ສະຫະລັດໄດ້ວາງມາດຕະການລົງໂທດ ຫົວໜ້າລັດຖະບານນິຍົມອິສລາມຂອງລີິເບຍຢູ່ທີ່ນະຄອນ Tripoli ຫລັງຈາກໄດ້ກ່າວຫາທ່ານວ່າ ພະຍາຍາມບ່ອນທຳລາຍລັດຖະບານສາມັກຄີຊາດທີ່ໄດ້ຮັບການໄກ່ເກ່ຍໂດຍອົງການສະຫະປະຊາດ ໂດຍຊອກຫາຊ່ອງທາງ ທີ່ຈະສ້າງຖານທີ່ໝັ້ນເພີ້ມຂຶ້ນຢູ່ໃນປະເທດທີ່ປະສົບກັບໄພສົງຄາມດັ່ງກ່າວ.
ການລົງໂທດນີ້ແມ່ນແນໃສ່ທ່ານ Khalifa Ghweil ຫົວໜ້າ ໃນອັນທີ່ຮ້ອງວ່າ ລັດຖະບານກອບກູ້ຊາດຊຶ່ງລັດຖະບານທ່ານ Obama ກ່າວວ່າ “ເປັນໄພຂົ່ມຂູ່ທີ່ຜິດທຳມະດາ ແລະມີລັກສະນະພິເສດ” ຕໍ່ຄວາມໝັ້ນຄົງສະຫະລັດແລະຜົນປະໂຫຍດດ້ານການທູດ.
ການລົງໂທດ ຂອງກະຊວງການເງິນສະຫະລັດ ໄດ້ຫ້າມບໍ່ໃຫ້ຊາວອາເມຣິກັນ ເຮັດທຸລະກິດກັບທ່ານ Ghweil ແລະເຂົາເຈົ້າໄດ້ກັກຊັບສິນທີ່ຢູ່ໃນຂອບເຂດກົດໝາຍຂອງສະຫະ ລັດ.
ປະຊາຄົມສາກົນເຫັນວ່າລັດຖະບານສ້າງຄວາມປອງດອງຊາດໃໝ່ ຫລື GNA ແລະຜູ້ ນຳຂອງລັດຖະບານ ທ່ານ Fayez Al-Sarraj ເປັນຄວາມຫວັງອັນສູງສຸດຂອງລີເບຍ ເພື່ອສ້າງສະເຖຍລະພາບ ຫລືບໍ່ດັ່ງນັ້ນ ເປັນປະເທດດັ່ງກ່າວທີ່ ມີປະຊາກອນ 6 ລ້ານ 2 ແສນຄົນກໍຈະປະສົບກັບຄວາມວຸ້ນວາຍ.
ທ່ານ Serraj ແລະບັນດາສະມາຊິກທີ່ສຳຄັນຂອງລັດຖະບານສາມັກຄີຊາດ ໄດ້ຖືກສົ່ງໂດຍໜ່ວຍປະຕິບັດງານຂອງປະເທດຕາເວັນຕົກເຂົ້າໄປສູ່ດິນແດນລີເບຍໂດຍທາງທະ ເລໃນຕົ້ນປີນີ້ ດ້ວຍການສະໜັບສະໜູນຢ່າງກວ້າງຂວາງຈາກປະເທດຕ່າງໆໃນຢູໂຣບ ແລະສະຫະລັດ.
ບັນດານັການທູດ ໄດ້ສະແດງຄວາມຫວັງວ່າ ພັກອິສລາມ ຂອງທ່ານ Ghweil ຈະເຂົ້າ ຮ່ວມ ກັບລັດຖະບານອຶ່ນໆ ທີ່ຕັ້ງຢູ່ ເມືອງຊາຍຝັ່ງ Tobruk ເພື່ອໜູນຫລັງການລັດຖະ ບານສາມັກຄີຊາດໃນການສູ້ລົບຕ້ານພວກຫົວຮຸນແຮງຈັດລັດອິສລາມທີ່ຄວບຄຸມເມືອງ Sirte ໃນພາກກາງຂອງລີເບຍນັ້ນ.
