ລິ້ງ ສຳຫລັບເຂົ້າຫາ

site logo
ວັນສຸກ, 27 ພຶດສະພາ 2022

ສະຫະລັດ ວາງມາດຕະການລົງໂທດ ຕໍ່ບໍລິສັດ ຈີນ ຍ້ອນຄວາມຂັດແຍ້ງ ໃນທະເລຈີນໃຕ້


ຮູບນີ້ຖ່າຍຈາກປ່ອງຢ້ຽມຂອງເຮືິອບິນທະຫານ ສະແດງໃຫ້ເຫັນ ເກາະສັນດອນທີ່ຖືກກ່າວຫາວ່າ ຈີນ ອ້າງເອົາກຳມະສິດ ຢູ່ໝູ່ເກາະ Spratly ໃນທະເລຈີນໃຕ້.

ສະຫະລັດ ໄດ້ວາງມາດຕະການລົງໂທດຕໍ່ 24 ບໍລິສັດຂອງ ຈີນ ແລະ ຫຼາຍຄົນໃນວັນພຸດວານນີ້ ຜູ້ທີ່ຖືກກ່າວຫາວ່າໄດ້ເຂົ້າຮ່ວມໃນການກໍ່ສ້າງ ແລະ ເອົາທະຫານເຂົ້າໄປປະຈຳການຢູ່ບັນດາເກາະດອນທຽມທີ່ມີການຂັດແຍ້ງກັນໃນທະເລຈີນໃຕ້.

ກະຊວງການຄ້າ ສະຫະລັດ ໄດ້ກ່າວໃນຖະແຫຼງການສະບັບນຶ່ງວ່າ ພວກບໍລິສັດດັ່ງກ່າວໄດ້ “ມີບົດ ບາດໃນການຊ່ວຍເຫຼືອກອງທັບ ຈີນ” ໃນໂຄງການກໍ່ສ້າງນັ້ນ, ໃນຂະນະທີ່ລັດຖະມົນຕີການຕ່າງປະເທດ ສະຫະລັດ ທ່ານ ໄມຄ໌ ພອມ-ພຽວ ໄດ້ກ່າວໃນການປະກາດຕ່າງຫາກວ່າ ເຂົາເຈົ້າໄດ້ກຳ ນົດການຫ້າມອອກ ວີຊາ ໃຫ້ບຸກຄົນຕ່າງໆ “ທີ່ມີຄວາມຮັບຜິດຊອບ” ຫຼື ເຂົ້າໄປກ່ຽວຂ້ອງ” ໃນໂຄງ ການນັ້ນ.

ທ່ານ ພອມພຽວ ໄດ້ກ່າວວ່າ “ນັບຕັ້ງແຕ່ປີ 2013 ເປັນຕົ້ນມາ, ສາທາລະນະລັດ ປະຊາຊົນ ຈີນ ໄດ້ໃຊ້ວິສາຫະກິດທີ່ລັດຖະບານເປັນເເຈົ້າຂອງເພື່ອຂຸດ ແລະ ປັບພື້ນທີ່ຫຼາຍກວ່າ 3,000 ເອເຄີ ຢູ່ເກາະດອນທີ່ມີຄວາມຂັດແຍ້ງກັນຕ່າງໆໃນທະເລຈີນໃຕ້, ສ້າງຄວາມບໍ່ໝັ້ນຄົງໃນພາກພື້ນ, ຝ່າຝືນສິດທິອຳນາດອະທິປະໄຕຂອງປະເທດທີ່ຢູ່ໃກ້ຄຽງຂອງເຂົາເຈົ້າ, ແລະ ເຮັດໃຫ້ເກີດຄວາມເສຍ ຫາຍດ້ານສິ່ງແວດລ້ອມຢ່າງນັບບໍ່ຖ້ວນ.”

ການດຳເນີນການຂອງ ສະຫະລັດ ໃນວັນພຸດວານນີ້ ໄດ້ມີຂຶ້ນລຸນຫຼັງການປັບປຸງນະໂຍບາຍໃໝ່ໃນເດືອນກໍລະກົດທີ່ໄດ້ເອີ້ນ “ການອ້າງເອົາເຂດນໍ້າທະເລທີ່ບໍ່ຖືກຕ້ອງຕາມກົດໝາຍ” ຂອງ ປັກກິ່ງ ຢ່າງຈະແຈ້ງໃນທະເລ ຈີນໃຕ້.

ການດຳເນີນການດັ່ງກ່າວແມ່ນບາດກ້າວຫຼ້າສຸດທີ່ ສະຫະລັດ ໄດ້ໃຊ້ຕໍ່ ຈີນ ສຳລັບການສ້າງກອງ ທັບຂອງເຂົາເຈົ້າໃສ່ດິນແດນໃນທະເລຈີນໃຕ້, ບ່ອນທີ່ປະເທດອື່ນໆກໍໄດ້ອ້າງເອົາອຳນາດອະທິປະ ໄຕເຊັ່ນດຽວກັນນັ້ນ.

ອ່ານຂ່າວນີ້ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG