ພວກນັກບິນອະວະກາດກຸ່ມນຶ່ງ ຈາກຣັດເຊຍ ແລະສະຫະລັດ
ໄດ້ເຂົ້າຈອດດ້ວຍຄວາມປອດໄພໃນວັນສຸກມື້ນີ້ ທີ່ສະຖານີອະ
ວະກາດນາໆຊາດ ຫລື ISS.
ຍານອະວະກາດ Soyuz ຂອງຣັດເຊຍ ໄດ້ຖືກສົ່ງຂຶ້ນຈາກສະ
ຖານີອະວະ ກາດ Baikonur ທີ່ Kazakhstan ໃນຕອນແລງ
ວັນພະຫັດວານນີ້ໂດຍນຳເອົານັກບິນອະວະກາດ Alexander
Samokutyaev ແລະ Elena Serova ຈາກຣັດເຊຍແລະນັກ
ບິນອະວະກາດສະຫະລັດ Barry Wilmore ຂຶ້ນສູ່ວົງໂຄຈອນ.
ທ່ານນາງ Serova ຈະເປັນນັກບິນອະວະກາດຜູ້ຍິງຄົນທີສີ່ຂອງ
ຣັດເຊຍເທົ່ານັ້ນ ທີ່ໄດ້ບິນຢູ່ໃນອະວະກາດ ແລະເປັນຄົນທຳອິດ ນັບຕັ້ງແຕ່ປີ 1997 ມາ.
ພວກນັກບິນອະວະກາດຈຸໃໝ່ນີ້ ຈະພາກັນຢູ່ທີ່ສະຖານີອະວະກາດນາໆຊາດ ເປັນເວລາ
ຫົກເດືອນ ເພື່ອປະຕິບັດງານຮ່ວມກັບພວກນັກບິນອະວະກາດສາມຄົນ ທີ່ປະຈຳການຢູ່ທີ່ນັ້ນແລ້ວ.
