ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ກຳລັງ
ຢູ່ທີ່ປະເທດ Djibouti ໃນແຫລມກ້ຳຕາເວັນອອກຂອງອາຟຣິກາ
ຫລື Horn of Africa ເພື່ອພົບປະກັບ ບັນດາເຈົ້າໜ້າທີ່ລັດຖະ
ບານ ແລະພວກເຈົ້າໜ້າທີ່ທະຫານສະຫະລັດ ທີ່ປະຈຳການຢູ່ໃນ
ປະເທດ ທີ່ເປັນອະດີດຫົວເມືອງຂື້ນຂອງຝຣັ່ງແຫ່ງນັ້ນ.
ນຶ່ງມື້ ຫລັງຈາກໄດ້ເປັນ ລັດຖະທົນຕີຕ່າງປະເທດ ສະຫະລັດ ຄົນ
ທຳອິດ ທີ່ໄປຢ້ຽມຢາມ Somalia ທ່ານ Kerry ໄດ້ເປັນຄົນທຳອິດ
ທີ່ໄປຢ້ຽມຢາມ Djibouti ເຊັ່ນກັນ.
ທ່ານ Kerry ໄດ້ພົບປະກັບ ປະທານາທິບໍດີ Ismail Omar Guelleh ແລະ ລັດຖະມົນຕີ
ຕ່າງປະເທດ Mahamoud Ali Youssouf ແລະບັນດາເຈົ້າໜ້າທີ່ ກ່າວວ່າ ທ່ານໄດ້ກ່າວ
ຂອບໃຈພວກທ່ານ ທີ່ໄດ້ໃຫ້ການຊ່ວເຫລືອແກ່ ຊາວອາເມຣິກັນ ຫລາຍຮ້ອຍຄົນທີ່ໄດ້
ຫລົບໜີໄປລີ້ໄພຄວາມຮຸນແຮງ ຢູ່ໃນເຢເມັນ ທີ່ຕັ້ງຢູ່່ຄົນລະຟາກອ່າວ Aden ກັບ Djibouti ນັ້ນ.
ທ່ານ Kerry ຍັງມີນັດໝາຍໃນເວລາຕໍ່ມາ ພົບປະກັບບັນດາເຈົ້າໜ້າທີ່ທະຫານສະຫະລັດ ຢູ່ທີ່ຄ້າຍ Lemmonier. ຖານທັບແຫ່ງນີ້ຂອງສະຫະລັດ ໃນ Djibouti ອະດີດຫົວເມືອງຂື້ນຂອງຝຣັ່ງ ໄດ້ກາຍມາເປັນພາກສ່ວນອັນສຳຄັນ ຂອງການມີໜ້າຂອງທະຫານສະຫະ
ລັດ ຢູ່ພາກຕາເວັນອອກກາງ ແລະພາກຕາເວັນອອກ ຂອງອາຟຣິກາ.
ຈາກ Djibouti ທ່ານ Kerry ຈະເດີນທາງຕໍ່ໄປຍັງ ຊາອຸດີ ອາເຣເບຍ ໃນວັນພຸດມື້ນີ້. ໃນ
ທ້າຍອາທິດນີ້ ທ່ານຈະເດີນທາງໄປປະເທດຝຣັ່ງ ເພື່ອສົນທະນາກ່ຽວກັບຄວາມໝັ້ນຄົງ
ຂອງຂົງເຂດ ແລະປະກອບສ່ວນໃນພິທີຂີດໝາຍການສີ້ນສຸດລົງຂອງສົງຄາມໂລກ ຄັ້ງທີ
2 ຢູ່ໃນຢູໂຣບ.
