ລິ້ງ ສຳຫລັບເຂົ້າຫາ

site logo
ວັນຈັນ, 16 ພຶດສະພາ 2022

ປ. ໂອບາມາ ຄາດວ່າ ອີຣັກ ຈະຍຶດເອົາເມືອງ Mosul ຄືນ ໃນທ້າຍປີ 2016 ນີ້


ລັດຖະມົນຕີປ້ອງກັນປະເທດ ສຫລ ທ່ານ Ash Carter ຖືກຕ້ອນຮັບ ໂດຍນາຍພົນ McFarland ເວລາທ່ານ ເດີນທາງໄປເຖິງນະຄອນ Baghdad ເມື່ອວັນທີ 18 ເມສາ 2016.

ປະທານາ​ທິບໍດີ ສະຫະລັດ ທ່ານ Barack Obama ກ່າວ​ວ່າ ທ່ານ​ຄາດ​ວ່າ​ໃນ​ທ້າຍປີ​ນີ້ ສະພາບ​ການ​ຈະເປັນ​ທີ່​ເອື້ອອຳນວຍ​ ໃຫ້ທະຫານ​ອີຣັກ ຊຶ່ງໃນ​ທີ່​ສຸດ​ກໍ​ຈະ​ເຂົ້າ​ຍຶດ​ເອົາ ​ເມືອງ Mosul ​ໃນ​ພາກ​ເໜືອ​ຂອງ​ປະ​ເທດຈາກ​ພວກຫົວ​ຮຸ​ນ​ແຮງ​ລັດ​ອິສລາມ.

​ໃນ​ການ​ໃຫ້ສຳພາດ ແກ່​ອົງການ​ຂ່າວ CBS ທີ່ອອກ​ອາກາດ ໃນ​ວັນ​ຈັນ​ວານ​ນີ້ ທ່ານ Obama ​ໄດ້​ກ່າວ​ຢ້ຳ​ເຖິງ​ຄວາມ​ຈຳ​ເປັນ ​ທີ່​ຕ້ອງ​ໄດ້​ສະໜັບສະໜູນ​ກຳລັງ​ອີຣັກ ທີ່​ຈະ​ເປັນ ​ຜູ້​ປະຕິບັດ​ງານ​ສູ້​ລົບທາງ​ພາກ​ພື້ນ​ດິນ.

US Adds More Troops, Apaches to Fight Islamic State
please wait

No media source currently available

0:00 0:01:41 0:00

ທ່ານ Obama ກ່າວ​ວ່າ “ພວກ​ເຮົາ​ບໍ່​ໄດ້​ທຳ​ການ​ສູ້​ລົບ ​ດ້ວຍ​ໂຕພວກ​ເຮົາ​ເອງ ​ແຕ່​ວ່າ​ ເວລາ​ພວກເຮົາ​ໃຫ້ການ​ຊ່ວຍ​ເຫລືອ​ໃນ​ຝຶ​ກ​ແອບ ​ເວລາພວກ​ເຮົາໃຫ້ການ​ຊ່ວຍ​ເຫລືອ ດ້ານ​ກຳລັງ​ພິ​ເສດ ​ທີ່​ໃຫ້ການ​ໜູນ​ຫລັງພວກ​ເຂົາ​ເຈົ້າ ​ເວລາ​ພວກເຮົາ​ໄດ້​ຮັບ​ຂ່າວສືບ​ລັບ ປະຕິບັດ​ງານ​ກັບ​ແນວ​ໂຮມ​ຂອງ​ພວກ​ເຮົາ ສີ່​ງ​ທີ່​ພວກ​ເຮົາ​ໄດ້ເຫັນກໍ​ຄືວ່າ ພວກ​ເຮົາ ​ສາມາດສືບ​ຕໍ່​ປິດ​ລ້ອມເພີ້ມຂຶ້ນທຸກໆ​ມື້.”

ໃນ​ຕອນ​ເຊົ້າ​ວັນ​ຈັນວານ​ນີ້ ໃນຂະນະ​ທີ່​ທຳ​ການ​ຢ້ຽມຢາມ​ນະຄອນ Bagdad ລັດຖະມົນຕີ​ປ້ອງ​ກັນ​ປະ​ເທດ ທ່ານ Ash Carter ​ໄດ້​ປະກາດ​ວ່າ ສະຫະລັດ ຈະ​ສົ່ງທະຫານ​ເພີ້​ມ​ເຕີມ ອີກຫລາຍ​ກວ່າ 200 ຄົນ ​ແລະ​ເຮືອບິນ​ເຮ​ລິ​ຄອບ​ເຕີ​ ​ໂຈມ​ຕີ Apache ​ອີກ​ຫລາ​ຍລຳໄປ ຊ່ວຍ​ກຳລັງ​ທະຫານ​ອີຣັກ ຍຶ​ດ​ເອົາ​ເມືອງ Mosul ຄືນ​ມາ.

VOA's Babb Reports From Baghdad
please wait

No media source currently available

0:00 0:01:29 0:00

ທ່ານ Carter ກ່າວ​ວ່າ ກຳລັງ​ທະຫານ​ສະຫະລັດຈຸ​ໃໝ່ນີ້ ຈະ​ໃຫ້​ຄຳ​ປຶ​ກສາທີ່ ຈຳ​ເປັນ ເພື່ີອຊ່ວຍ​ໃນ​ດ້ານ​ພະລາທິການສຳລັບ​ທະຫານ​ອິຮັກ​ທີ່​ບຸກຄືບ​ໜ້າໄປ​ໜ້າ ​ໄກ​ອອກໄປ ຈາກຄ້າຍ​ຂ​ອງ​ເຂົາ​ເຈົ້າ ​ໃນ​ຂະນະ​ທີ່​ເຂົາ​ເຈົ້າ​ອ້ອມ​ເມືອງ​ໃຫຍ່​ສຸດ​ອັນ​ດັບ​ສອງຂອງ​ອີຣັກ. ທ່ານ​ກ່າວ​ວ່າ ​ເຂົາ​ເຈົ້າ​ຈະ​ໃຫ້ຄຳ​ແນ​ະນຳ​ຢູ່ໃນການ ບັງຄັບ​ບັນຊາ​ລະດັບກອງພັນ ​ແລະ​ ກອງ​ພົນນ້ອຍ.

ຮູບພາບຈາກປືນກ້ອງຖ່າຍໃນວັນທີ 4 ກໍລະກົດ, 2015 ເຜິຍແຜ່ໂດຍ ກອງບັນຊາການ ສະຫະລັດ ທີ່ເຫັນການໂຈມຕີທາງອາກາດ.
ຮູບພາບຈາກປືນກ້ອງຖ່າຍໃນວັນທີ 4 ກໍລະກົດ, 2015 ເຜິຍແຜ່ໂດຍ ກອງບັນຊາການ ສະຫະລັດ ທີ່ເຫັນການໂຈມຕີທາງອາກາດ.

​ເຈົ້າ​ໜ້າ​ທີ່​ປ້ອງ​ກັນ​ປະ​ເທດຂັ້ນສູງຂອງສະຫະລັດຄົນ​ນຶ່ງ​ກ່າວ​ວ່າ “ທຸກໆ​ຄົນຮູ້ວ່າ ການ​ສູ້​ ລົບ​ໃນ​ອີຣັກ ​ແມ່ນ​ການ​ສູ້​ລົບ ເອົາເມືອງ Mosul. Mosul ​ເປັນ​ເກ​ມສິ້ນ​ສຸດ​ໃນ​ອີຣັກ.”

ກຳລັງ​ອີຣັກ ​ໄດ້​ເລີ້ມ​ບຸກໂຈມ​ຕີ​ເພື່ອ​ເຂົ້າຍຶດ​ເອົາ​ທີ່​ໝັ້ນ​ອັນ​ແຂງ​ແກ່ນ​ຂອງລັດອິສ ລາມຫຼື IS ຄືນ ​ໃນ​ວັນ​ທີ 24 ​ເດືອນ​ມີນາ​ທີ່​ຜ່ານ​ມາ.

ອ່ານຂ່າວພາສາອັງກິດ

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ລາຍການວິທະຍຸ-ໂທລະພາບວີໂອເອພາກພາສາລາວ
please wait

No live streaming currently available

0:00 0:00 Live
XS
SM
MD
LG