ກະຊວງຮັກສາຄວາມປອດໄພພາຍໃນສະຫະລັດ ກ່າວວ່າ
ຕຳຫລວດກວດຄົນເຂົາເມືອງແລະພາສີລາຍງານວ່າ ຕົນ
ໄດ້ຈັບຄົນຫລາຍຂຶ້ນໃນສົກປີທີ່ສີ້ນສຸດລົງໃນເດືອນກັນຍາ
ຜ່ານມານີ້ ແຕ່ເປັນສັນຊາດເມັກຊິໂກ ໜ້ອຍກວ່າປີກ່ອນໆ.
ບັນດາເຈົ້າໜ້າທີ່ ກ່າວໃນວັນສຸກວານນີ້ວ່າ ການຈັບກຸມ
ຊາວເມັກຊິໂກໄດ້ຫລຸດລົງ 14 ເປີເຊັນ ແຕ່ພວກທີ່ມາຈາກ
ປະເທດອຶ່ນໆຊຶ່ງສ່ວນໃຫຍ່ແມ່ນອາເມຣິກາກາງ ໄດ້ເພີ້ມ
ຂື້ນ 68 ເປີເຊັນ.
ໜ່ວຍລາດຕະເວນຊາຍແດນສະຫະລັດ ລາຍງານວ່າ ຫລາຍ
ກວ່າ 486,000 ຄົນໄດ້ຖືກຈັບຢູ່ໃນທົ່ວປະເທດ ປຽບທຽບໃສ່ຫລາຍກວ່າ 420,000 ຄົນ
ໃນປີ 2013.
ພວກເຈົ້າໜ້າທີ່ ອ້າງວ່າ ເປັນຍ້ອນການຫລັ່ງໄຫລເຂົ້າມາເພີ້ມຂຶ້ນ ຂອງບັນດາເດັກນ້ອຍ
ທີ່ບໍ່ມີຜູ້ປົກຄອງ ຢູ່ພາກໃຕ້ຂອງ ລັດ Texas ຫວ່າງບໍ່ເທົ່າໃດເດືອນທີ່ຜ່ານມານີ້.
ຍິ່ງໄປກວ່ານັ້ນ 85 ເປີເຊັນຂອງພວກທີ່ຖືກເນລະເທດ ແລະສົ່ງກັບຈາກ ສະຫະລັດ ແມ່ນ
ພວກທີ່ກະທຳຜິດກົດໝາຍ ເພີ້ມຂື້ນເຖິງ 67 ເປີເຊັນ ຈາກປີ 2011.
ກະຊວງຮັກສາຄວາມປອດໄພພາຍໃນສະຫະລັດ ກ່າວວ່າ ຜົນຮັບດັ່ງກ່າວໄດ້ສະທ້ອນ
ໃຫ້ເຫັນເຖິງຄວາມໝາຍໝັ້ນ ໃນການຈັດຕັ້ງປະຕິບັດງານດ້ານຄົນເຂົ້າເມືອງ ແບບ ສະຫລາດ ມີປະສິດທິຜົນ ທີ່ອະນຸຍາດໃຫ້ເນລະເທດພວກກະທຳຄວາມຜິດຕ່າງໆ ແລະ
ພວກທີ່ເຂົ້າເມືອງມາໂດຍບໍ່ມີເອກກະສານຫວ່າງມໍ່ໆມານີ້ ອອກນອກປະເທດກ່ອນ.
ບັນດາເຈົ້າໜ້າທີ່ກະຊວງຮັກສາຄວາມປອດໄພພາຍໃນ ກ່າວວ່າ ຈຳນວນທັງໝົດຂອງ
ການຈັບກຸມຢູ່ຊາຍແດນ ຍັງສືບຕໍ່ຫລຸດລົງຢ່າງສຳຄັນ ຢູ່ໃນລະດັບຕ່ຳກວ່າປີ 2000
ເວລາເຈົ້າໜ້າທີ່ລາດຕະເວນຊາຍແດນລາຍງານເຖິງຈຳນວນສູງສຸດ 1 ລ້ານ 6 ແສນຄົນ
ທີ່ຖືກຈັບໄດ້ນັ້ນ.
ລັດຖະສະພາໂຈມຕີ ດຳລັດອະນຸໂລມໃຫ້ ຄົນເຂົ້າເມືອງຜິດກົດໝາຍ
ຂອງ ປ. ໂອບາມາ:
