ບັນດາເຈົ້າໜ້າທີ່ສະຫະລັດ ເຊື່ອວ່າ ເກົາຫຼີເໜືອໄດ້ຍ້າຍ
ຈະຫລວດທີ່ຍິງໄດ້ໃນໄລຍະ ກາງ 2 ລູກ ອອກຈາກຖານ
ກຽມພ້ອມສໍາລັບຍິງ ໃນອັນທີ່ເປັນການຜ່ອນເບົາຄວາມ
ເຄ່ງຕຶງໃນແຫຼມເກົາຫຼີ ລົງຕື່ມນັ້ນ.
ເຈົ້າໜ້າທີ່ຝ່າຍປ້ອງກັນຢູ່ວໍຊິງຕັນຫລາຍທ່ານ ທີ່ຂໍບໍ່ໃຫ້
ອອກນາມກ່າວໃນແລງວັນຈັນ ວານນີ້ວ່າ Pyongyang
ໄດ້ຖອນຈະຫລວດ Musudan 2 ລູກ ອອກໄປຈາກຖານ
ຍິງ ທີ່ຕັ້ງຢູ່ແຄມຝັ່ງທະເລກໍ້າຕາເວັນອອກຂອງປະເທດ.
ສື່ມວນຊົນຂອງເກົາຫຼີໃຕ້ ກໍໄດ້ລາຍງານຂ່າວການຍົກ
ຍ້າຍດັ່ງກ່າວ ເຊ່ນກັນ.
ທາງວໍຊິງຕັນ ໄດ້ເຕືອນມາເປັນຫຼາຍອາທິດແລ້ວວ່າ ເກົາຫຼີເໜືອອາດຈະທໍາການຍິງ
ຈະຫລວດ Musudan ທີ່ບໍ່ເຄີຍທົດສອບມາກ່ອນຈັກເທື່ອນັ້ນ ທີ່ສາມາດຍິງໄກໄດ້ເຖິງ
3,500 ກິໂລເເມັດ ແລະອາດສາມາດຍິງເຖິງເປົ້າໝາຍຫລາຍແຫ່ງໃນສະຫະລັດໄດ້ນັ້ນ.
ຜູ້ອໍານວຍການອະວຸໂສຝ່າຍກິດຈະການເອເຊຍ ປະຈໍາທໍານຽບຂາວ ທ່ານ Daniel
Russel ກ່າວວ່າ ຈະເປັນການໄວເກີນໄປ ທີ່ຈະສະຫຼອງການຍົກຍ້າຍດັ່ງກ່າວວ່າເປັນ
ຂ່າວດີ ແລະເຕືອນວ່າ ເຈົ້າໜ້າທີ່ສະຫະລັດ ຍັງບໍ່ສາມາດຕັດອອກໄດ້ເທື່ອ ວ່າເກົາຫລີ
ເໜືອ ຈະບໍ່ຍິງລູກສອນໄຟນັ້ນ.
ເກົາຫຼີເໜືອ ໄດ້ຄ່ອຍໆຫລຸດຜ່ອນສໍານວນໂວຫານແບບຮຸກຮານຂອງຕົນລົງ ລຸນຫລັງ
ທີ່ໄດ້ກ່າວຄໍາຂູ່ມາເປັນເວລາຫລາຍອາທິດ ວ່າຈະການໂຈມຕີດ້ວຍອາວຸດນິວເຄລຍ
ແລະອາວຸດທໍາມະດາ ຕໍ່ສະຫະລັດແລະເກົາຫຼີໃຕ້.
ການຍ້າຍລູກສອນໄຟອອກ ໄດ້ມີຂຶ້ນກ່ອນໜ້າທີ່ ປະທານາທິບໍດີເກົາຫລີໃຕ້ ທ່ານນາງ
Park Geun-hye ມີກໍານົດພົບປະກັບປະທານາທິບໍດີ Barack Obama ຢູ່ກຸງວໍຊິງຕັນ
ໃນວັນອັງຄານມື້ນີ້ ໃນການໂອ້ລົມສົນທະນາກັນທີ່ແນ່ນອນວ່າ ຈະເພ່ງເລັງໃສ່ ພຽງຢາງ.
ທ່ານນາງ Park ໄດ້ເລີ່ມການຢ້ຽມຢາມສະຫະລັດ ເປັນເວລາ 5 ວັນ ທີ່ອົງການສະຫະ
ປະຊາຊາດ ໃນວັນຈັນວານນີ້ ໂດຍການພົບປະກັບທ່ານ Ban Ki-moon ເລຂາທິການ
ໃຫຍ່ຂອງອົງການສະຫະປະຊາຊາດ ທີ່ໄດ້ຍົກຍ້ອງ ປະທານາທິບໍດີເກົາຫຼີໃຕ້ ສໍາລັບ
ອັນທີ່ທ່ານເອີ້ນວ່າ ການຕອບໂຕ້ ທີ່ “ໜັກແໜັ້ນ ແຕ່ຮອບຄອບລະມັດລະວັງ” ຂອງທ່ານ
ນາງ ປັກ ຕໍ່ການເກາະຜິດຂອງເກົາຫຼີເໜືອນັ້ນ.
ທ່ານນາງ Park ໄດ້ໃຊ້ເວລາໃນຕອນບ່າຍຂອງວັນຈັນວານນີ້ ໄປສະແດງຄວາມເຄົາລົບ
ແລະວາງພວງມາລາ ທີ່ຂຸມຝັງສົບຂອງທະຫານນີລະນາມ ຢູ່ສຸສານແຫ່ງຊາດຂອງສະຫະລັດ
ທີ່ເມືອງອາລິງຕັນ ລັດເວີຈີເນຍ ນອກນະຄອນຫລວງວໍຊິງຕັນ ດີຊີ.
ຈະຫລວດທີ່ຍິງໄດ້ໃນໄລຍະ ກາງ 2 ລູກ ອອກຈາກຖານ
ກຽມພ້ອມສໍາລັບຍິງ ໃນອັນທີ່ເປັນການຜ່ອນເບົາຄວາມ
ເຄ່ງຕຶງໃນແຫຼມເກົາຫຼີ ລົງຕື່ມນັ້ນ.
ເຈົ້າໜ້າທີ່ຝ່າຍປ້ອງກັນຢູ່ວໍຊິງຕັນຫລາຍທ່ານ ທີ່ຂໍບໍ່ໃຫ້
ອອກນາມກ່າວໃນແລງວັນຈັນ ວານນີ້ວ່າ Pyongyang
ໄດ້ຖອນຈະຫລວດ Musudan 2 ລູກ ອອກໄປຈາກຖານ
ຍິງ ທີ່ຕັ້ງຢູ່ແຄມຝັ່ງທະເລກໍ້າຕາເວັນອອກຂອງປະເທດ.
ສື່ມວນຊົນຂອງເກົາຫຼີໃຕ້ ກໍໄດ້ລາຍງານຂ່າວການຍົກ
ຍ້າຍດັ່ງກ່າວ ເຊ່ນກັນ.
ທາງວໍຊິງຕັນ ໄດ້ເຕືອນມາເປັນຫຼາຍອາທິດແລ້ວວ່າ ເກົາຫຼີເໜືອອາດຈະທໍາການຍິງ
ຈະຫລວດ Musudan ທີ່ບໍ່ເຄີຍທົດສອບມາກ່ອນຈັກເທື່ອນັ້ນ ທີ່ສາມາດຍິງໄກໄດ້ເຖິງ
3,500 ກິໂລເເມັດ ແລະອາດສາມາດຍິງເຖິງເປົ້າໝາຍຫລາຍແຫ່ງໃນສະຫະລັດໄດ້ນັ້ນ.
ຜູ້ອໍານວຍການອະວຸໂສຝ່າຍກິດຈະການເອເຊຍ ປະຈໍາທໍານຽບຂາວ ທ່ານ Daniel
Russel ກ່າວວ່າ ຈະເປັນການໄວເກີນໄປ ທີ່ຈະສະຫຼອງການຍົກຍ້າຍດັ່ງກ່າວວ່າເປັນ
ຂ່າວດີ ແລະເຕືອນວ່າ ເຈົ້າໜ້າທີ່ສະຫະລັດ ຍັງບໍ່ສາມາດຕັດອອກໄດ້ເທື່ອ ວ່າເກົາຫລີ
ເໜືອ ຈະບໍ່ຍິງລູກສອນໄຟນັ້ນ.
ເກົາຫຼີເໜືອ ໄດ້ຄ່ອຍໆຫລຸດຜ່ອນສໍານວນໂວຫານແບບຮຸກຮານຂອງຕົນລົງ ລຸນຫລັງ
ທີ່ໄດ້ກ່າວຄໍາຂູ່ມາເປັນເວລາຫລາຍອາທິດ ວ່າຈະການໂຈມຕີດ້ວຍອາວຸດນິວເຄລຍ
ແລະອາວຸດທໍາມະດາ ຕໍ່ສະຫະລັດແລະເກົາຫຼີໃຕ້.
ການຍ້າຍລູກສອນໄຟອອກ ໄດ້ມີຂຶ້ນກ່ອນໜ້າທີ່ ປະທານາທິບໍດີເກົາຫລີໃຕ້ ທ່ານນາງ
Park Geun-hye ມີກໍານົດພົບປະກັບປະທານາທິບໍດີ Barack Obama ຢູ່ກຸງວໍຊິງຕັນ
ໃນວັນອັງຄານມື້ນີ້ ໃນການໂອ້ລົມສົນທະນາກັນທີ່ແນ່ນອນວ່າ ຈະເພ່ງເລັງໃສ່ ພຽງຢາງ.
ທ່ານນາງ Park ໄດ້ເລີ່ມການຢ້ຽມຢາມສະຫະລັດ ເປັນເວລາ 5 ວັນ ທີ່ອົງການສະຫະ
ປະຊາຊາດ ໃນວັນຈັນວານນີ້ ໂດຍການພົບປະກັບທ່ານ Ban Ki-moon ເລຂາທິການ
ໃຫຍ່ຂອງອົງການສະຫະປະຊາຊາດ ທີ່ໄດ້ຍົກຍ້ອງ ປະທານາທິບໍດີເກົາຫຼີໃຕ້ ສໍາລັບ
ອັນທີ່ທ່ານເອີ້ນວ່າ ການຕອບໂຕ້ ທີ່ “ໜັກແໜັ້ນ ແຕ່ຮອບຄອບລະມັດລະວັງ” ຂອງທ່ານ
ນາງ ປັກ ຕໍ່ການເກາະຜິດຂອງເກົາຫຼີເໜືອນັ້ນ.
ທ່ານນາງ Park ໄດ້ໃຊ້ເວລາໃນຕອນບ່າຍຂອງວັນຈັນວານນີ້ ໄປສະແດງຄວາມເຄົາລົບ
ແລະວາງພວງມາລາ ທີ່ຂຸມຝັງສົບຂອງທະຫານນີລະນາມ ຢູ່ສຸສານແຫ່ງຊາດຂອງສະຫະລັດ
ທີ່ເມືອງອາລິງຕັນ ລັດເວີຈີເນຍ ນອກນະຄອນຫລວງວໍຊິງຕັນ ດີຊີ.