ກຳລັງຕຳຫຼວດລັບ ທີ່ມີໜ້າທີ່ອາລັກຂາປະທານາທິບໍດີຫຼື Secret Service ຂອງສະຫະ
ລັດກ່າວວ່າ ພະນັກງານຂອງຕົນອີກ 3 ຄົນໄດ້ລາອອກ ກ່ຽວກັບຂ່າວນອງນັນຢູ່ໂຄລອມ
ເບຍທີ່ພົວພັນກັບໂສເພນີ ແລະເວົ້າວ່າໄດ້ມີການລາຍງານເລື່ອງນີ້ໃຫ້ປະທານາທິບໍດີບາຣັກ
ໂອບາມາຊາບແລ້ວໂດຍຜູ້ອຳນວຍການຂອງພະແນກການດັ່ງກ່າວ.
ໜ່ວຍອາລັກຂາ Secret Service ກ່າວໃນມື້ວັນສຸກວານນີ້ວ່າ ຮວມກັບຈຳນວນພວກ
ທີ່ລາອອກໃໝ່ນີ້ ເຮັດໃຫ້ຈຳນວນເຈົ້າໜ້າທີ່ທັງໝົດ ທີ່ເສຍວຽກການ ຍ້ອນຂ່າວນອງນັນ
ດັ່ງກ່າວເພີ່ມຂຶ້ນເປັນ 6 ຄົນ. ພວກເຂົາເຈົ້າຍັງເວົ້າວ່າ ເຈົ້າໜ້າທີ່ຄົນທີ 12 ຂອງກຳລັງ
ດັ່ງກ່າວກໍມີສ່ວນພົວພັນນຳເລື່ອງນີ້.
ເຈົ້າໜ້າທີ່ສະຫະລັດ ເວົ້າວ່າ ຜູ້ອຳນວຍການຂອງໜ່ວຍອາລັກຂາ Secret Service
ທ່ານ Mark Sullivan ໄດ້ໄປທຳນຽບຂາວໃນມື້ວານນີ້ ເພື່ອລາຍງານເປັນການສ່ວນ
ໂຕໃຫ້ປະທານາທິບໍດີໂອບາມາຊາບ.
ໄດ້ມີການສົ່ງໜ່ວຍອາລັກຂາ Secret Services ໄປຍັງໂຄລອມເບຍລ່ວງໜ້າການເດີນ
ທາງໄປເຖິງ ຂອງປະທານາທິບໍດີໂອບາມາ ເພື່ອເຂົ້າຮ່ວມກອງປະຊຸມສຸດຍອດຄັ້ງທີ 6
ຂອງບັນດາປະເທດໃນທະວີບອາເມຣິກາ. ເຈົ້າໜ້າທີ່ທຳນຽບຫ້າແຈກ່າວວ່າ ມີພວກທະ
ຫານຢ່າງນ້ອຍ 10 ຄົນກໍອາດມີສ່ວນພົວພັນກັບຂໍ້ຫາການປະຕິບັດຜິດໜ້າທີ່.
ທ່ານນາງ Susan Collins ສະມາຊາຊິກຄົນສຳຄັນ ຂອງພັກຣີພັບບລີກັນ ໃນຄະນະກຳ
ມາທິການຄວາມປອດໄພພາຍໃນ ແລະກິດຈະການລັດຖະບານ ຂອງສະພາສູງສະຫະລັດ
ກ່າວວ່າ ມີແມ່ຍິງຊາວຕ່າງປະເທດຢ່າງນ້ອຍ 20 ຄົນ ໄດ້ຖືກນຳໂຕໄປທີ່ໂຮງແຮມໃນໂຄ
ລອມເບຍ ບ່ອນທີ່ມີການກ່າວຫາວ່າ ການກະທຳຜິດໄດ້ເກີດຂຶ້ນ ທີ່ພົວພັນກັບສະມາຊິກ
ຂອງໜ່ວຍອາລັກຂາ Secret Service ເຈົ້າໜ້າທີ່ທະຫານ ແລະພວກໂສເພນີ ກ່ອນທີ່
ປະທານາທິບໍດີເດີນທາງໄປຮອດ.
ເບິ່ງວີດີໂອກ່ຽວກັບພາລະກິດ ຂອງພະແນກອາລັກຂາປະທານາທິບໍດີສະຫະລັດ
ທີ່ກ່າວກັນວ່າ ໄດ້ຊ່ວຍຊີວິດປະທານາທິບໍດີ Ronald Reagan ໄວ້: