ສະຫະລັດກ່າວວ່າ ລາຍງານການໂຈມຕີທາງອາກາດຂອງຣັດ
ເຊຍ ເຮັດໃຫ້ພົນລະເຮືອນຫລາຍຮ້ອຍຄົນເສຍຊີວິດນັ້ນ “ເປັນ
ທີ່ລົບກວນໃຈທີ່ສຸດ” ແລະການໂຈມຕີປະຊາຊົນທີ່ຕົກຢູ່ໃນອັນ
ຕະລາຍທີ່ສຸດຂອງປະເທດນັ້ນ ໄດ້ບ່ອນທຳລາຍຕໍ່ຄວາມພະຍາ
ຍາມທີ່ຈະແກ້ໄຂບັນຫາຂັດແຍ້ງຢູ່ໃນປະເທດດັ່ງກ່າວໂດຍທາງ
ການເມືອງ.
ໂຄສົກກະຊວງຕ່າງປະເທດ ສະຫະລັດ ທ່ານ Mark Toner
ກ່າວໃນວັນອັງຄານວານນີ້ວ່າ ໄດ້ມີການເພັ່ງເລັງ ໃສ່ການຊຸກຍູ້
ຂັ້ນຕອນທາງການເມືອງກ່ອນໜ້າການເຈລະຈາສັນຕິພາບ ທີ່ໄດ້
ວາງແຜນໃສ່ເດືອນໜ້ານີ້ ແລະທຸກພັກຝ່າຍ ທີ່ມີຜົນປະໂຫຍດໃນ
ຊີເຣຍ ຈຳເປັນຕ້ອງໄດ້ດຳເນີນງານກ່ຽວກັບມາດຕະ ການເພື່ອສ້າງເຊື່ອໝັ້ນລະຫວ່າງກັນ.
ບັນດາກຸ່ມປົກປ້ອງສິດທິມະນຸດລາຍງານວ່າ ການໂຈມຕີທາງອາກາດຂອງຣັດເຊຍ ໄດ້
ຖືກເປົ້າໝາຍພົນລະເຮືອນ ເພີ້ມເຕີມຈາກການຕິຕຽນຂອງບັນດາລັດ ຖະບານຕາເວັນ
ຕົກທີ່ກ່າວວ່າ ການໂຈມຕີຂອງຣັດເຊຍໄດ້ເສີມຄວາມເຂັ້ມແຂງ ໃຫ້ແກ່ປະທານາທິບໍດີ
ຊີເຣຍ ທ່ານ Bashar al-Assad ແທນທີ່ຈະແນເປົ້າ ໝາຍໃສ່ພວກຫົວຮຸນແຮງລັດ
ອິສລາມ.
ທ່ານ Toner ກ່າວວ່າ “ພວກເຮົາໃນບາງຄັ້ງພາຍໃນໄລຍະຫົກເດືອນ ຫາໜຶ່ງປີທີ່ຜ່ານ
ມາໄດ້ເຫັນຣັດເຊຍ ຫລີ້ນບົດບາດໃນທາງບວກຫລືທາງສ້າງສັນ ໃນດ້ານການເມືອງ
ເພື່ອແກ້ໄຂບັນຫາຂັດແຍ້ງໃນຊີເຣຍ. ພວກເຮົາຢາກເຫັນສິ່ງ ດັ່ງກ່າວ ຊຶ່ງໃນບັດນີ້
ຢາກໃຫ້ມີການເຄື່ອນໄຫວ ຖ້າເປັນໄປໄດ້.”
ທ່ານກ່າວວ່າ ລັດຖະມົນຕີ ຕ່າງປະເທດສະຫະລັດ ທ່ານ John Kerry ໄດ້ໂອ້ລົມເຖິງ
ຄວາມເປັນຫ່ວງ ກ່ຽວກັບການໂຈມຕີ ໂດຍທາງໂທລະສັບກັບລັດຖະມົນ ຕີຕ່າງປະເທດ
ຣັດເຊຍ ທ່ານ Sergei Lavrov.
ທ່ານກ່າວວ່າ “ພວກເຮົາໄດ້ຮຽກຮ້ອງຢູ່ເປັນປະຈຳໃຫ້ທຸກຝ່າຍໃນບັນຫາຂັດແຍ້ງ ຈົ່ງໃຫ້
ມີຄວາມລະມັດລະວັງ ເພື່ອຫລຸດຜ່ອນຄວາມສ່ຽງໃນການເປັນອັນຕະລາຍ ຕໍ່ພົນລະ
ເຮືອນ ແລະປະຕິບັດຕາມພັນທະຂອງຕົນ ພາຍໃຕ້ກົດໝາຍມະນຸດສະທຳສາກົນ.”
ຣັດເຊຍ ໄດ້ປະຕິເສດຕໍ່ການກ່າວຫາ ກ່ຽວກັບການໂຈມຕີຂອງທະຫານໃນຊີເຣຍ ທີ່ໄດ້
ເລີ້ມຂຶ້ນເມື່ອທ້າຍເດືອນກັນຍາເປັນຕົ້ນມາ.
