ລິ້ງ ສຳຫລັບເຂົ້າຫາ

ວັນພຸດ, ໒໒ ພຶດສະພາ ໒໐໒໔

ສະພາ ຄວາມໝັ້ນຄົງ ສປຊ ຈະຫາລື ກ່ຽວກັບ ວິກິດການ ໃນ ເວເນຊູເອລາ


ເອກອັກຄະລັດຖະທູດສະຫະລັດ ປະຈຳສະຫະປະຊາຊາດ ທ່ານນາງ Nikki Haley ຖະແຫລງຕໍ່ກອງປະຊຸມ ສະພາຄວາມໝັ້ນຄົງ ສະຫະປະຊາຊາດ.
ເອກອັກຄະລັດຖະທູດສະຫະລັດ ປະຈຳສະຫະປະຊາຊາດ ທ່ານນາງ Nikki Haley ຖະແຫລງຕໍ່ກອງປະຊຸມ ສະພາຄວາມໝັ້ນຄົງ ສະຫະປະຊາຊາດ.

ບັນດາ​ເຈົ້າ​ໜ້າ​ທີ່​ສະຫະ​ປະຊາ​ຊາດ​ກ່າວ​ວ່າ ສະຫະລັດ​ແລະ​ອີຕາ​ລີ ​ໄດ້ຈັດກອງ ປະຊຸມ
ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດທີ່ບໍ່ເປັນທາງການ ກ່ຽວ​ກັບ​ Ve-nezuela ທີ່​ແນ
ໃສ່​ເພື່ອ​ປ້ອງ​ກັນບໍ່ໃຫ້​ວິ​ກິດ​ການ​ຢູ່​ໃນ​ປະ​ເທດ​ດັ່ງກ່າວ ກາຍເປັນໄພ​ຂົ່ມຂູ່ໃນດ້ານ​
ຄວາມ​ໝັ້ນຄົງ.

​ເອກ​ອັກຄະ​ລັດຖະທູດ​ສະຫະລັດ ປະຈຳສະຫະປະຊາຊາດ ທ່ານ​ນາງ Nikki Haley ຈະ​
ເປັນ​ປະທານ​ ກອງ​ປະຊຸມທີ່ບໍ່ເປັນທາງການດັ່ງກ່າວໃນ​ວັນ​ຈັນ​ຈະມາ​ນີ້ ທີ່​ຈະ​ຮວມການ
ຖະ​ແຫລ​ງຂອງຫົວໜ້າ​ສິດ​ທິມະນຸດສະຫະປະຊາ​ດ ທ່ານ Zeid Ra’ad al Hussein ​
ແລະ​ເລຂາ​ທິການ​ໃຫຍ່​ອົງການ​ປະ​ເທດ​ໃນທະວີບ​ອາ​ເມຣິກາ ທ່ານ Luis Almagro.

​ເອກ​ກະສາ​ນວຽນ​ຫາ​ບັນດາ​ສະມາຊິກ​ສະພາ​ຄວາມໝັ້ນຄົງ ກ່ຽວ​ກັບ​ກອງ​ປະຊຸມດັ່ງກ່າວ
ເວົ້າ​ວ່າ ຈະ​ໃຫ້​ໂອກາດ “​ຫາລືກ່ຽວກັບ​ບົດບາດ​ຂອງປະຊາ​ຄົມ​ສາກົນ ​ແລະອົງການຈັດ
ຕັ້ງໃນ​ຂົງ​ເຂດ ​ສາມາດ​ເອົາ​ບົດບາດໃນ​ການຊອກຫາການແກ້ໄຂທາງ​ການເມືອງ ​ແລະ
ອຳນວຍຄວາມສະດວກໃນການເຂົ້າເຖິງການຊ່ວຍເຫຼືອ​ທາງດ້ານມະນຸດສະທຳ​ ສຳລັບ
ພວກ​ທີ່ໄດ້​ຮັບ​ຜົນ​ກະທົບ​ຈາກ​ຄວາມ​ເຄັ່ງ​ຕຶງ.”

ກ​ອງປະຊຸມ​ນີ້ຈັດ​ຂຶ້ນ​ໃນຂະນະ​ທີ່ Venezuela ປະ​ເຊີນ​ໜ້າ​ກັບ​ຄວາມ​ເປັນໄປ​ໄດ້ ​ໃນ
ການບໍ່ສາມາດຈ່າຍໜີ້​ສິນ​ຂອງ​ຕົນ. ​ໃນ​ວັນສຸກວານ​ນີ້ຄະນະກຳມະ​ການ​ໃຫ້ສິນ​ເຊື່ອ Venezuela ​ໄດ້ເລື່ອນເວລາ​ການ​ຕັດສິນ​ໃຈໄປໃສ່ອາທິດໜ້າ ວ່າ ບໍລິສັດ​ນໍ້າມັນ​ລັດ
ຖະບານ PDVSA ​ໄດ້​ຜິດສັນຍາ​ຢ່າງ​ເປັນ​ທາງ​ການ​ໃນການ ຈ່າຍ​ໜີ້​ສິນຂອງ​ຕົນຫຼືບໍ່.

​ເອກ​ກະສາ​ນສະຫະ​ປະຊາ​ຊາດ​ກ່າວ​ວ່າ​ “​ໃນ​ຂະນະ​ທີ່ເສດຖະກິດ Venezuela ສືບ​ຕໍ່​ພັງທະລາຍຢູ່ນີ້ ສະຖານະ​ການມີທ່າທາງວ່າ​ຮ້າຍ​ແຮງ​ລົງຕື່ມ​ເທົ່າ​ນັ້ນ ​ໂດຍ​ສະ​ເພາະ ​
ໃນ​ຂະນະ​ທີ່ປະ​ເທດ​ຢູ່​ໃນ​ຄວາມ​ສ່ຽງ​ຂອງ​ການ​ຜິດສັນຍາໃນການຈ່າຍ​ໜີ້​ສິນ​ຂອງ​ຕົນ.”

ຖະ​ແຫລ​ງການ​ຍັງ​ກ່າວ​ວ່າ ​ໃນ​ຫົກ​ເດືອນ​ຜ່ານ​ມາ ຊາວ Venezuela ຫລາຍ​ກວ່າ
500,000 ຄົນ ​ໄດ້​ຫລົບໜີ​ຄວາມ​ບໍ່​ສະຫງົບ​ດ້ານ​ການ​ເມືອງ​ໃນ​ປະ​ເທດ ພ້ອມທັງ​ຫລົບ
ໜີ​ຈາກ​ໄພເງິນ​ເຟີ້​ທີ່​ພວມຖີບຕົວສູງຂຶ້ນ ​ແລະ​ການ​ຂາດແຄນອາຫານ ແລະ​ຢາ​ປົວ​ພະ
ຍາດຢ່າງແຜ່ກວ້າງນັ້ນ.

ສະພາຄວາມ​ໝັ້ນຄົງ​ສະຫະ​ປະຊາດຍັງ​ຄາດ​ວ່າ ຈະ​ຟັງຄຳໃຫ້ການ​ຈາກ​ທະນາຍຄວາມ
ທ່ານ Julio Henriquez ຜູ້​ປະສານ​ງານ​ຂອງອົງການ​ສິດທິ​ມະນຸດ Foro Penal ​ແລະ​
ທ່ານ Joseph Donnelly ຈາກອົງການ​ຊ່ວ​ຍ​ເຫລືອ Caritas ສາກົນ.

ທ່ານ​ນາງ Haley ​ຮຽກຮ້ອງ​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ ຫັນ​ຄວາມ​ສົນໃຈໄປໃສ່ສະຖານະ​ການ​ໃນ Venezuela ຊຶ່ງມາ​ຈົນ​ເຖິງ​ປັດຈຸບັນ​ນີ້ໄດ້ກ່າວ ວ່າ ບັນດາ​ອົງ
ການ​ຈັດ​ຕັ້ງຂົງເຂດ​ເໝາະສົມທີ່​ສຸດ​ໃນ​ການ​ແກ້ໄຂ​ວິ​ກິ​ດການ.

ລັດຖະບານ Venezuela ​ໄດ້​ປະ​ເຊີນ​ໜ້າ​ກັບ​ການຕ້ອງ​ຕິຈາກ​ສາກົນຫລັງ​ຈາກ ​ສານ
ສູງ​ສຸດ​ຂອງປະ​ເທດ​ໄດ້​ຖອນ​ອຳນາດສ່ວນ​ໃຫຍ່​ອອກ​ຈາກ​ສະພາທີ່ຄວບຄຸມໂດຍພັກ
ຝ່າຍຄ້ານ ​ແລະ​ມອບອຳນາດຢ່າງກວ້າງຂວາງ ໃຫ້ແກ່ສະພາ​ລັດຖະທຳ​ມະນູນ​ທີ່ຕັ້ງ
ຂຶ້ນໃໝ່.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG