ຂອງກະຊວງ​ຕ່າງປະ​ເທດ​ ສະຫະລັດ.

​ໃນ​ຂະນະ​ທີ່ ກຸ່ມ al-Qaida ກຸ່ມ Boko Haram ​ແລະກຸ່ມ al-Shabab ຍັງສືບ​ຕໍ່​ທຳ ການ​ໂຈມ​ຕີ ​ເພື່ອ​ສ້າງ​ຄວາມ​ບໍ່​ມີ​ຄວາມ​ທຸ່ນ​ທ່ຽງຢູ່​ນັ້ນ ກະຊວງ​ຕ່າງປະ​ເທດ​ກ່າວ​ວ່າ ກຸ່ມ ລັດ​ອິສລາມ ຫລື IS ຍັງ​ສືບ​ຕໍ່​ເປັນ​ໄພ​ຂົ່ມຂູ່ ​ທີ່​ຮ້າຍ​ແຮງທີ່​ສຸດຢູ່​ໃນ​ທົ່ວ​ໂລກ​ໃນ​ປີ​ກາຍ​ນີ້ “​ໂດຍ​ມີ​ກຳລັງ​ທີ່​ໜ້າ​ຢ້ານ​ກົວ” ​ຢູ່​ໃນຊີ​ເຣຍ ​ແລະ​ອີຣັກ.

ລາຍ​ງານ​ກ່າວ​ວ່າ ​ໃນ​ຂະນະ​ທີ່ກຳລັງຂອງ​ລັດ​ອິສລາມ ຢູ່​ໃນ​ສອງ​ປະ​ເທດ​ນີ້​ໄດ້​ເຊື່​ອມ​ໂຊມ ​ລົງ ລະຫວ່າງເຄິ່ງທີ​ສອງຂອງ​ປີ 2015 ພວກ​ນັກ​ລົບ​ທີ່ຢູ່ໃນ​ກຸ່ມຫົວ ຮຸນ​ແຮງດັ່ງກ່າວ ຍັງ ສາມາດ​ທຳ​ການການ​ໂຈມ​ຕີ​ຫຼາຍໆ​ຄັ້ງ​ຢູ່​ແຫ່ງ​ອື່ນໆ ຢູ່​ໃນ​ ​ປະ​ເທດຕ່າງໆ​ທີ່ຮວມ​ທັງ​ຝຣັ່ງ ​ແລະ​ເທີກີ.

ນອກ​ນັ້ນ ກຸ່ມລັດ​ອິສລາມ​ຍັງ​ໄດ້​ສ້າງ​ຄວາມ​ກ້າວ​ໜ້າຢູ່​ໃນລີ​ເບຍ ​ແລະຕັ້ງ​ເຄືອ​ຂ່າຍ​ຢູ່​ໃນ​ ປະ​ເທດຕ່າງໆ ​ທີ່​ຮວມ​ທັງອັຟກາສິ​ນຖານ ປາ​ກິ​ສຖານ ​ແລ​ໄນ​ຈີ​ເຣຍ.

ກະຊວງ​ຕ່າງປະ​ເທດໄດ້​ຈັດ​ເອົາເກືອບ 60 ​ກຸ່ມ​ກໍ່​ການ​ຮ້າຍຕ່າງປະ​ເທດເຂົ້າໄວ້ ໃນບັນຊີ​ ​ລາຍ​ງານ​ປະຈຳ​ປີ ​ແລະ​ໄດ້​ລະບຸ​ຊື່​ຂອງ​ຫລາຍ​ປະ​ເທດ​ທີ່​ເຫັນ​ວ່າ​ເປັນຜູ້​ທີ່​ບໍ່​ໃຫ້ການ​ຮ່ວມ ​ມື ​ໃນ​ການ​ຕໍ່ສູ້​ຕ້ານພວກ​ຫົວ​ຮຸນ​ແຮງ​ຈັດ​ຢູ່​ໃນ​ໂລກ.

Terror Groups Adapt to Survive
please wait

No media source currently available

0:00 0:02:29 0:00

ໃນ​ກາ​ນ​ໃຫ້ສຳພາດ​ກັບວີ​ໂອ​ເອ ຜູ້​ປະ​ງານຊົ່ວຄາວ ​ຕ້ານການ​ກໍ່​ການ​ຮ້າຍ ທ່ານ Justin Siberell ກ່າວ​ວ່າ ​ລາຍ​ງານນີ້​ພະຍາຍາມສະໜອງ "ຄວາມ​ເຂົ້າ​ໃຈທີ່ດີ​ຂຶ້ນ​ວ່າ ​ມີ​ຫຍັງ​ເກີດ​ຂຶ້ນ​ຢູ່​ໃນ​ລະດັບ​ທ້ອງ​ຖິ່ນ” ​ເພື່ອ​ວ່າ​ສະຫະລັດ ​ແລະ​ບັນດາ​ປະເທດພັນທະ​ມິດຈະ​ໄດ້ສາ ມາດ​ດັດ​ແປງ​ຄວາມ​ພະຍາຍາມຂອງ​ຕົນ​ໃນ​ການ​ຕໍ່​ສູ້​ກັບ ​ພວກ​ຫົວ​ຮຸນ​ແຮງ​ຈັດ.

ທ່ານ Siberell ກ່າວ​ວ່າ “​ເຖິງ​ແມ່ນ​ວ່າ ຄວາມ​ພະ​ຍາ​ຍາມ​ຂອງ​ພວກ​ເຮົາ​ໄດ້​ຮັບ​ຜົນສຳ​ ເລັດຂ້ອນ​ຂ້າງ​ເປັນ​ຢ່າງ​ດີ ​ໃນ​ການ​ເຮັດ​ໃຫ້​ບັນດາ​ກຸ່ມເຫລົ່ານີ້ ຕັ້ງ​ໂຕບໍ່​ໄດ້ແຕ່ພວກ​ເຂົາ​ກໍ​ ຍັງສືບ​ຕໍ່​ຂົນ​ຂວາ​ຍ​ເອົາ​ສະມາຊິກ​ໃໝ່​ໄດ້.”

ທ່ານ​ກ່າວ​ອີກ​ວ່າ “ການ​ຕອບໂຕ້​ຂອງ​ພວກ​ເຮົາທີ່​ຈິ​ງແລ້ວ​ແມ່ນ​ຈຳ​ເປັນ​ຕ້ອ​ງ​ໄດ້​ຂະຫຍາຍ ເຮັດ​ໃຫ້​ມີ​ຄວາມ​ເຂົ້າໃຈດີ​ຂຶ້ນກ່ຽວ​ກັບ​ພວກ​ຫົວ​ຮຸນ​ແຮງ​ເຫລົ່ານີ້.”

ອ່ານຂ່າວນີ້ເປັນພາສາອັງກິດ

XS
SM
MD
LG