ວັນອາທິດມື້ວານນີ້ ທີ 7 ທັນວາ ແມ່ນເປັນວັນຄົບຮອບປີທີ 73
ຂອງການຫຼອນໂຈມຕີຂອງຍີ່ປຸ່ນ ຕໍ່ຖານທັບເຮືອຂອງສະຫະລັດ
ທີ່ທ່າເຮືອ Pearl Harbor ລັດ Hawaii ແຕ່ປັດຈຸບັນນີ້ ວັນດັ່ງ
ກ່າວແມ່ນມີການລະນຶກເຖິງ ແບບບໍ່ມີພິທີຮີຕອງ ຫລາຍເທົ່າໃດ.
ໃນປີ 1941 ມື້ລາງປະທານາທິບໍດີສະຫະລັດ ທ່ານ Franklin
Roosevelt ໄດ້ປະກາດການໂຈມຕີໃນວັນທີ 7 ທັນວາ ວ່າເປັນ
“ວັນທີທີ່ຈະຢູ່ໃນຄວາມອັບອາຍ” ຊຶ່ງສະຫະລັດໄດ້ປະກາດ
ທຳສົງຄາມກັບຍີ່ປຸ່ນ ໃນມື້ຕໍ່ມາ ແລະເຂົ້າຮ່ວມໃນສົງຄາມໂລກ
ຄັ້ງທີສອງ. ທະຫານເຮືອສະຫະລັດ ແລະຄົນອື່ນໆ ຫຼາຍກວ່າ
2400 ຄົນໄດ້ເສຍຊີວິດ ໃນການໂຈມຕີຄັ້ງນັ້ນ ຢູ່ໃນອັນທີ່ປັດຈຸ
ບັນນີ້ ເປັນລັດເກາະດອນແຫ່ງນຶ່ງຂອງສະຫະລັດ ໃນກາງມະຫາສະມຸດປາຊີຟິກ.
ປະທານາທິບໍດີບາຣັກ ໂອບາມາ ໄດ້ອອກຖະແຫຼງການສະບັບນຶ່ງ ປະກາດໃຫ້ວັນອາທິດວານນີ້ ເປັນວັນລະລຶກເຖິງທ່າເຮືອ Pearl Harbor ແຫ່ງຊາດ ແລະທ່ານໄດ້ກ່າວເຕືອນຄວາມຊົງຈຳວ່າ ລຸ້ນຄົນ ທີ່ຍິ່ງໃຫຍ່ທີ່ສຸດ ໄດ້ສົ່ງຄົນອາເມຣິກັນຫຼາຍລ້ານຄົນໄປຣ໋ວມໃນສົງຄາມ “ເພື່ອເຮັດໃຫ້ໂລກປອດໄພຂຶ້ນ ມີເສລີພາບຫລາຍຂຶ້ນ ແລະຍຸຕິທຳຫຼາຍຂຶ້ນ.”
ແຕ່ປະທານາທິບໍດີໂອບາມາ ບໍ່ໄດ້ວາງແຜນທີ່ຈະໄປປະກອບສ່ວນໃນພິທີລຳລຶກໃດໆ.
ໄດ້ມີການວາງພວງມາລາ ໄວ້ທີ່ທ່ານເຮືອ Pearl Harbor ໂດຍພວກທີ່ລອດຊີວິດຈາກສົງຄາມ ທີ່ພາກັນໄປລະລຶກເຖິງ ການໂຈມຕີໃນເຊົ້າວັນອາທິດມື້ນັ້ນ.
ປັດຈຸບັນນີ້ ຍີ່ປຸ່ນໄດ້ເປັນພັນທະມິດທີ່ແຂງຂັນຂອງສະຫະລັດ ແລະ ຈຳນວນຂອງພວກ
ນັກລົບເກົ່າທີ່ຕໍ່ສູ້ໃນປາງສົງຄາມໂລກຄັ້ງທີສອງ ທີ່ເຖົ້າແກ່ຊະລາໄປແລ້ວນັ້ນ ກໍຫລຸດນ້ອຍຖອຍລົງ ຍັງເຫຼືອພຽງແຕ່ 1 ລ້ານຄົນໃນຈຳນວນທັງໝົດ 16 ລ້ານຄົນ ທີ່ໄດ້ຮັບໃຊ້ໃນປາງສົງຄາມນັ້ນ.
