ບັນດາເຈົ້າໜ້າທີ່ກອງທັບສະຫະລັດກ່າວວ່າ ການໂຈມຕີທາງ
ອາກາດ ຂອງກຳລັງປະສົມ ມີ "ຜົນກະທົບຢ່າງເລິກເຊິ່ງ” ຕໍ່
ພວກຫົວຮຸນແຮງລັດອິສລາມຫຼື IS ຢູ່ໃນອີຣັກແລະກຳລັງປະ
ສົມ “ກຳຈັດສັດຕູອອກຈາກສະໜາມລົບໃນຈຳນວນທີ່ສຳຄັນ.”
ພົນໂທ John Hesterman ຫົວໜ້າໃນການປະຕິບັດງານ
ໂຈມຕີທາງອາກາດ ກ່າວຕໍ່ບັນດານັກຂ່າວໃນວັນສຸກວານນີ້
ຢູ່ທີ່ທຳນຽບຫ້າແຈ ຜ່ານທາງກອງປະ ຊຸມໂທລະສັບວ່າ ທ່ານ
ບໍ່ເຊື່ອວ່າ ກຸ່ມ IS ໄດ້ທຳຄວາມຄືບໜ້າທີ່ສຳຄັນຢູ່ໃນອີຣັກ.
ທ່ານກ່າວວ່າ “ດົນໆເທຶ່ອນຶ່ງທີ່ໄດ້ເຫັນພວກເຂົາໄດ້ທຳຄວາມ
ຄືບໜ້າໃນດ້ານຍຸດ ທະວິທີ ແລະຫລັງຈາກນັໜພວກເຮົາເຮັດຄືວ່າ ເປັນໄຊຊະນະດ້ານ
ຍຸດທະສາດ ແລະມັນກໍບໍ່ແມ່ນຈັ່ງຊັ້ນ.”
ຮອງລັດຖະມົນຕີ ຕ່າງປະເທດ ສະຫະລັດ ທ່ານ Anthony Blinken ກ່າວໃນ ວັນພຸດ
ຜ່ານມານີ້ວ່າ ການປະຕິບັດງານທາງທະຫານຕໍ່ກຸ່ມ IS ໄດ້ສັງຫານພວກ ນັກລົບຫົວຮຸນ
ແຮງຫລາຍກວ່າ 10,000 ຄົນ ພາຍໃນບໍ່ຮອດໜຶ່ງປີ.
ນາຍພົນ Hesterman ເຫັນພ້ອມນຳວ່າ ການປະຕິບັດງານທາງທະຫານ ໄດ້ກຳຈັດ
ພວກນັກລົບກຸ່ມ IS ອອກຈາກສະໜາມລົບໃນ “ອັດຕາສູງ” ແຕ່ກ່າວວ່າ ຄວາມພະຍາ
ຍາມເພື່ອສະກັດກັ້ນການຫລັັ່ງໄຫຼໄປສົມທົບຂອງພວກນັກລົບຕ່າງ ປະເທດນັ້ນ ອາດ
ມີຄວາມສຳຄັນຫລາຍກວ່າ.
ນາຍພົນ Hesterman ກ່າວວ່າ ກຳລັງປະສົມຍັງບໍ່ທັນໄດ້ເຫັນຫລັກຖານການ ເສຍຊີ
ວິດຂອງພົນລະເຮືອນຢູ່ໃນເມືອງ ທາງພາກເໜືອຂອງອີຣັກ ທີ່ເປັນເປົ້າໝາຍໃນການ
ໂຈມຕີໂດຍກຳລັງປະສົມ ເມື່ອວັນອັງຄານຜ່ານມາ.
ບັນດາຜູ້ເຫັນເຫດການ ຈາກການໂຈມຕີທີ່ເມືອງ Hawija ກ່າວວ່າ ມັນເຮັດໃຫ້ຄຸ້ມໆນຶ່ງ
ຮາບເປັນໜ້າກອງ ແລະພົນລະເຮືອນເສຍຊີວິດຫລາຍສິບຄົນ.
ນາຍພົນ Hesterman ກ່າວວ່າ ສະຫະລັດໄດ້ຖີ້ມລະເບີດນ້ອຍໆ ລົງໃສ່ໂຮງ ງານເຮັດ
ລະເບີດ ແລະສິ່ງທີ່ຢູ່ພາຍໃນໄດ້ເຮັດໃຫ້ເກີດລະເບີດຂະໜາດແຮງຂື້ນ.
